Jo 16:2 - Sơ̆p Hlabơar Nơ̆r 'Bok Kei-Dei

² Lu bơngai âu păng hăm 'bar-hrĕng pơđăm-jĭt 'nu lăm kon pơlei Isơrael, bơngai mă đe đei rơih iŏk pơm yŏng pơgơ̆r lu bơngai jang lăm khŭl tơpôl đe ư-ang, lu sư kư̆m pôm đon năm pơjah pơjăng hăm Môis păng Arôn,

Jo 16:2 Kruisverwysings

Bl 6:4

Chăl noh păng chăl đơ̆ng rŏng kơ noh đei lu bơngai mă tih kơjung arih kơpal teh, yua kơ tơdăm yang oei hơdai hăm lu adruh kon bơngai na pơjing kon hơ'lơ̆p; noh lu bơngai nuih kơtang sơ̆ đe ư-ang kơ lu sư.

I Ho 12:30

Kon sâu Êphraim, đei 'bar-jĭt rơbâu tơhngam-hrĕng 'nu bơngai, tă kơ lu bơngai nuih pran kơtang ngăl đei đe ư-ang lăm adrĕch hnam 'bă sư kơdih.

I Ho 5:24

'Nâu boih lu bơngai yŏng pơgơ̆r lăm adrĕch adrung lu sư: Êpher, Isi, Êliel, Asriel, Jêrêmi, Hôđawia păng Jahdiêl. Lu sư bơngai yŏng kơdră lăm adrĕch lu sư, lu sư bơngai nuih kơtang đe ư-ang.

Êsêkiên 16:14

Đơ̆ng tơdrong 'lơ̆ng hơbŏ ih jing ư-ang jơ̆p kơ lu dêh char, yua kơ tơdrong 'lơ̆ng rŏ hơbŏ liĕm, mă Inh 'măn kơ ih, Kră Yang Tih Hloh khan thoi noh.

Êsêkiên 23:10

Lu sư plôh lê̆ hơbĕn ao sư, rôp lu kon drŏ-kăn kon drŏ-nglo sư, na iŏk đao pơlôch sư. Đe phak pơmat sư, sư boih lăm lu drŏ-kăn mă đe roi sa.

Jo 1:16

Lu đe âu đe rơih iŏk đơ̆ng lăm kon pơlei; lu sư âu boih lu kơdră pơgơ̆r adrĕch lu sư kơdih kiơ̆ kơ adrĕch 'bok lu sư păng jơ̆ yŏng pơgơ̆r linh bơngai Isơrael.

Jo 12:1

Miriam păng Arôn pơma 'bơm Môis yua kơ sư iŏk oei kơ minh 'nu drŏ-kăn bơngai Kus;

Jo 16:35

Đơ̆ng noh, đei ŭnh đơ̆ng Kră Yang dơhlông sa pơđĭ 'bar-hrĕng pơđăm-jĭt 'nu lu bơngai drŏ-nglo mă đei soh pơyơ̆r tơmam 'bâu phu.

Jo 26:9

Lu kon drŏ-nglo Êliap: Nêmuel, Đathan păng Abiram. Đathan păng Abiram 'nâu boih, mă pơm yŏng pơgơ̆r khŭl tơpôl iung blah pơjah hăm Môis păng Arôn, kiơ̆ kơ khŭl Kôrê kơplah lu sư iung blah hăm Kră Yang.

Jo 27:3

'Bă lu nhôn lôch boih tơ lăm char glă; sư ưh kơ kiơ̆ ôh lu tơpôl akŭm wă blah Kră Yang, wă khan lu khŭl Kôrê, mă-lei sư lôch yua kơ tơdrong yoch sư kơdih; păng sư ưh kơ đei kon drŏ-nglo ôh.