Jang 8:16 - Sơ̆p Hlabơar Nơ̆r 'Bok Kei-Dei

¹⁶ yua kơ Yang Bơhngol 'Lơ̆ng tam mă oei păng lu sư. Lu sư iŏk 'batem hăm anăn Kră Yang Yêsu đĕch.

Jang 8:16 Kruisverwysings

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Jang 19:2

Pôl jet lu bơngai lui ei thoi âu: “Lăp iĕm lui na hăm đei Yang Bơhngol 'Lơ̆ng jur oei hăm lu iĕm?” Na lu bơngai lui khan: “Nhôn ưh tam mă băt Yang Bơhngol 'Lơ̆ng lơliơ.”

Jang 2:38

Pêtrôs khan: “Iĕm athei tơbral kơdih tơdrong yoch iĕm. Iĕm athei iŏk 'batem hăm anăn Yêsu Krist wă kơ Sư pơklaih tơdrong yoch iĕm, Sư ăn kơ iĕm Yang Bơhngol 'Lơ̆ng.

Rom 6:3

Kơplah bơ̆n iŏk 'batem sơ̆ rim 'nu kơ bơ̆n tơmơ̆t lăm Yêsu Krist dang lĕ kơ bơ̆n lôch păng Sư boih.

Galati 3:27

Đĭ-đăng kơ bơ̆n lui kơ Yêsu, klaih kơ noh iŏk 'batem, wă kơ bơ̆n jing pôm đon păng Sư.