Jang 26:4 - Sơ̆p Hlabơar Nơ̆r 'Bok Kei-Dei

⁴ “Đĭ-đăng bơngai Juđê băt kơ inh arih thoi yơ mă inh oei 'lơ̆p sơ̆ khơ̆ dang ei, mă tơ dêh char inh, mă tơ Pơlei Jêrusalem.

Jang 26:4 Kruisverwysings

Jang 22:3

“Inh 'nâu bơngai Juđê tơpă. Mĕ inh tơpŭ kơ inh sơ̆ tơ Pơlei Tarsơ dêh char Salisia. Hơtai inh oei 'lơ̆p sơ̆ inh oei tơ Pơlei Jêrusalem âu. Inh năm hŏk pơhrăm tơ 'bok thây Gemel. Inh pơhrăm tôm tơdrong juăt lu 'bok kơdră bơ̆n sơ̆. Inh hăt kơ kiơ̆ tôm tơdrong 'Bok Kei-Dei kư̆m lei-lăi thoi lĕ kơ đĭ-đăng lu iĕm dang ei mơ̆n.

Jang 24:14

Mă-lei pôm lu tơdrong âu inh pơm tơpă: Đơ̆ng sơ̆ lu 'bok kơdră nhôn lui kơkuh kơ 'Bok Kei-Dei. Inh kư̆m lui kơ 'Bok Kei-Dei mơ̆n kiơ̆ kơ Tơdrong 'Nao 'Lơ̆ng Sư. Lu bơngai Juđê khan tơdrong 'noh ưh kơ trŏ kơ tơpă ôh. Mă-lei inh lui kơ đĭ-đăng dôm tơdrong chih lăm sơ̆p hla bơar tơdrong juăt Môis hăm lu bơngai pơtruh nơ̆r 'Bok Kei-Dei sơ̆.

Galati 1:13

Iĕm kơtơ̆ng boih tơdrong arih inh thoi yơ sơ̆. Kơplah noh sơ̆ inh kiơ̆ tơdrong lu bơngai Juđê. Inh pơm kơnê̆ tơpă kơ lu bơngai lui kơ Kră Yang Yêsu Krist wă kơ tơdrong lui lu sư jah tôch.

Philip 3:5

Sơ̆ đe kư̆m kăt tơdra akar inh kơplah inh oei nge 'nao lăp tơhngam năr. Yua kơ inh bơngai Isơrael tơpă na đe kăt tơdra akar inh đơ̆ng oei nge. Păng inh adrĕch adrung Bênjamin. Inh pơma nơ̆r Isơrael kư̆m lei-lăi thoi mĕ 'bă inh. Lu bơngai Pharisi kiơ̆ tơdrong juăt Môis kơjăp, inh kư̆m jing bơngai Pharisi kiơ̆ kơjăp thoi lu sư mơ̆n.

II Tim 3:10

Inh tơchĕng ih kư̆m băt mơ̆n dôm tơdrong inh bơtho ih đơ̆ng sơ̆ khơ̆ dang ei. Păng ih băt boih inh bơngai thoi yơ. Ih băt kơ inh năm jơ̆p-jang kơ teh đak wă bơtho tơdrong 'nao 'lơ̆ng kơ đĭ-đăng bơngai păng ih kư̆m băt inh lui kơ Kră Yang lơliơ. Ih kư̆m băt tơdrong inh pơmat-tat mă-lei inh oei adrin ưh kơ tŭk ôh tơdrong jang inh. Ih kư̆m băt inh 'mêm kơ 'Bok Kei-Dei hăm bôl buăl.