Jang 25:11 - Sơ̆p Hlabơar Nơ̆r 'Bok Kei-Dei

¹¹ Tơdah inh pơm kơnê̆ kơ sư lei trŏ kơ inh lôch, inh gơh chu lôch kư̆m bưh. Tơdah lu sư jâu inh ưh kơ đei tơdrong kiơ lei ưh kơ đei bu gơh jao inh tơ lu sư. Na dang ei inh apinh Sêsar, 'bok pơtao tơm bơngai Rôm đĕch sek tơlang tơdrong inh dang ei.”

Jang 25:11 Kruisverwysings

Jop 31:21

Tơdah inh đei yơ̆r ti hơ-ô wă pơm kơ lu bơngai mơti, yua kơ inh băt bơngai dŏng inh tơ 'măng jang,

Je 37:18

Đơ̆ng noh Jêrêmi khan kơ pơtao Sêđekia: “Inh hăm đei pơm glăi hăm ih, hăm lu kră pơgơ̆r, dah hăm kon pơlei âu, na ih mah rôp tah inh tơ lăm hnam phak?

Jang 16:37

Mă-lei Pôl khan kơ lu yŏng linh thoi âu: “Nhi bơngai Rôm lei-lăi thoi iĕm mơ̆n. Mă-lei lu kră pơlei năr brei sư tam mă sek tơlang tơdrong nhi, athei lu linh pơjĭ nhi hloi, 'bơ̆t anăp kon pơlei pơla tăm. Na đơ̆ng noh sư tah nhi lăm hnam phak. Na dang ei sư tơlĕch nhi ưh kơ đei roi kơ đe. Sư pơm thoi noh ưh kơ trŏ ôh. Na dang ei nhi athei lu kră pơlei năm tơ âu pơma tơdrong tơlĕch nhi âu.”

Jang 18:14

Pôl 'nao wă pơma khan kơ lu sư ră, na Galiôn găn 'bơ̆r Pôl pơma. Sư wă kơ akâu sư kơdih đĕch pơma. Na Galiôn pơma dŏng Pôl. Sư khan kơ lu bơngai Juđê thoi âu: “Tơdah bơngai âu pơm tơdrong kơnê̆ lei inh chu mơ̆ng lu iĕm.

Jang 22:25

Lu linh chô̆ Pôl wă kơ teh sư. Na Pôl khan kơ 'bok phŏ linh oei 'bơ̆t ei thoi âu: “Iĕm ưh kơ gơh teh inh ôh, yua kơ inh bơngai Rôm lei-lăi thoi iĕm mơ̆n, na lu đe kră tam mă năm sek tơlang tơdrong inh.”

Jang 25:10

Pôl khan: “Dang ei inh dơ̆ng 'bơ̆t anăp ih, ih sek tơlang kiơ̆ kơ tơdrong juăt 'bok pơtao tơm Rôm. Ih sek tơdrong inh tơ âu trŏ boih. Ih kư̆m băt mơ̆n inh ưh kơ pơm kơnê̆ kơ lu bơngai Juđê.

Jang 25:12

Na Phêtus pơma dơnuh hăm lu 'bok phŏ sư. Klaih kơ noh sư khan kơ Pôl: “Ih khan ih wă kơ 'bok pơtao tơm bơngai Rôm sek tơlang tơdrong ih lei kư̆m bưh mơ̆n; inh kư̆m ăn kơ ih năm tơ sư.”

Jang 25:21

Mă-lei Pôl khan wă gô 'bok pơtao tơm Rôm đĕch sek tơlang tơdrong sư. Na inh athei lu linh oei gak sư truh tơ inh wă athei sư năm tơ 'bok pơtao tơm Rôm.”

Jang 25:25

Na inh apinh đĭ-đăng lu bơngai jâu sư hăm inh apinh akâu sư kơdih mă-lei inh ưh kơ 'bôh sư pơm tơdrong kiơ ôh. Thoi noh na inh ưh kơ gơh ăn đe pơlôch sư. Na Pôl apinh wă năm tơ 'bok pơtao tơm Rôm, wă kơ sư sek ăn tơdrong Pôl. Na inh wă ăn kơ sư năm tơ pơtao Rôm.

Jang 26:32

Agripa khan kơ Phêtus: “Bơngai âu hơtai ki dah sư ưh kơ đei apinh wă năm tơ 'bok pơtao tơm Rôm lei ih gơh tơlĕch sư đơ̆ng hnam phak dang ei.”

Jang 28:19

Mă-lei lu bơngai Juđê ưh kơ chu kơ lu bơngai Rôm wă tơlĕch inh ôh. Na inh athei apinh 'bok kuan tih Phêtus ăn kơ 'bok pơtao tơm bơngai Rôm sek tơlang tơdrong inh. Mă-lei gah inh, ưh kơ đei jâu lu bơngai Juđê tơdrong kiơ ôh.

I Tes 2:15

Lu bơngai Juđê pơlôch Kră Yang Yêsu Krist păng pơlôch lu 'bok khan lê̆ hơdrol, wă khan lu 'bok mă pơtruh nơ̆r 'Bok Kei-Dei sơ̆. Lu sư kư̆m pơm kơnê̆ kơ bơ̆n mơ̆n. Lu sư areh kơ kon bơngai ling-lang. Lu sư pơm thoi noh 'Bok Kei-Dei ưh kơ lăp đon kơ lu sư ôh.

Jôsuê 22:22

Kră Yang 'Bok Kei-Dei oei Tih Hloh, Kră Yang 'Bok Kei-Dei Tih Hloh mơsêh mơyang băt tơdrong noh păng Isơrael gô băt! Tơdah 'nâu minh tơdrong blah păng ưh kơ chu kiơ̆ nơ̆r Kră Yang noh lei dang ei apinh Kră Yang 'nĕ pă ăn lu nhôn arih.

I Sam 27:1

Đawit tơchĕng lăm đon khan: Tơpă lăm minh năr ayơ kơnh, inh gô lôch kơ tơpang ti Sôl. Ưh kơ đei kiơ 'lơ̆ng hloh kơ inh năm kơdâu ôn lăm dêh Philistin, na Sôl huay pă chă inh lăm teh đak lu bơngai Isơrael dơ̆ng. Thoi noh na, inh gơh klĕch lĕch hlôi đơ̆ng tơpang ti sư.