Jang 3:2 - Sơ̆p Hlabơar Nơ̆r 'Bok Kei-Dei

² Đei minh 'nu bơngai hơwen hơwo đơ̆ng nge, đơ̆ng mĕ sư tơpŭ. Rim năr đei bơngai năm tung ba sư tơ hnam akŭm 'Bok Kei-Dei tơm tơoei sư 'bơ̆t 'măng tơm. 'Măng tơm ei đe anăn 'Măng Tơm 'Lơ̆ng Rŏ. Na bơngai hơwen hơwo ei apinh jên lu bơngai năm akŭm.

Jang 3:2 Kruisverwysings

Luka 16:20

Na đei minh 'nu bơngai dơnuh hin, anăn sư Lasarơ. Sư jĭ tơ'boch roch jơ̆p kơ akâu sư. Đe juăt kơ tung ba tơ'bĭch sư tơ 'măng hnam 'bok mơdrŏng ei.

Luka 18:35

Yêsu năm rok trong wă jê̆ truh tơ Pơlei Jêrikô. Tơ anăp Sư đei minh 'nu bơngai măt tol oei ngôi 'bơ̆t cheng trong chă apinh jên đe.

Yo 9:8

Lu buăl sư păng lu bơngai juăt 'bôh sư pơm ăn-mai krô hmă jet thoi âu: “Bơngai âu sơ̆ sư pơm ăn-mai iih?”

Jang 10:31

Bơngai ei khan kơ inh: ‘Ơ Kôrnei, 'Bok Kei-Dei kơtơ̆ng ih krao khan păng Sư băt kơ ih hơlăng kơ đe tơmam na 'Bok Kei-Dei wă tơgŭm ih.

Jang 10:4

Na 'bok Kôrnei lăng sư. Sư hli dêh. Na 'bok Kôrnei khan: “Ơ 'bok, Ih wă kơ kiơ?” Na linh jang 'lơ̆ng ei khan: “'Bok Kei-Dei kơtơ̆ng ih krao khan ling-lang păng 'bôh ih hơlăng kơ đe kon pơlei pơla tơmam, na 'Bok Kei-Dei wă tơgŭm ih.

Jang 14:8

Tơ Pơlei Litrơ đei minh 'nu bơngai jơ̆ng jo, đơ̆ng đe tơpŭ kơ sư sơ̆ ưh kơ gơh yak.

Jang 3:10

Đe kơnăl kơ sư đêl hmă oei 'bơ̆t 'măng tơm apinh jên. Na đe lăm hnam ei sơleng kơ đon yua kơ sư gơh yak boih.

Jang 4:22

Bơngai đêl hơwen hơwo ei sư hloh puăn-jĭt sơnăm boih.