Jo 19:9 - Sơ̆p Hlabơar Nơ̆r 'Bok Kei-Dei

⁹ Minh 'nu bơngai drŏ-nglo rơgoh 'lơ̆ng gô năm kôch iŏk tơnuh rơnok rơmo adruh đơ̆ng đe 'buh noh năm tuh tơ 'nguaih kơ kơđông, 'bơ̆t anih rơgoh; đe athei mong tơnuh rơnok noh kơ adrĕch Isơrael yua wă pơm đak, wă sut rơgoh tơdrong yoch.

Jo 19:9 Kruisverwysings

Lêwi 15:20

Dôm tơmam sư yua 'bĭch kơplah sư đei tơdrong kơnê̆ 'mê̆-'mach jing kơnê̆ 'mê̆-'mach đĭ; păng tơmam sư kơtĭt oei kư̆m jing kơnê̆ 'mê̆-'mach.

Sa 13:1

Lăm năr noh Inh gô pơchoh ăn minh pôm đak glung kơ hnam Đawit păng lu kon pơlei oei lăm Jêrusalem, yua kơ wă ôp tơdrong yoch kơnê̆ 'mê̆ brư̆.

Jo 19:13

Bơngai bu mă hơtŭt 'bơm akâu bơngai lôch păng ưh kơ ôp sut sư rơgoh, gô pơm ăn kơ Bơsŭn Anih Akŭm Kră Yang 'mê̆-'mach. Bơngai noh đe gô pơpuh tơlĕch sư đơ̆ng lăm khŭl bơngai Isơrael; yua kơ đak ôp sut tơdrong 'mê̆-'mach ưh kơ đei tơtreh tơ akâu sư, lei na sư oei 'mê̆-'mach đĕch, tơdrong 'mê̆-'mach oei tơ lăm akâu sư.

Jo 19:17

gah bơngai mă 'bơm 'mê̆-'mach, đe iŏk tơnuh rơnok 'buh soh rơmo wă huai đơ̆ng yoch, tah lăm bô̆i păng tuh đaka ro hlăng lăm noh.

Jo 19:18

Đơ̆ng noh minh 'nu bơngai rơgoh gô iŏk minh hơchô̆ hla 'long pơgang djrŭ tơ lăm đak, na tơtraih jơ̆p kơ anih lăm bơsŭn, tơ rim lu ge bô̆i, tơ rim 'nu lu bơngai oei tơ lăm noh păng tơ akâu bơngai bu mă đei hơtŭt 'bơm 'mê̆, dah lu kơting bơngai lôch, dah akâu minh 'nu bơngai đe pơlôch, dah akâu bơngai lôch dah bơsat.

Jo 19:3

Jao ăn rơmo noh kơ 'bok soi Êlêasar, chông ba tơ 'nguaih kơđông, na pơlôch rơmo noh 'bơ̆t anăp sư.

Jo 19:8

Tơ'ngla mă 'buh rơmo kư̆m athei pih hơbĕn ao păng hum môch akâu sư tơ lăm đak, bơngai noh kư̆m jing 'mê̆ mơgrĭ truh kơsơ̆ măng.

Jo 6:12

Thoi noh, sư athei 'măn lê̆ akâu sư kơdih kơ Kră Yang, dôm lu năr mă jao akâu sư kơdih păng rôp minh pôm kon triu tơno dang minh sơnăm pơyơ̆r pơm tơmam soi huai iŏk tơdrong sư yoch glăi; mă-lei dôm lu năr sư pơyơ̆r jao akâu sư mă adrol noh ưh pă jô̆ boih, yua kơ năr sư jao akâu noh sư yoch 'mê̆-'mach boih.

Jo 8:7

'Nâu boih tơdrong ih athei pơm ăn kơ lu sư rơgoh; iŏk đak rơgoh tơtreh tơ kơpal akâu lu sư wă kơ rơgoh; lu sư athei hơkôih sŏk sop jơ̆p kơ akâu lu sư, pih hơbĕn ao păng hum hơmet akâu kơdih rơgoh.

Jo 9:13

Mă-lei bơngai bu rơgoh păng ưh kơ đei năm tơ ataih, tơdah ưh kơ đei 'blŏk hơdơ̆r ôh kơ năr giĕng Năm Brih, đe gô puh tơweh lê̆ sư đơ̆ng kon pơlei pơla sư; yua kơ bơngai noh ưh kơ đei pơyơ̆r tơmam soi kơ Kră Yang kiơ̆ thoi đei pơkă lê̆ năr boih, sư gô pŭ yoch kơdih.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

Hêbrơ 9:13

Tơdrong yoch pel 'bơm ưh kơ lăp, kiơ̆ kơ tơdrong juăt so sơ̆, athei pơ'lơ̆ng hăm pham bơbe pham rơmo tơno păng iŏk hơyok kon rơmo adruh đêl đe 'buh pơkhoy tuh bơlŭ hăm đak, na sraih lu bơngai mă đei tơdrong yoch noh na klaih, jô̆ jing bơngai rơgoh boih.