Jang 5:16 - Sơ̆p Hlabơar Nơ̆r 'Bok Kei-Dei

¹⁶ Tăp dăr Pơlei Jêrusalem lu kon pơlei pơla lơlang lơlap năm anhăk ba lu bơngai jĭ jăn păng lu bơngai yang mơ̆t. Na đĭ-đăng kơ lu sư klaih ngăl.

Jang 5:16 Kruisverwysings

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Mathiơ 4:24

Jơ̆p kơ dêh Siri kơtơ̆ng ang Sư, na đe năm ba tơ Sư dôm lu bơngai jĭ jăn, bơngai hơwing, bơngai wơnh, bơngai jơ̆ng ti jo, Sư pơklaih ăn ngăl.

Mathiơ 8:16

Lăp 'năr mơ̆t adrơ̆m kơsơ̆ ei đei lơ bơngai năm ba lu bơngai yang kơnê̆ mơ̆t pơm kơ sư wơnh. Na Yêsu pơma kơ lu yang kơnê̆ lăp minh nơ̆r đĕch, mă-lei lu yang kơnê̆ lĕch jăk hloi đơ̆ng akâu lu bơngai noh. Păng Sư kư̆m pơklaih dôm lu bơngai jĭ jăn nai.

Luka 5:17

Minh năr ei Yêsu oei bơtho đe na đei lu bơngai Juđê mă lui kơ 'Bok Kei-Dei kiơ̆ tơdrong Pharisi păng lu 'bok thây bơtho tơdrong juăt đe Juđê oei mơ̆ng Sư. Lu sư năm đơ̆ng rim pơlei lăm dêh Galilê păng lăm dêh Juđê păng đơ̆ng Pơlei Jêrusalem mơ̆n. Na Yêsu đei tơdrong mơsêh mơyang đơ̆ng 'Bok Kei-Dei gơh pơklaih bơngai jĭ jăn.

Luka 6:18

Lu bơngai pơmat-tat yua kơ yang kơnê̆ mơ̆t, Yêsu kư̆m pơklaih ăn mơ̆n.

Luka 9:11

Lăp lu kon pơlei pơla kơtơ̆ng Yêsu wă năm tơ pơlei ei lu sư kiơ̆ hloi Yêsu. Na Yêsu kư̆m ưh kơ khă lu sư ôh. Sư bơtho lu đe ei tơdrong 'Bok Kei-Dei wă pơgơ̆r kon bơngai. Na Yêsu kư̆m chă pơklaih rah dôm lu bơngai jĭ jăn mơ̆n.

Yo 14:12

Inh khan kơ iĕm tơpă, bơngai bu lui kơ Inh, bơngai 'noh gô pơm dôm tơdrong Inh pơm mơ̆n. Păng sư gô pơm tơdrong tih hloh kơ Inh dơ̆ng mơ̆n, kơlih kơ Inh wă wih tơ 'Bă Inh boih.

Jang 4:30

Apinh Ih yua mơsêh mơyang Ih wă pơklaih đe jĭ jăn. Păng apinh Kon Ih Yêsu mă 'lơ̆ng tơpăt ăn kơ nhôn pơm lơ tơdrong mơsêh mơyang.”

Jang 5:17

Thoi noh na 'bok soi tơm păng lu bôl sư khŭl đe Sađusê areh klai khŭl bơngai jơ̆ng 'bang Yêsu, tah lu sư tơ hnam phak.

I Kor 12:9

Sư ăn kơ bơngai 'nâu đei đon lui kơjăp păng Sư kư̆m ăn kơ bơngai to gơh pơklaih bơngai jĭ jăn.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.