Jang 5:11 - Sơ̆p Hlabơar Nơ̆r 'Bok Kei-Dei

¹¹ Đĭ-đăng bơngai lui păng bơngai nai, lu sư hli tơpă yua kơ 'bôh 'bar 'nu bơngai lôch thoi noh.

Jang 5:11 Kruisverwysings

Horiso 89:7

Kră Yang 'Bok Kei-Dei trŏ kơ hli yom tơpă lăm khŭl Yang 'lơ̆ng rơgoh. Sư Kră Yang Tih Hloh. Trŏ kơ hli krưp hloh kơ lu Yang tăp dăr kơ Sư.

Je 32:40

Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

Jang 19:17

Đĭ-đăng lu bơngai Juđê păng bơngai nai oei tơ Pơlei Êphêsô kơtơ̆ng tơdrong 'noh lu sư hli tơpă na ư-ang kơ Kră Yang Yêsu.

Jang 2:43

Đĭ-đăng bơngai tơring ei hli, yua kơ lu jơ̆ng 'bang pơm lơ tơdrong mơsêh chrơp.

Jang 5:5

Anania sư kơtơ̆ng Pêtrôs khan thoi noh, sư pơ̆k lôch hloi. Lu bơngai kơtơ̆ng tơdrong noh lu sư hli tơpă.

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Philip 2:12

Ơ lu 'nhŏng oh mă inh 'mêm kơeng, iĕm băt boih Yêsu Krist iŏk đon ala thoi noh na iĕm athei adrin pơm kiơ̆ khŏm khŏm păng adrin pơm mă 'blep thoi 'Bok Kei-Dei wă, hli kơ Sư ưh kơ iŏk iĕm kơplah Yêsu Krist jur ning-mônh. Sơ̆ kơplah inh oei hăm iĕm, inh 'bôh iĕm pơm kiơ̆ 'blep tơpă, mă đơ̆ng kơdrô̆ iĕm dang ei inh ưh kơ băt, na iĕm athei kiơ̆ mă tơpă hloh kơ noh dơ̆ng.

Hêbrơ 11:7

'Bok Nôê sơ̆ kư̆m yua kơ sư lui, na lăp sư kơtơ̆ng 'Bok Kei-Dei khan kơ sư ning-mônh gô đei tơdrong truh na sư lui hloi. Sư pơm minh pôm duk tih wă dŏng pơklaih hnam dơnŏ sư. Sư chu 'Bok Kei-Dei, thoi noh na sư tơbăt kơ bơ̆n 'Bok Kei-Dei jô̆ đĭ-đăng kon bơngai nai yoch ngăl. Pôm 'bok Nôê đĕch 'Bok Kei-Dei jô̆ bơngai 'lơ̆ng, yua kơ sư đei đon lui kơ 'Bok Kei-Dei kơjăp.

Hêbrơ 12:15

Đĭ-đăng kơ iĕm athei kơchăng, wă kơ lơ̆m lu iĕm huay kơ đei bu achăng lê̆ tơdrong 'Bok Kei-Dei đêl pơm kơ iĕm lui kơjăp boih; wă kơ lơ̆m lu iĕm huay kơ đei bu pơhlŭ bôl iĕm kiơ̆ sư pơm yoch.

Hêbrơ 12:28

Thoi noh na bĕ bơ̆n bơnê kơ Sư, yua kơ Sư wă ăn kơ bơ̆n oei tơ minh pôm teh đak mă ưh kơ gơh pơchah răm. Bơ̆n athei kơkuh kơ Sư kiơ̆ thoi Sư lăp đon. Bơ̆n athei băt hli chu kơ Sư mă tơpă, hli kơ bơ̆n pơm ưh kơ trŏ thoi Sư lăp đon,

Hêbrơ 4:1

'Bok Kei-Dei kư̆m pơkă kơ bơ̆n gơh mơ̆t pơdơh tơ dêh char Sư, thoi noh na bơ̆n athei kơchăng tơpă hli kơ bơ̆n lê̆ tơdrong lui, Sư ưh kơ ăn mơ̆t.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”