Jêphania 1:15 - Sơ̆p Hlabơar Nơ̆r 'Bok Kei-Dei

¹⁵ Năr noh năr tơdrong hil, năr pơmat-tat ơh sơ'ngon, năr noh năr đe pơlôch pơrăm, năr măng mu păng năr ưh kơ đei hơdah năr hơmơ̆l păng tŭk gom,

Jêphania 1:15 Kruisverwysings

Êsai 13:9

'Nâu năr Kră Yang truh bơih, năr kơnê̆ krưp đei tơdrong hil mĭl kơtang, wă pơrăm teh âu jing juơ păng pơlôch lu bơngai pơm kơnê̆ đơ̆ng lăm noh.

Êsai 22:5

Kră Yang Tih Hloh pơkă bơih, gô đei minh năr tơdrong rŭng răng, pơjuă pơđep iung blah lăm anih thŭng tơdrong tơ'bôh, lu dur pơlei pơchah hơlih, nơ̆r krao ôr dŏng jơwa truh tơ kông.

Êsai 8:22

Đơ̆ng noh kŭp kơ̆l lăng tơ teh 'bôh tơdrong pơmat-tat măng mu, 'bôh tơdrong ơh sơ'ngon tơhuŏng lê̆ lu sư kơdih tơ anih măng mu gueo.

Je 30:7

Ô! Năr noh kơnê̆ krưp tih tơpă, mă ning-mônh kư̆m ưh kơ đei năr kơnê̆ dêh thoi noh. Noh boih năr truh răm kơ Jakôp! Mă-lei Inh gô dŏng lu sư klaih đơ̆ng noh.”

Jôel 2:11

Kră Yang pơma re thoi grơ̆m glaih 'bơ̆t anăp lu linh Sư; lu linh Sư lơ dêh, ưh kơ gơh jô̆. Lu linh pơm kiơ̆ pơsĭt nơ̆r Sư, tơtă jing pran kơtang. Tơpă năr Kră Yang wă phak tih dêh păng hli krưp, bu kĕ dơ̆ng lăm năr noh?

Jôel 2:2

Wă khan năr măng klăm măng mu gueo, năr hơmơ̆l găm păng tŭk hơ'bơ̆l gom kông. Đei minh adrĕch adrung tih păng pran kơtang truh thoi hơdah pơgê hrôih pơchrang jơ̆p kơpal kông. Đơ̆ng sơ̆ tam biơh đei, mă truh tơ ning-mônh kư̆m ưh kơ đei lu adrĕch bơngai thoi lu sư noh.

Jôel 2:31

Măt 'năr gô măng mu, măt khei gô jing thoi pham, adrol kơ năr krưp tih Kră Yang truh.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Jêphania 2:2

Adrol kơ năr đei pơkă boih wă truh, adrol kơ năr noh truh thoi hơkam 'ba kial pơđông, adrol kơ tơdrong Kră Yang hil mĭl truh tơ lu iĕm, adrol kơ jơ 'năr Kră Yang hil truh tơ lu iĕm.

Mathiơ 24:29

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah, sơnglŏng gô huŏng đơ̆ng plĕnh.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Both 28:52

Lu sư gô wang tăp dăr kơ pơlei jơ̆p lăm dêh char mă Kră Yang 'Bok Kei-Dei ăn kơ iĕm dĭng truh tơ lu dur tih kơjung kơjăp tơ noh, mă iĕm gơnang, gô teh pơchah răm đĭ.

II Pet 3:7

Mă dang ei Sư kư̆m pơkă khan wă pơrăm plĕnh pơrăm teh đak wă soh păng ŭnh. Truh năr Sư sek tơlang ning-mônh Sư pơrăm tơpă mơ̆n păng phak dôm lu bơngai mă ưh kơ lui kơ Sư lăm noh.

Tơdrông Tơ'bôh 6:17

yua kơ truh năr Sư hil kơ nhôn kơtang kơtĭt na bu kĕ sơ̆n.”