Jang 28:21 - Sơ̆p Hlabơar Nơ̆r 'Bok Kei-Dei

²¹ Lu bơngai Juđê khan kơ Pôl: “Nhôn ưh kơ đei 'bôh hla kơthơ đơ̆ng dêh char Juđê roi gah tơdrong ih ôh. Lăm lu 'nhŏng oh nhôn đơ̆ng dêh char Juđê ưh kơ đei bơngai bu năm tơ âu roi tơdrong ih, khan ih pơm tơdrong kơnê̆.

Jang 28:21 Kruisverwysings

Le 11:7

Mă-lei, lăm đĭ-đăng kon pơlei Isơrael hiôk-hian mă đơ̆ng kon kŏ kư̆m gô ưh kơ kuăl, mă kon bơngai, mă sem dơrong; wă kơ lu iĕm băt kơ Kră Yang ăn kơ kon pơlei Isơrael hăm bơngai Êyiptơ phara.

Êsai 41:11

'Nâu lu bơngai mă hil kơ iĕm, lu sư gô mơlâu păng hlơ̆l. Lu bơngai iung blah iĕm lu sư gô răm păng lôch hiong.

Êsai 50:8

Tơ'ngla mă jô̆ inh 'lơ̆ng tơpăt oei jê̆; bơngai bu pơ̆n ayăt hăm inh Bĕ bơ̆n iung dơ̆ng hơdai hăm inh. Bu wă jâu inh Athei năm jê̆ inh bĕ!

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

Jang 22:5

'Bok soi tơm hăm lu bơngai kră sek tơlang, lu kră pơgơ̆r bơngai Juđê băt kơ inh pơm thoi noh tơpă sơ̆. Lu sư boih chih ăn kơ inh kơthơ wă pơtruh kơ lu 'nhŏng oh bơngai Juđê tơ Pơlei Đamas. Na inh năm tơ Pơlei Đamas wă rôp lu bơngai lui kơ Yêsu, chô̆ lu sư chông ba năm tơ Pơlei Jêrusalem wă phak lu sư.

Jang 28:14

Na nhôn tơ'bơ̆p bơngai lui kơ Yêsu tơ ei păng lu sư pơtơm nhôn oei păng lu sư minh 'măng giĕng. Đơ̆ng noh nhôn năm jơ̆ng hoh wă năm tơ Pơlei Rôm.

Jang 3:17

“Ơ đe 'nhŏng oh, iĕm ưh kơ băt kơ Sư na iĕm pơlôch Sư Kon 'Bok Kei-Dei, lu 'bok tih iĕm kư̆m hơdai ưh kơ băt mơ̆n.

Rom 9:3

Inh 'mêm ră kơ lu bơngai Isơrael tă kơ 'nhŏng oh inh ngăl. Đon inh hơdơ̆r kơ lu sư lui kơ Yêsu Krist đĭ, lê̆ kơ inh ưh, pŭ dôm tơdrong phak lu sư ning-mônh.