Jang 4:7 - Sơ̆p Hlabơar Nơ̆r 'Bok Kei-Dei

⁷ Lu kră sek tơlang anhăk ba bre Pêtrôs păng Yôhan wă sek tơlang. Lu sư jet bre Pêtrôs: “Đơ̆ng bu ăn kơ biĕm gơh pơklaih bơngai hơwen hơwo âu?”

Jang 4:7 Kruisverwysings

Le 2:14

Mă-lei bơngai noh tơl khan: Bơngai bu pôk ih pơm pơtao, pơm tih sek tơlang kơ lu nhôn? Hăm trŏ ih wă pơlôch nhôn thoi lĕ ih pơlôch bơngai Êyiptơ 'noh hă? Môis hli, na khan: Trŏ tơpă, Tơdrong 'nâu rŏ lăng đe băt boih.

Mathiơ 21:23

Yêsu năm dơ̆ng tơ hnam akŭm 'Bok Kei-Dei tơm wă bơtho đe tơ noh. Kơplah Sư oei bơtho đei lu 'bok soi tih păng lu đe kră sek tơlang năm jet Yêsu thoi âu: “Bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Markôs 11:28

Lu sư jet Yêsu: “Bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Yo 2:18

Lu bơngai Juđê khan kơ Yêsu: “Ih pơm kơ nhôn mơsêh mơyang Ih bĕ, lei na nhôn lui kơ 'Bok Kei-Dei Sư ăn kơ Ih pơpuh lu đe âu đơ̆ng hnam akŭm âu.”

Yo 8:3

Kơplah Yêsu oei bơtho lu sư na lu 'bok thây bơtho tơdrong juăt đe Juđê păng lu bơngai Pharisi, lu sư anhăk ba minh 'nu bơngai drŏ-kăn tơ Yêsu. Bơngai drŏ-kăn ei đe 'bôh sư ngôi pơyô kư̆ kă tơpă. Na lu sư athei drŏ-kăn mă ngôi pơyô kư̆ kă ei dơ̆ng 'bơ̆t anăp đe tơpôl.

Yo 8:9

Lu sư kơtơ̆ng Yêsu khan kơ lu sư thoi noh, na lu sư lĕch brŏk pơtoi, đơ̆ng lu kră hơdrol truh tơ lu bơngai tơdăm đơ̆ng rŏng. Na oei pă Yêsu păng duch ei đĕch oei lăm ei.

Jang 4:6

Pêng khŭl ei akŭm păng Ana pơm 'bok soi tơm, Kaiphe, Yôhan, Aleksandrê păng đĭ adrĕch đe 'bok soi tơm.

Jang 4:8

Na Pêtrôs 'bĕnh kơ Yang Bơhngol 'Lơ̆ng khan kơ lu sư thoi âu: “Ơ đe kră sek tơlang păng kră pơgơ̆r lu bơngai Juđê,

Jang 5:40

Kơtơ̆ng thoi noh lu bôl kră sek tơlang chu sư. Lu sư krao jơ̆ng 'bang Yêsu mơ̆t hloi athei lu linh teh lu sư. Klaih kơ noh đe khă lu sư bơtho tơdrong Yêsu dơ̆ng, tơlĕch hloi lu sư.