Jang 21:1 - Sơ̆p Hlabơar Nơ̆r 'Bok Kei-Dei

¹ Đơ̆ng noh nhôn tơklah dih băl đơ̆ng lu sư. Nhôn tŏk thŏng-nan wă năm tơ Pơlei Jêrusalem. Nhôn năm tơpăt hloi truh tơ bŏl đak đe anăn bŏl Kôs. Năr dơning dơ̆ng nhôn truh tơ Pơlei Rôt. Đơ̆ng noh nhôn năm tơ Pơlei Patara.

Jang 21:1 Kruisverwysings

Luka 5:4

Yêsu bơtho lu đe ei đang boih, na Sư khan kơ Simôn thoi âu: “Bĕ bơ̆n wơ̆r thŏng-nan bơ̆n tơ jrŭ 'biơ̆ wă traih jal.”

Luka 8:22

Minh năr ei, Yêsu păng lu bơngai pơhrăm păng Sư tŏk thŏng-nan. Na Yêsu khan kơ lu sư: “Bĕ bơ̆n tŏk pah to đak dơsĭ.” Na lu sư năm hloi.

Jang 27:2

Nhôn tŏk minh pôm thŏng-nan, thŏng-nan ei đơ̆ng Pơlei Adramit ki na wă năm tơ lu pơlei dêh char Asi. Aritak sư bơngai đơ̆ng Pơlei Têsalônik, dêh char Masêđôn kư̆m năm hăm nhôn mơ̆n. Na thŏng-nan nhôn ei năm đơ̆ng Pơlei Sêsarê.

Jang 27:4

Đơ̆ng noh nhôn năm dơ̆ng. Yua kơ kial dơhlu hơdrơ̆k, na nhôn năm gah 'ma bŏl đak Chiprơ. Kiơ̆ ei ưh kơ gan đei kial dơhlu thoi hei dơ̆ng ôh.

I Tes 2:17

Ơ 'nhŏng oh, iĕm kư̆m băt hơtai nhôn jăk đơ̆ng iĕm truh dang ei tam mă đunh mơ̆n, mă-lei lu nhôn rơnguơ̆ dêh kơ lu iĕm. Na nhôn wă khŏm năm tơ iĕm dơ̆ng.