Jang 6:3 - Sơ̆p Hlabơar Nơ̆r 'Bok Kei-Dei

³ Na iĕm athei rơih chă lăm bôl iĕm tơpơh 'nu, lăm tơpơh 'nu 'noh chă bơngai tơpăt mă hơgei 'biơ̆ păng bơngai mă 'bĕnh kơ Yang Bơhngol 'Lơ̆ng, noh nhôn wă kơ lu sư wei-lăng đe asong tơmam.

Jang 6:3 Kruisverwysings

Le 18:21

Lei na rơih iŏk bĕ lăm kon pơlei dôm bơngai drŏ-nglo gơh hơgei hlôh wao, băt hli yom kơ Kră Yang 'Bok Kei-Dei mă tơpă, areh kơ tơdrong ưh kơ trŏ, na pôk lu sư pơm bơngai wei-lăng minh-rơbâu 'nu, minh-hrĕng 'nu, kơ pơđăm-jĭt 'nu, kơ mơjĭt 'nu bơngai.

Êsai 28:26

Noh Kră Yang 'Bok Kei-Dei bơtho kơ sư păng pơhrăm ăn kơ sư pơm trŏ.

Êsai 28:6

Sư bơih ăn kơ lu bơngai sek tơlang đei yŏng tơpăt păng ăn jơhngơ̆m nuih pran kơ lu bơngai wă blah tơweh lu ayăt đơ̆ng 'măng jang.

Mathiơ 23:8

“Gah lu iĕm, iĕm 'nĕ ăn đe krao lu iĕm 'bok thây hŏ, yua kơ iĕm đei minh 'nu 'Bok Thây boih, đĭ-đăng kơ iĕm jing 'nhŏng oh ngăl đĕch.

Yo 21:23

Yêsu pơma thoi noh ră, na lu 'nhŏng oh bơngai lui đei nơ̆r kơtơ̆ng ang khan: Minh 'nu bơngai pơhrăm păng Yêsu ei ưh kơ layơ lôch. Mă-lei Yêsu ưh kơ đei pơma khan sư ưh kơ đei lôch ôh. Sư khan: “Dah Inh wă kơ sư arih sot truh Inh jur dơ̆ng ning-mônh ngê̆ kiơ kơ ih jet?” Sư pơma thoi noh đĕch.

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jang 1:21

“Na dang ei bơ̆n athei rơih minh 'nu dơ̆ng wă mơ̆t bơ̆jang hơdai lu jơ̆ng 'bang Yêsu bơ̆n, na sư hơdai păng bơ̆n gô roi tơbăt kơ đe Yêsu iung arih boih. Bơ̆n athei rơih chă minh 'nu bơngai đêl oei hơdai păng bơ̆n, đơ̆ng Yêsu 'nao oei păng bơ̆n na Yôhan pơm 'batem sơ̆ truh tơ 'Bok Kei-Dei atŏk Yêsu tơ plĕnh.”

Jang 10:22

Lu sư khan: “'Bok Kôrnei sư yŏng linh, sư athei nhôn năm tơ ih tơ âu. Sư bơngai tơpăt, lui kơ 'Bok Kei-Dei mơ̆n. Đĭ-đăng lu bơngai Juđê kư̆m khan sư 'lơ̆ng. Linh jang 'lơ̆ng đơ̆ng 'Bok Kei-Dei athei sư krao ih năm tơ hnam sư wă kơ sư gơh kơtơ̆ng nơ̆r ih bơtho.”

Jang 15:23

Lu jơ̆ng 'bang Yêsu hăm lu kră wei-lăng bơngai lui ăn kơ lu sư chĕp hla kơthơ. Hla kơthơ ei chih thoi âu: “Nhôn lu jơ̆ng 'bang Yêsu păng lu kră wei-lăng bơngai lui, bơ̆n 'nhŏng oh. Nhôn hmach bơnê kơ đĭ-đăng kơ iĕm lăm kon tơmoi lui kơ 'Bok Kei-Dei, lu iĕm mă oei tơ Pơlei Antiôs, dêh char Siri păng dêh char Salisia.

Jang 16:2

Lu bơngai lui tơ Pơlei Litrơ păng Pơlei Ikôni jô̆ Timôthê bơngai 'lơ̆ng.

Jang 2:4

Yang Bơhngol 'Lơ̆ng mơ̆t 'bĕnh kơ rim 'nu lu sư. Na lu sư pơtơm pơma phara hloi nơ̆r kiơ̆ thoi Yang Bơhngol 'Lơ̆ng ăn kơ lu sư pơma.

Jang 22:12

“Tơ Pơlei Đamas ei đei minh 'nu bơngai anăn sư Anania. Sư ling-lang pơm kiơ̆ tơdrong juăt bơ̆n. Đĭ-đăng bơngai Juđê lăm Pơlei Đamas băt kơ sư bơngai 'lơ̆ng.

Jang 28:14

Na nhôn tơ'bơ̆p bơngai lui kơ Yêsu tơ ei păng lu sư pơtơm nhôn oei păng lu sư minh 'măng giĕng. Đơ̆ng noh nhôn năm jơ̆ng hoh wă năm tơ Pơlei Rôm.

Jang 6:2

Thoi noh na lu mơjĭt-'bar 'nu bơngai jơ̆ng 'bang Yêsu krao akŭm đĭ-đăng bơngai lui khan hloi: “Ơ lu 'nhŏng oh, nhôn ưh kơ wăn wă asong tơmam sa ôh, nhôn bơngai bơtho tơdrong 'Bok Kei-Dei đĕch.

Jang 6:5

Thoi noh na lu đe ei kơtơ̆ng sư pơma thoi noh boih lu sư lăp đon tơpă. Na lu bơngai lui rơih iŏk lu bơngai âu: Êtien, sư bơngai lui kơjăp tơpă păng sư 'bĕnh kơ Yang Bơhngol 'Lơ̆ng; lu bơngai âu dơ̆ng, anăn lu sư Philip, Prôkơrô, Nikanor, Timôn, Parmina, Nikôla. Nikôla âu sư ưh kơ sĭ bơngai Juđê ôh, mă-lei sư kiơ̆ tơdrong juăt đe Juđê đơ̆ng sư lui kơ 'Bok Kei-Dei sơ̆. Sư đơ̆ng Pơlei Antiôs.

Jang 6:6

Lu bôl sư anhăk ba lu sư tơpơh 'nu bơngai ei tơ lu bơngai jơ̆ng 'bang Yêsu. Na lu jơ̆ng 'bang Yêsu pel hloi kơ̆l krao khan apinh 'Bok Kei-Dei tơgŭm lu sư jang tơdrong ei.

Jang 9:30

Lu bôl Sôl kơtơ̆ng thoi noh na năm ba sư truh tơ Pơlei Sêsarê. Đơ̆ng noh na Sôl năm truh tơ pơlei sư Tarsơ minh drô̆ sư.

I Kor 12:8

Yang Bơhngol 'Lơ̆ng ăn kơ bơngai âu đon hơgei wă kơ năm chă bơtho tơdrong 'Bok Kei-Dei; Sư kư̆m ăn kơ bơngai to hlôh wao tôm tơdrong 'Bok Kei-Dei wă kơ gơh năm chă bơtho đe mơ̆n.

I Kor 16:3

Lăp inh truh tơ iĕm, na lu bơngai mă iĕm rơih đơ̆ng lăm lu iĕm 'noh, inh wă wơh lu sư năm ăn tơmam đơ̆ng iĕm pơyơ̆r tơgŭm ăn kơ lu bơngai lui tơ Pơlei Jêrusalem. Inh kư̆m wă chih kơthơ mơ̆n wă ăn kơ lu sư chĕp ba kơ lu kră bơngai lui tơ Pơlei Jêrusalem wă kơ lu sư băt.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

Both 1:13

Rơih chă bĕ lăm adrĕch adrung lu iĕm lu bơngai hơgei đe ang juăt kơ sek tơlang inh gô pôk ăn lu sư pơm yŏng pơgơ̆r lu iĕm.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

III Yo 1:12

Gah 'bok Đêmêtrơs, đĭ-đăng bơngai băt kơ sư 'lơ̆ng tơpăt. Sư pơm tôm tơdrong 'lơ̆ng tơpăt na bơ̆n băt sư kiơ̆ tơdrong 'Bok Kei-Dei tơpă. Mă nhôn kư̆m khan sư bơngai 'lơ̆ng tơpăt mơ̆n; păng ih kư̆m băt nhôn pơma tơpăt ling-lang.