Jo 4:4 - Sơ̆p Hlabơar Nơ̆r 'Bok Kei-Dei

⁴ 'Nâu tơdrong jang lu adrĕch kon sâu Kôhat lăm Bơsŭn Anih Akŭm, lu sư wei-lăng tơmam rơgoh hloh,

Jo 4:4 Kruisverwysings

I Ho 23:6

Đawit asong lu sư kiơ̆ kơ khŭl lăm pêng 'nu kon drŏ-nglo Lêwi, noh Gersôm, Kôhat păng Mêrari.

Jo 10:21

Đơ̆ng noh khŭl Kôhat yak năm, tung ba tơmam rơgoh; lu đe tơiung pơdơ̆ng Bơsŭn Anih Akŭm păng khăn noh boih adrol kơ lu sư truh.

Jo 4:15

Đang kơ Arôn păng lu kon drŏ-nglo sư chô̆ chôm đĭ tơmam lăm anih rơgoh boih, na đe pôk bơsŭn noh yak, na lu kon sâu Kôhat năm tung iŏk lu tơmam noh; lu sư ưh kơ gơh kơ hơtŭt 'bơm ôh tơmam rơgoh noh, kơnh lu sư lôch. Tơmam lăm Bơsŭn Anih Akŭm, tơmam noh mă lu kon sâu Kôhat athei tung.

Jo 4:19

athei pơm tơdrong 'nâu ăn kơ lu sư, wă kơ tơdah năm jê̆ tơ anih rơgoh hloh, lu sư gơh arih, huay kơ lôch: Arôn păng lu kon drŏ-nglo athei jao ăn tơdrong jang kơ rim 'nu păng tơmam kiơ lu sư wă tung.

Jo 4:24

'Nâu dôm tơdrong jang lu adrĕch kon sâu Gersôn, gô pơm păng tơmam lu sư wă tung.

Jo 4:3

Iŏk đơ̆ng pêng-jĭt sơnăm tơ kơpal truh tơ pơđăm-jĭt sơnăm, wă khan đĭ-đăng bơngai bu mă gơh jang tơgŭm lăm Bơsŭn Anih Akŭm.

Jo 4:30

jô̆ lu kon drŏ-nglo iŏk đơ̆ng pêng-jĭt sơnăm truh tơ pơđăm-jĭt sơnăm, wă jô̆ đĭ-đăng lu bơngai gơh jang tơgŭm tơ Bơsŭn Anih Akŭm.

Jo 4:5

tơdah wă weh tơ nai plôh bơsŭn Anih akŭm, Arôn păng lu kon drŏ-nglo sư yaih lang che pĕng anih 'lơ̆ng rơgoh, na klơ̆p gom lê̆ hom tơdrong pơgơ̆p hăm che noh,

Jo 7:9

Mă-lei sư ưh kơ pơjao gre hăm rơmo dăm kơ kon sâu Kôhat, yua kơ lu sư jang wei-lăng păng tung tơmam rơgoh tơ kơpal hơngiĕng lu sư.

Markôs 13:34

Tơdrong ei thoi lĕ kơ minh 'nu bơngai wă năm tơ dêh tơmoi ataih. Hơdrol kơ sư wă yak đơ̆ng hnam, sư pơkă kơ lu đĭch đam sư wei-lăng hnam păng rim 'nu lu sư jang kiơ̆ kơ tơ'ngla sư pơkă păng khan kơ bơngai gak 'măng athei kơchăng.