Jang 4:11 - Sơ̆p Hlabơar Nơ̆r 'Bok Kei-Dei

¹¹ Yêsu thoi lĕ kơ minh pôm tơmo mă lu bơngai man hnam tŭk lê̆, mă-lei tơmo noh dang ei gĭt tơpă, yua wă man 'bơ̆t mum hnam. Iĕm boih thoi lĕ kơ lu bơngai man hnam noh yua kơ iĕm tŭk lê̆ Yêsu.

Jang 4:11 Kruisverwysings

Tơdrông Pơđơk 28:1

Lu bơngai pơm kơnê̆ kơdâu ôn mă ưh kơ đei bu druh. Mă-lei lu bơngai oei arih tơpăt nuih thoi dăm-brang.

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.

Sa 3:9

'Nâu, tơmo mă inh đei dan 'bơ̆t anăp Jôsua noh minh kơtuăl tơmo mă-lei tơpơh tŏ măt. 'Nâu, Inh gô chrek chư tơ noh păng inh gô iŏk hŭt lê̆ tơdrong yoch đơ̆ng teh âu lăm minh năr.’ ” Kră Yang Tih Hloh khan thoi noh:

Markôs 9:12

Yêsu khan kơ lu sư: “Trŏ boih Êli jur tơ teh hơdrol kơ 'Bok Krist, yua kơ sư hơmet ming tôm tơdrong hơdrol. Na Inh kư̆m wă jet iĕm mơ̆n: Yua kơ kiơ sơ̆p hla bơar 'Bok Kei-Dei chih khan lê̆ hơdrol kơ Inh Kon Bơngai gô đei tơdrong pơmat-tat păng tơdrong đe hil areh kơ Inh?

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

II Kor 3:12

Yua kơ nhôn băt kơ thoi noh, na jơhngơ̆m nhôn sơĭng bơtho nuih tơpă.

II Kor 4:1

Nhôn jang tơdrong tih rŏ âu yua kơ 'Bok Kei-Dei mơnat đĕch. Thoi noh na nhôn wă jang ling-lang ưh kơ lê̆ ôh.