Jo 23:3 - Sơ̆p Hlabơar Nơ̆r 'Bok Kei-Dei

³ Na Balaam pơma hăm Balak khan: Ih athei dơ̆ng jê̆ tơmam ih soi 'buh noh, na inh wă năm, rŏ lăng Kră Yang gô năm tơ'bơ̆p inh, inh gô roi ăn kơ ih dôm tơdrong kiơ Kră Yang tơ'bôh kơ ih. Sư tŏk hloi tơ kơpal kơ̆l kông kơjung 'nguaih glă.

Jo 23:3 Kruisverwysings

Bl 22:13

Abraham ngơk hue 'bôh đei minh pôm kon triu tơno tơ rŏng sư oei đom kơ hơmŭl 'long, na sư rôp iŏk triu 'noh 'buh pơm tơmam pơyơ̆r tơplih kơ kon sư.

Bl 22:2

Kră Yang 'Bok Kei-Dei khan thoi âu: “Rôp bĕ Isăk kon pôm ih mă 'mêm kơeng păng năm tơ tơring Môria, tơ anih noh ih pơyơ̆r kon ih pơm tơmam soi 'buh tơ minh anih kơpal kông to mă Inh gô tơ'bôh kơ ih.”

Bl 8:20

Nôê pơm minh pôm chơnang soi kơ Kră Yang 'Bok Kei-Dei. Sư rôp lu kon sem 'lơ̆ng rơgoh, hăm lu sem păr 'lơ̆ng rơgoh pơm tơmam soi 'buh pơyơ̆r tơ chơnang soi.

Le 18:12

Jêthrô, tơnei Môis, pơyơ̆r tơmam soi 'buh păng dôm tơmam pơyơ̆r nai ăn kơ Kră Yang 'Bok Kei-Dei; đơ̆ng noh Arôn păng lu kră bơngai Isơrael sŏng sa hơdai hăm tơnei Môis 'bơ̆t anăp Kră Yang 'Bok Kei-Dei.

Lêwi 1:1

Đơ̆ng lăm Bơsŭn Anih Akŭm, Kră Yang krao Môis khan:

Jo 23:12

Balaam tơl: Inh athei pơma dôm nơ̆r mă Kră Yang đei ăn boih nơ̆r pơma lăm 'bơ̆r inh?

Jo 23:15

Balaam khan kơ Balak: “Ih athei dơ̆ng 'bơ̆t cheng tơmam soi, inh gô năm tơ'bơ̆p Kră Yang tơ noh.”

Jo 23:2

Balak pơm kiơ̆ thoi Balaam khan; bre sư pơyơ̆r minh pôm rơmo tơno păng minh pôm triu tơno tơ rim kơ chơnang soi.

Jo 23:26

Balaam tơl Balak khan: Inh ưh tam mă khan kơ ih hă: Inh athei pơm kiơ̆ dôm tơdrong Kră Yang gô khan athei.

Jo 23:4

Kră Yang 'Bok Kei-Dei tơ'bơ̆p Balaam păng Balaam pơma hăm Sư khan: Inh đei pơdơ̆ng tơpơh tŏ chơnang soi păng tơ rim chơnang soi noh inh pơyơ̆r dan minh pôm rơmo tơno păng minh pôm triu tơno.

Jo 24:1

Balaam 'bôh Kră Yang hơdah dêh lăp đon sơkat pŭn hiôk ăn kơ adrĕch Isơrael sư ưh pă đei năm thoi adrol ki wă chă Kră Yang Sư tơwih muh măt Sư tơklă char glă,

Mathiơ 4:8

Yang Satan anhăk dơ̆ng Yêsu tŏk tơ kông kơjung tơpă, sư tơ'bôh kơ Yêsu đĭ-đăng jơ̆p-jang kơ teh đak kon pơlei pơla rŏ sor.

Jôsuê 24:10

Mă-lei inh ưh kơ wă mơ̆ng Balaam; thoi noh sư jing tă tơ sơkat ăn pŭn hiôk kơ lu iĕm păng Inh dŏng pơklaih lu iĕm đơ̆ng tơpang ti Balak.