Jang 8:2 - Sơ̆p Hlabơar Nơ̆r 'Bok Kei-Dei

² Đei lu bơngai lui kơjăp năm 'bŭ atâu Êtien. Lu sư nhơ̆m hmoi ơh kơ Êtien lôch.

Jang 8:2 Kruisverwysings

Bl 23:2

Sara lôch tơ Kêriat Arba, noh krao Hêbrôn, lăm tơring Kanaan. Abraham grong nhơ̆m hmoi kơ Sara.

Bl 50:9

Kŭm đei linh aseh păng gre aseh kư̆m năm hơdai; 'nâu boih mă minh tơpôl lơ tơpă năm 'bŭ.

II Sam 3:31

Đawit khan kơ Jôap hăm đĭ-đăng kon pơlei kiơ̆ sư tơ noh: “Hek bĕ ao, asu 'bi tơ akâu, na nhơ̆m hmoi kơ Apner;” lu bơngai năm 'bŭ yak adrol kơ hơbang tung Apner, Đawit kiơ̆ đơ̆ng rŏng kơ đe tung Apner.

II Ho 32:33

Hesekia lôch pơdơh hơdai hăm lu 'bok sư, đe 'bŭ sư tơ lăm bơsat kơpal groi lu kon sâu Đawit, đĭ-đăng bơngai Juđa păng kon pơlei Jêrusalem grong ư-ang kơ sư tih tơpă kơplah sư lôch Manase kon drŏ-nglo sư pơgơ̆r pơtrơp sư.

II Ho 35:25

Jêrêmi pơm 'bai hơri nhơ̆m hmoi kơ Jôsia; kư̆m đei lu bơngai drŏ-nglo, drŏ-kăn oei hơri pôk kơ pơtao Jôsia dĭng truh dang ei; tơdrong hơri nhơ̆m hmoi jing juăt tơ lăm lu bơngai Isơrael; 'nâu tơdrong hơri noh đe chih răk tơ lăm sơ̆p hla bơar nhơ̆m hmoi.

Je 22:10

'Nĕ hmoi kơ pơtao lôch păng kư̆m 'nĕ pă nhơ̆m hmach kơ sư, jah nhơ̆m hmoi bĕ kơ pơtao mă đe rôp pơm bơnă đơ̆ng iĕm, yua kơ sư ưh pă wih brŏk tơ iĕm dơ̆ng. Ưh pă wă 'bôh dêh char sư âu dơ̆ng.

Je 22:18

Thoi noh, 'nâu Kră Yang khan gah Jêhôiakim, kon drŏ-nglo Jôsia pơtao đe Juđa: Ưh kơ đei bu nhơ̆m hmoi kơ sư khan: Hô̆ lah 'nhŏng inh! Hô̆ lah mŏ inh! Ưh kơ đei bu nhơ̆m hmoi kơ sư khan: Hô̆ lah yŏng inh kah, hô̆ lah pơtao 'lơ̆ng rŏ inh kah!

Jo 20:29

Đĭ-đăng kon pơlei Isơrael akŭm 'bôh Arôn kơtĕch jơhngơ̆m boih, na nhơ̆m hmoi grong pơdong sư lăm pêng-jĭt năr.

Markôs 6:29

Lăp lu bơngai pơhrăm păng Yôhan kơtơ̆ng thoi noh, lu sư năm iŏk akâu sư tung 'bŭ tơ bơsat.

Luka 2:25

Tơ Pơlei Jêrusalem ei đei minh 'nu bơngai anăn sư Simiôn. Sư bơngai 'lơ̆ng tơpăt kư̆m lui kơjăp păng chang gô 'Bok Kei-Dei wơh 'Bok Krist dŏng pơklaih lu bơngai Isơrael. Na Yang Bơhngol 'Lơ̆ng oei hơdai păng sư.

Jang 10:2

Sư ưh kơ sĭ bơngai Juđê mơ̆n mă-lei sư păng đĭ hnam dơnŏ sư lui kơkuh kơ 'Bok Kei-Dei. Sư kư̆m hơlăng kơ đe Juđê tơmam păng krao khan ling-lang kơ 'Bok Kei-Dei.

Jang 2:5

Lăm năr 'noh tơ Pơlei Jêrusalem, đei lơ lu đe Juđê, lu sư mă 'maih kơkuh kơ 'Bok Kei-Dei; lu sư năm đơ̆ng jơ̆p-jang kơ dêh char năm tơ Pơlei Jêrusalem.

Jang 8:1

Đơ̆ng rŏng kơ đe pơlôch Êtien ei, lu bơngai ưh kơ lui pơm lơ tơdrong kơnê̆ kơ lu bơngai lui kiơ̆ kơ Yêsu tơ Pơlei Jêrusalem. Na đĭ-đăng lu bơngai lui ei jăk tơklah tơklang jơ̆p-jang kơ dêh Juđê păng dêh Samari. Pôm lu jơ̆ng 'bang Yêsu đĕch ưh kơ jăk.

Jang 8:3

Mă-lei Sôl pơm kơnê̆ kơ lu bơngai lui wă kơ lu sư hiong răm. Sư năm jơ̆p jơ̆p mơ̆t tơ hnam đe, rôp lu bơngai lui kơ Yêsu, bơngai drŏ-nglo drŏ-kăn, tah hloi lu sư lăm hnam phak.

Both 34:8

Kon pơlei pơla bơngai Isơrael nhơ̆m hmoi pơdong Môis lăm pêng-jĭt năr tơ anih tơmăn glă char Môap; dôm lu năr nhơ̆m hmoi păng năr pơdong Môis hlôi keh đang bơih.

I Sam 28:3

Kơplah noh, Samuel lôch boih đĭ lu bơngai Isơrael nhơ̆m hmoi kơ sư păng 'bŭ sư tơ Rama, pơlei sư kơdih. Sôl puh tơweh đĭ lu bơngai pơm pơjâu.