Jo 1:51 - Sơ̆p Hlabơar Nơ̆r 'Bok Kei-Dei

⁵¹ Tơdah Anih Akŭm păng khăn noh pôk tơ nai lu adrĕch bơngai Lêwi âu yuih, truh tơ anih boih lu sư gô tơiung pơdơ̆ng ming; lu adrĕch bơngai nai ưh kơ gơh năm jê̆ tơdah năm jê̆ đe gô pơlôch.

Jo 1:51 Kruisverwysings

II Sam 6:7

Kră Yang hil dêh kơ Usa, yua kơ sư rôp pel 'bơm Hom pơgơ̆p noh; Kră Yang 'Bok Kei-Dei pơlôch hloi sư 'bơ̆t anih 'noh 'bơ̆t cheng Hom pơgơ̆p Kră Yang 'Bok Kei-Dei.

Jo 10:11

Lăm sơnăm mă 'bar, khei 'bar, năr 'bar-jĭt, hơmơ̆l đông đơ̆ng bơbŭng Bơsŭn Anih Akŭm roi tơbăt.

Jo 16:40

Noh boih tơmam wă tơ'blŏk hơdơ̆r ăn kơ bơngai Isơrael, wă ưh kơ đei bu 'nguaih kơ kon sâu Arôn mă gơh năm jê̆ soh pơyơ̆r pơgang 'bâu phu 'bơ̆t anăp Kră Yang, hli kơnh kư̆m rok thoi Kôrê păng lu bơngai kiơ̆ hơdai sư, kiơ̆ thoi nơ̆r Kră Yang đei khan ăn boih kơ Môis.

Jo 17:13

Dah bơngai bu mă năm jê̆ bơsŭn Kră Yang gô lôch, na lu nhôn gô lôch đĭ hă?

Jo 17:5

Bơngai bu mă inh rơih iŏk, 'long jra noh đei bluh pơkao; thoi noh Inh wă chĭt lê̆ 'bơ̆r lu bơngai Isơrael mă đei jŏk pơjah hăm lu iĕm.

Jo 18:22

Kon pơlei Isơrael ưh kơ gơh năm jê̆ Bơsŭn Anih Akŭm dơ̆ng, kơnh hli kơ lu sư pơm yoch na lôch.

Jo 18:3

Lu sư gô bơ̆jang wei-lăng kiơ mă ih jao ăn, tơdrong jang kiơ mă lăm Bơsŭn; mă-lei lăp ưh kơ gơh năm jê̆ lu tơmam 'lơ̆ng rơgoh, kư̆m ưh kơ gơh dơ̆ng jê̆ chơnang soi đĕch, kơnh hli kơ lu sư lôch păng lu iĕm kư̆m lôch hai mơ̆n.

Jo 18:4

Lu sư gô pơgơ̆r hơdai ih, bơ̆jang lăm Bơsŭn Anih Akŭm, đĭ-đăng tơdrong jang lăm Bơsŭn; lu bơngai tơmoi nai ưh kơ gơh năm jê̆ ôh,

Jo 18:7

Ih păng lu kon drŏ-nglo ih athei jang mă pơ'lơ̆ng tơdrong jang 'bok soi, wei-lăng dôm tơdrong gah chơnang soi păng tơmam kiơ tơ lăm che pĕng; lu iĕm jang tơdrong jang iĕm tơ lăm noh. Tơdrong jang 'bok soi noh minh tơdrong jang inh pôk ăn jing thoi minh tơdrong pơchĕp ăn; bơngai bu năm jê̆ tơ noh gô pơlôch.

Jo 3:10

Thoi noh, ih gô pôk Arôn păng lu kon drŏ-nglo sư, wă pơm 'bok soi; lu bơngai tơmoi nai năm jê̆ đe gô pơlôch.

Jo 3:38

Môis, Arôn păng lu kon drŏ-nglo sư, đei pơdơ̆ng anih bơsŭn lu sư oei, tơ anăp gah hơlĕch kơ Bơsŭn Anih Akŭm, lu sư bơ̆jang lăm anih rơgoh tơplih kơ kon pơlei Isơrael. Lu bơngai nai năm jê̆ anih 'nâu đe gô pơlôch.

I Sam 6:19

Kră Yang phak kon pơlei Bêt Sêmes yua kơ lu sư pơih lăng tơ lăm Hom Pơgơ̆p Kră Yang. Sư pơlôch tơpơh-jĭt 'nu lăm lu sư. Kon pơlei nhơ̆m hmoi yua kơ Kră Yang phak lu sư tih tơpă.