Jo 3:41 - Sơ̆p Hlabơar Nơ̆r 'Bok Kei-Dei

⁴¹ Inh boih Kră Yang. Ih athei chă rơih ăn kơ Inh kon kơdră drŏ-nglo đơ̆ng adrĕch bơngai Lêwi wă tơplih kơ kon drŏ-nglo kơdră lăm adrĕch bơngai Isơrael; kư̆m athei rôp sem dơrong tuh blŭng-a đơ̆ng bơngai Lêwi wă tơplih kơ dôm kon sem dơrong tuh blŭng-a kơ bơngai Isơrael.

Jo 3:41 Kruisverwysings

Jo 18:15

Dôm lu kon kơdră mă kon bơngai dah kon sem dơrong đơ̆ng bơngai Isơrael đei pơyơ̆r ăn kơ Kră Yang, noh jing gah ih ngăl; mă-lei ih athei huai iŏk kon kơdră kon bơngai; kư̆m athei huai iŏk dôm kon sem dơrong mă ưh kơ 'lơ̆ng rơgoh tuh adrol.

Jo 3:12

'Nâu, lăm adrĕch bơngai Isơrael Inh, rơih iŏk boih bơngai Lêwi tơplih ăn kơ đĭ-đăng lu kon kơdră bơngai Isơrael. Thoi noh, bơngai Lêwi noh lu sư gah Inh,

Jo 3:13

yua kơ đĭ-đăng lu kon kơdră noh gah Inh ngăl. Sơ̆ kơplah Inh pơlôch pơrăm lu kon kơdră lăm char Êyiptơ, Inh rơih 'măn lê̆ kơ Inh lu kon kơdră lăm Isơrael, mă khan noh kon bơngai dah kon sem dơrong, lu sư gah Inh đĭ-đăng; Inh boih Kră Yang.

Jo 3:42

Thoi ei, Môis chih jô̆ pơđĭ lu kon kơdră bơngai Isơrael, kiơ̆ thoi Kră Yang mă đei pơkă khan kơ sư.

Jo 3:45

Iŏk bĕ đĭ-đăng kon kơdră bơngai Lêwi tơplih kơ lu kon kơdră bơngai Isơrael păng lu sem dơrong bơngai Lêwi tuh blŭng-a noh tơplih kơ sem dơrong bơngai Isơrael mă tuh blŭng-a; thoi noh, lu bơngai Lêwi lu sư gah Inh. Inh boih Kră Yang.

Jo 8:16

Yua kơ Inh rơih iŏk lu bơngai Lêwi kơ Inh kơdih, wă tơplih lu kon kơdră bơngai Isơrael.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

I Tim 2:6

Sư ăn akâu Sư kơdih lôch tang wă huai iŏk đĭ-đăng kon bơngai. Truh boih sơnăm 'Bok Kei-Dei pơkă Kon Sư lôch ei sơ̆, sơnăm 'noh boih Yêsu lôch tang huai iŏk kon bơngai, wă kon bơngai băt kơ 'Bok Kei-Dei pơklaih đĭ-đăng bơngai đơ̆ng yoch.