Jang 8:1 - Sơ̆p Hlabơar Nơ̆r 'Bok Kei-Dei

¹ Đơ̆ng rŏng kơ đe pơlôch Êtien ei, lu bơngai ưh kơ lui pơm lơ tơdrong kơnê̆ kơ lu bơngai lui kiơ̆ kơ Yêsu tơ Pơlei Jêrusalem. Na đĭ-đăng lu bơngai lui ei jăk tơklah tơklang jơ̆p-jang kơ dêh Juđê păng dêh Samari. Pôm lu jơ̆ng 'bang Yêsu đĕch ưh kơ jăk.

Jang 8:1 Kruisverwysings

Ne 6:3

Inh wơh bơngai jang năm truh khan kơ lu sư thoi âu: Inh đei tơdrong jang kăl ưh kơ wăn năm, liơ mă inh gơh lê̆ tơdrong jang na jur năm tơ lu iĕm?

Da 6:10

Kơplah Đaniel kơtơ̆ng tơdrong pơkăm noh pơtao kĭ anăn sư boih, na sư brŏk tơ hnam sư, lu 'măng-'mŏk iĕ gah Jêrusalem sư pơih đĭ. 'Bơ̆t noh, kư̆ rim năr pêng wơ̆t, sư hơtơ̆p kŭl-tăng krao khan, kơkuh bơnê kơ Kră Yang 'Bok Kei-Dei sư. Sư kư̆m pơm thoi sư juăt kơ pơm ki hmă.

Da 6:23

Na, pơtao chhôk dêh păng athei đe hơtŏk Đaniel đơ̆ng lăm sơlŭng. Thoi ei na đe hơtŏk Đaniel tơ kông păng đĭ-đăng lu đe lăng Đaniel ưh kơ đei rơka kiơ tơ akâu sư; yua kơ sư gơnang kơ Kră Yang 'Bok Kei-Dei sư.

Mathiơ 22:6

Lu mơ'nah dơ̆ng rôp lu bơngai jang kơ 'bok pơtao năm krao lu sư ei, blei hiap păng pơlôch hloi.

Mathiơ 23:34

Inh gô wơh lu bơngai pơtruh nơ̆r 'Bok Kei-Dei, lu bơngai hơgei, lu bơngai pơm 'bok bơtho năm bơtho iĕm, na 'blep kơ lu iĕm rôp pơlôch, mơ'nah iĕm pơ̆ng tơ 'long pơglang, mơ'nah iĕm teh tach lu sư păng sơnguĕt lăm hnam akŭm iĕm. Păng iĕm kư̆m pơpuh lu sư jăk đơ̆ng pơlei âu pơlei to.

Mathiơ 5:13

“Iĕm thoi lĕ kơ 'boh bơ̆n tah kơ tơmam sa 'băt 'lơ̆ng, wă kơ lu bơngai ala teh âu 'lơ̆ng 'biơ̆. Mă-lei dah 'boh jing sap, bơ̆n ưh kơ đei kiơ wă pơm kơ 'boh 'băt dơ̆ng. Thoi noh 'boh jing ưh pă yua boih, bơ̆n tuh hŭt lê̆ tơ teh, đe gô juă bơhlơ̆r đĕch.

Yo 15:20

“Mă lu iĕm athei 'blŏk gah tơdrong Inh bơtho hei: ‘Đĭch ưh kơ lah tih hloh kơ yŏng sư.’ Đe pơm kơnê̆ kơ Inh păng đe gô pơm kơnê̆ kơ iĕm mơ̆n. Đe lui yom kơ nơ̆r Inh bơtho dang yơ, đe kư̆m lui yom kơ nơ̆r iĕm bơtho dang noh mơ̆n.

Yo 16:2

Ning-mônh lu sư gô pơpuh iĕm đơ̆ng hnam akŭm lu sư. Ning-mônh mơ̆n lu sư khan pơlôch iĕm khan trŏ kơ 'Bok Kei-Dei wă.

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 13:1

Lăm lu bơngai lui tơ Pơlei Antiôs đei lu bơngai pơtruh nơ̆r 'Bok Kei-Dei păng lu bơngai bơtho nơ̆r 'Bok Kei-Dei. Anăn lu sư: 'Barna'ba, Simiôn mă đe kư̆m anăn Niger, Lusiu đơ̆ng Pơlei Siren, Sôl păng Manahen. Manahen đe rong sư hơdai 'bok kuan tih Hêrôt hơtai sư oei iĕ sơ̆.

Jang 13:36

Gah Đawit, lăp sư oei arih sư pơm kiơ̆ kơ 'Bok Kei-Dei wă. Na sư lôch, đe 'bŭ akâu sư hơdai păng lu 'bok sư, akâu sư jing ôm.

Jang 2:47

Lu sư bơnê kơkuh kơ 'Bok Kei-Dei. Lu kon tơring tơrang kư̆m hơiă kơ lu sư. Rim năr đei bơngai lui na Kră Yang pơklaih lu sư păng tơmơ̆t lu đe noh tơ lăm khŭl bơngai lui.

Jang 22:20

Hơtai đe pơlôch Êtien, bơngai bơtho Tơdrong 'Nao 'Lơ̆ng Ih, inh kư̆m tơ ei mơ̆n; inh wă kơ đe pơlôch Êtien păng inh wei-lăng ao lu bơngai pơlôch sư.’

Jang 26:10

Inh kư̆m pơm thoi noh tơpă tơ Pơlei Jêrusalem. Lu 'bok soi tih ăn kơ inh năm rôp tah lê̆ lơ lu bơngai mă lui kơ Yêsu lăm hnam phak. Lăp đe khan wă pơlôch lu sư, inh kư̆m wă mơ̆n.

Jang 5:20

“Năm tơ hnam akŭm 'Bok Kei-Dei tơm bĕ, bơtho kơ kon pơlei pơla gah tơdrong iĕm arih 'nao.”

Jang 5:33

Lu kră sek tơlang kơtơ̆ng thoi noh, sư hil mơmĭl tơpă wă pơlôch lu jơ̆ng 'bang Yêsu.

Jang 5:40

Kơtơ̆ng thoi noh lu bôl kră sek tơlang chu sư. Lu sư krao jơ̆ng 'bang Yêsu mơ̆t hloi athei lu linh teh lu sư. Klaih kơ noh đe khă lu sư bơtho tơdrong Yêsu dơ̆ng, tơlĕch hloi lu sư.

Jang 7:38

Lăp lu đe Isơrael oei akŭm kơkuh kơ 'Bok Kei-Dei tơ char glă ei sơ̆ đei linh jang 'lơ̆ng 'Bok Kei-Dei pơma kơ Môis tơ kông Sinai, na Môis pơtruh nơ̆r ei kơ lu kơdră bơ̆n. Môis sư iŏk nơ̆r đơ̆ng 'Bok Kei-Dei wă ăn kơ bơ̆n arih ling-lang, pơtruh nơ̆r ei ăn kơ bơ̆n ră.

Jang 7:54

Êtien pơma kơ lu 'bok sek tơlang ei 'lơ̆ng ră mơ̆n, mă lu 'bok sek tơlang ei tơkăp sơnĕnh hil mơmĭl areh kơ Êtien.

Jang 7:58

păng tơluh rôp anhăk Êtien tơ jih pơlei wă klơ̆m sư păng tơmo. Na lu bơngai hơlĕnh kơ sư hei plôh ao lu sư kơdih, 'măn 'bơ̆t jơ̆ng Sôl, sư bơngai oei tơdăm.

Jang 8:14

Lu jơ̆ng 'bang Yêsu tơ Pơlei Jêrusalem kơtơ̆ng ang đe Samri lui kơ 'Bok Kei-Dei boih. Na lu jơ̆ng 'bang Yêsu wơh Pêtrôs păng Yôhan năm tơ dêh Samari wă krao khan kơ lu bơngai 'nao lui, apinh 'Bok Kei-Dei ăn kơ sư Yang Bơhngol 'Lơ̆ng,

Jang 8:2

Đei lu bơngai lui kơjăp năm 'bŭ atâu Êtien. Lu sư nhơ̆m hmoi ơh kơ Êtien lôch.

Jang 8:4

Na lu bơngai jăk đơ̆ng Pơlei Jêrusalem ei, lu sư năm bơtho nơ̆r 'Bok Kei-Dei jơ̆p jơ̆p.

Jang 8:5

Hơtai ei Philip năm tơ Pơlei Samari, bơtho gah tơdrong Yêsu. Sư khan: “Yêsu boih 'Bok Krist mă 'Bok Kei-Dei ăn wă pơgơ̆r bơ̆n.”

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Rom 1:32

Bơ̆n băt kơ ning-mônh 'Bok Kei-Dei wă phak dôm lu bơngai thoi noh ră, mă-lei bơ̆n kư̆m oei pơm khŏm khŏm thoi noh. Bơ̆n 'bôh đe pơm yoch thoi noh, bơ̆n khan tơdrong 'lơ̆ng tơdrong trŏ.

Philip 1:12

Ơ lu 'nhŏng oh, inh wă roi tơbăt kơ iĕm tơdrong âu: Mă dang ei đe oei phak inh, tơdrong 'nao 'lơ̆ng Yêsu Krist rai kơtơ̆ng lơ bơngai nai. Ưh kơ sĭ inh pă gơh bơtho boih ôh. Đe phak inh rai pơyua inh gơh bơtho lơ lu bơngai mă oei tăp dăr kơ inh.

Hêbrơ 11:27

Yua kơ sư đei đon lui, na sư jăk achăng lê̆ dêh Êyiptơ. Sư ưh kơ hli kơ 'bok pơtao hil kơ sư ôh, sư kư̆ kơ năm hloi, yua kơ sư dang lĕ 'bôh akâu 'Bok Kei-Dei mă bơ̆n ưh kơ 'bôh.