Jang 20:3 - Sơ̆p Hlabơar Nơ̆r 'Bok Kei-Dei

³ Pôl oei tơ ei pêng khei. Klaih kơ noh sư wă năm tơ dêh char Siri ră, na sư kơtơ̆ng lu bơngai Juđê wă rôp pơrăm lê̆ sư. Thoi noh na sư brŏk trong đêl sư năm hơdrol ei dơ̆ng, gah trong dêh char Masêđôn.

Jang 20:3 Kruisverwysings

Esơra 8:31

Năr mơjĭt-'bar khei mônh, lu nhôn pơtơm yak năm đơ̆ng đak krong Ahawa, wă năm tơ pơlei Jêrusalem. Ti Kră Yang 'Bok Kei-Dei nhôn gô tơgŭm, dŏng pơklaih nhôn đơ̆ng ti lu ayăt, lu bơngai răp trong.

Tơdrông Pơđơk 1:11

Tơdah lu sư khan, bĕ năm kiơ̆ nhôn; chă răp pơlôch đe. Chop pơlôch pơrăm lu bơngai ưh kơ đei yoch.

Je 5:26

Đei lu bơngai kơnê̆ oei hơdai lăm lu kon pơlei Inh, lu sư thoi bơngai răp dăng hơnhuăl kơ sem, lu sư đăk hơđong wă rôp bơngai.

Mathiơ 4:24

Jơ̆p kơ dêh Siri kơtơ̆ng ang Sư, na đe năm ba tơ Sư dôm lu bơngai jĭ jăn, bơngai hơwing, bơngai wơnh, bơngai jơ̆ng ti jo, Sư pơklaih ăn ngăl.

Jang 16:12

Tơ ei nhôn jur đơ̆ng thŏng-nan năm tơ Pơlei Philip. Pơlei Philip ei tih tơpă hloh kơ lu pơlei nai tơring ei. Tơ Pơlei Philip ei đei lơ bơngai Rôm oei. Nhôn oei tơ pơlei ei kư̆m đunh 'biơ̆ mơ̆n.

Jang 16:9

Truh tơ Pơlei Trôs boih Pôl tep kơmăng sư apo 'bôh minh 'nu bơngai đơ̆ng dêh char Masêđôn pơma kơ sư khan: “Apinh ih năm tơ dêh char Masêđôn tơgŭm lu nhôn 'biơ̆.”

Jang 18:18

Đơ̆ng rŏng kơ noh Pôl oei tơ Pơlei Kôrintô kư̆m đunh 'biơ̆ mơ̆n. Klaih kơ noh sư tơklah đơ̆ng bơngai lui wă năm tơ dêh char Siri. Bre Prisil păng Akila kư̆m kiơ̆ hơdai păng sư mơ̆n. Lu sư năm tơ Pơlei Sankrê. Tơ ei Pôl yuă sŏk. Đunh boih sư ưh kơ yuă sŏk yua kơ sư pơkă hăm 'Bok Kei-Dei tơdrong kiơ kiơ. Dang ei sư pơm đang tơdrong sư pơkă noh na sư gơh yuă sŏk dơ̆ng.

Jang 19:21

Đơ̆ng rŏng kơ noh dơ̆ng Pôl khan wă năm tơ dêh char Masêđôn păng dêh char Grĕk, klaih kơ noh wă năm tơ Pơlei Jêrusalem dơ̆ng, yua kơ Yang Bơhngol 'Lơ̆ng athei sư năm. Sư khan đơ̆ng rŏng kơ noh kư̆m khan wă năm tơ Pơlei Rôm mơ̆n.

Jang 20:1

Đơ̆ng rŏng kơ tơdrong noh tôch boih, Pôl krao akŭm lu bơngai lui păng pơma pơlung lu sư wă kơ jơhngơ̆m lu sư chơt hiôk, kơlih kơ Pôl wă tơklah đơ̆ng lu sư năm tơ dêh char Masêđôn.

Jang 20:19

Iĕm băt thoi yơ inh pơm đĭch đam 'Bok Kei-Dei bơ̆jang tơdrong sư. Inh ưh kơ pơ̆n pơang akâu kơdih ôh. Inh 'bôh đe ưh kơ lui kơ Kră Yang Yêsu inh kư̆m nhơ̆m hmoi ơh kơdih akâu inh mơ̆n. Na lu bơngai Juđê kư̆m wă rôp pơrăm lê̆ inh.

Jang 20:2

Sư năm jơ̆p tơ dêh char Masêđôn ei bơtho tơgŭm tơpă kơ lu bơngai lui wă kơ lu sư lui mă kơjăp. Klaih kơ noh sư năm tơ dêh char Grĕk dơ̆ng.

II Kor 1:15

Thoi noh na ki inh băt kơ iĕm lăp đon tơpă, na inh pơkă wă năm hơpong tơ dêh iĕm, inh wă năm tơ pơlei iĕm hơdrol,

II Kor 11:26

Inh bơngai juăt kơ brŏk năm ataih, hơmơt hli kơ glơ̆k tơ đak krong, hơmơt hli kơ lu bơngai brơ̆t răp tơtông, hli kơ tơduă lu bôl nhôn kơdih bơngai Juđê hil areh, hli kơ lu bơngai nai kư̆m hil areh, hli kơ lu bơngai oei lăm pơlei tih păng hơmơt kơ yak rok trong bri brah, hơmơt kơ glơ̆k tơ đak dơsĭ, hơmơt kơ lu bơngai ưh kơ lui hơlĕnh pơm bơngai lui.

II Kor 7:5

Âu roi gah tơdrong nhôn truh tơ dêh Masêđôn, nhôn truh tơ noh kư̆m ưh kơ đei hiôk kơ jơhngơ̆m tŏ sĕt, oei tơ noh lĕ pơmat hloh loi; jơhngơ̆m đon nhôn oei sa 'nhŏ kơ sơđơ̆ng 'biơ̆. Đon nhôn kư̆m tơchĕng hli kơ iĕm lui ưh kơ kơjăp.

Galati 1:21

Đơ̆ng rŏng kơ inh hơpong kơ Pêtrôs noh na inh năm tơ dêh char Siri păng dêh char Salisia.