Jang 2:4 - Sơ̆p Hlabơar Nơ̆r 'Bok Kei-Dei

⁴ Yang Bơhngol 'Lơ̆ng mơ̆t 'bĕnh kơ rim 'nu lu sư. Na lu sư pơtơm pơma phara hloi nơ̆r kiơ̆ thoi Yang Bơhngol 'Lơ̆ng ăn kơ lu sư pơma.

Jang 2:4 Kruisverwysings

II Sam 23:2

Yang Bơhngol 'Lơ̆ng Kră Yang yua inh pơma bơtho. Nơ̆r Sư lăm hơpiĕt inh.

Êsai 28:11

Tơpă Kră Yang gô yua 'bơ̆r lu bơngai 'nguaih pơma păng nơ̆r hlĭch pơma kơ lu kon pơlei pơla âu.

Êsai 59:21

Kră Yang khan: “Gah Inh 'nâu, noh boih tơdrong Inh pơgơ̆p hăm lu sư. Yang bơhngol Inh oei tơ lăm iĕm păng lu nơ̆r Inh tah bơih lăm 'bơ̆r iĕm, gô ưh kơ weh đơ̆ng 'bơ̆r iĕm păng 'bơ̆r adrĕch adrung kon sâu iĕm đơ̆ng dang ei ling-lang truh kơ ning-mônh,” Kră Yang khan thoi noh.

Je 6:11

Gah inh, Kră Yang hil 'bĕnh kơ inh, inh ưh kơ kĕ kơ dơ̆ng ôh. “Tuh bĕ tơdrong noh tơ lu bơngai hơ'lơ̆p tơ rok trong pơlei, Tơ lu bơngai tơdăm oei akŭm băl; tơ klo hăm akăn, tơ lu kră păng lu kră jơnei.

Êsêkiên 3:11

Năm bĕ tơ lu bơngai mă đe puh boih lăm lu kon pơlei ih pơm bơnă, khan kơ lu sư 'nâu nơ̆r Kră Yang Tih Hloh khan, mă lu sư mơ̆ng dah ưh.”

Mi 3:8

Mă-lei gah inh, inh 'bĕnh kơ tơdrong pran kơtang, tơdrong sek tơlang păng đei jơhngơ̆m nuih yua kơ đơ̆ng Yang Bơhngol 'Lơ̆ng Kră Yang, wă roi ăn kơ Jakôp gah tơdrong sư pơm yoch, roi ăn kơ Isơrael gah tơdrong yoch lu sư.

Mathiơ 10:19

Mưh đe rôp iĕm jao kơ lu kră sek tơlang, iĕm 'nĕ mah tơchĕng kơ tơdrong iĕm wă pơma kơ lu sư noh hŏ.

Markôs 16:17

Lu bơngai mă lui gô đei tơdrong mơsêh lu sư gơh pơm: Lu sư gơnang kơ Inh gơh pơpuh yang kơnê̆; lu sư gơh pơma hloi nơ̆r đe;

Luka 1:15

Yua kơ ning-mônh sư gô pơm tih 'bơ̆t anăp 'Bok Kei-Dei. Sư ưh kơ gơh et sik dah dôm tơmam kiơ pơm ăn suai. Sư 'bĕnh blai Yang Bơhngol 'Lơ̆ng mă đơ̆ng đe tơpŭ kơ sư truh tơ ning-mônh.

Luka 1:41

Lăp Êlisabet 'bôh Mari kơkuh kơ sư, nge lăm klak sư adrŏ hloi. Na Êlisabet hơloh 'bĕnh blai Yang Bơhngol 'Lơ̆ng,

Luka 1:67

'Bă sư Sachari 'bĕnh blai Yang Bơhngol 'Lơ̆ng na sư roi lê̆ hơdrol thoi âu:

Luka 12:12

yua kơ Yang Bơhngol 'Lơ̆ng gô tơgŭm iĕm kơplah iĕm wă pơma.”

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Luka 4:1

Lăp Yêsu wih đơ̆ng krong Jôrđăn, Yêsu Sư 'bĕnh blai kơ Yang Bơhngol 'Lơ̆ng na Yang Bơhngol 'Lơ̆ng anhăk ba Sư,

Yo 14:26

'Bok Dŏng iĕm ei, anăn Sư Yang Bơhngol 'Lơ̆ng, Sư 'noh 'Bă Inh wă wơh Sư jur oei păng iĕm jang tang Inh. Sư gô bơtho iĕm tôm tơdrong păng Sư gô tơ'blŏk ăn kơ iĕm tôm tơdrong mă Inh bơtho iĕm boih.

Yo 20:22

Đang kơ Sư pơma thoi noh, Yêsu dơhlu hơyuh mơsêh kơ lu bơngai pơhrăm păng akhan: “Sơng iŏk Yang Bơhngol 'Lơ̆ng bĕ.

Jang 1:5

Yôhan pơm kơ iĕm 'batem păng đak, mă-lei pă đunh boih 'Bă Inh gô pơm kơ iĕm 'batem phara, Sư gô ăn kơ iĕm Yang Bơhngol 'Lơ̆ng Sư.”

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 10:47

“'Bok Kei-Dei ăn kơ rim 'nu lu bơngai âu Yang Bơhngol 'Lơ̆ng kư̆m lei-lăi thoi Sư ăn kơ bơ̆n Yang Bơhngol 'Lơ̆ng Sư sơ̆. Na dang ei inh jet iĕm hăm đei bu tang găn kuă ăn bơ̆n pơm 'batem kơ lu sư? Ưh kơ đei bu ôh, hăm trŏ?” Na bôl Pêtrôs drơ̆ng: “Trŏ boih, ưh kơ đei bu ôh.”

Jang 11:15

Lăp inh oei bơtho đĕch, Yang Bơhngol 'Lơ̆ng jur oei păng lu sư kư̆m thoi sư jur oei păng bơ̆n blŭng-a sơ̆ mơ̆n.

Jang 11:24

'Barna'ba sư bơngai 'lơ̆ng, sư lui kơjăp păng sư 'bĕnh kơ Yang Bơhngol 'Lơ̆ng na Yang Bơhngol 'Lơ̆ng tơgŭm sư ling-lang. Na hơtai ei đei lơ bơngai lui kơ Kră Yang Yêsu.

Jang 13:52

Gah lu bơngai lui kơ Kră Yang Yêsu tơ Pơlei Antiôs, lu sư chơt hiôk tơpă păng lu sư 'bĕnh kơ Yang Bơhngol 'Lơ̆ng. Na Yang Bơhngol 'Lơ̆ng tơgŭm lu sư ling-lang.

Jang 13:9

Đe kư̆m anăn Sôl, noh Pôl. Na Pôl 'bĕnh kơ Yang Bơhngol 'Lơ̆ng. Pôl lăng bơngai pơjâu ei pơnhên khan hloi: “E bơngai plơ̆ plĕch hơlĕnh kơ đe ling-lang. E kon yang Satan, tang găn tơdrong 'lơ̆ng Kră Yang. Inh wă bơtho tơdrong 'Bok Kei-Dei tơpăt mă-lei e khan inh hơlĕnh. Ưh kơ trŏ inh hơlĕnh ôh, e hơlĕnh kơ tơdrong Kră Yang 'Bok Kei-Dei.

Jang 15:8

'Bok Kei-Dei băt jơhngơ̆m đon kon bơngai na Sư ăn kơ lu bơngai tơmoi ei Yang Bơhngol 'Lơ̆ng kư̆m thoi Sư ăn kơ bơ̆n. Thoi noh 'Bok Kei-Dei ăn kơ bơ̆n băt Sư wă kơ lu bơngai tơmoi ei mơ̆n.

Jang 19:6

Pôl pel kơ̆l lu sư, na Yang Bơhngol 'Lơ̆ng jur oei hăm lu sư. Lu sư pơma hloi nơ̆r hlĭch păng bơtho tơdrong 'Bok Kei-Dei.

Jang 2:11

Bơ̆n đơ̆ng dêh char Kret, mơ'nah đơ̆ng dêh char Arabia. Dôm lu bơ̆n âu đei lơ dêh char tơpă, mă-lei bơ̆n kơtơ̆ng sư pơma tôm đĭ lu nơ̆r kon bơngai bơ̆n phara. Lu sư roi dôm lu tơdrong mơsêh mơyang 'Bok Kei-Dei pơm.”

Jang 2:3

Lu sư 'bôh pla ŭnh jruh rim 'bơ̆t lu sư.

Jang 4:31

Lăp lu sư krao khan đang boih, hnam mă sư akŭm ei adrŏ kyĭng kiơ̆ng. Đĭ-đăng lu sư 'bĕnh kơ Yang Bơhngol 'Lơ̆ng na jing nuih tơpă bơtho nơ̆r 'Bok Kei-Dei.

Jang 4:8

Na Pêtrôs 'bĕnh kơ Yang Bơhngol 'Lơ̆ng khan kơ lu sư thoi âu: “Ơ đe kră sek tơlang păng kră pơgơ̆r lu bơngai Juđê,

Jang 6:3

Na iĕm athei rơih chă lăm bôl iĕm tơpơh 'nu, lăm tơpơh 'nu 'noh chă bơngai tơpăt mă hơgei 'biơ̆ păng bơngai mă 'bĕnh kơ Yang Bơhngol 'Lơ̆ng, noh nhôn wă kơ lu sư wei-lăng đe asong tơmam.

Jang 6:5

Thoi noh na lu đe ei kơtơ̆ng sư pơma thoi noh boih lu sư lăp đon tơpă. Na lu bơngai lui rơih iŏk lu bơngai âu: Êtien, sư bơngai lui kơjăp tơpă păng sư 'bĕnh kơ Yang Bơhngol 'Lơ̆ng; lu bơngai âu dơ̆ng, anăn lu sư Philip, Prôkơrô, Nikanor, Timôn, Parmina, Nikôla. Nikôla âu sư ưh kơ sĭ bơngai Juđê ôh, mă-lei sư kiơ̆ tơdrong juăt đe Juđê đơ̆ng sư lui kơ 'Bok Kei-Dei sơ̆. Sư đơ̆ng Pơlei Antiôs.

Jang 6:8

'Bok Kei-Dei kư̆m tơgŭm 'bok Êtien jing pran pơm lơ tơdrong mơsêh mơyang 'bơ̆t anăp đe kon pơlei pơla.

Jang 7:55

Mă-lei Êtien 'bĕnh kơ Yang Bơhngol 'Lơ̆ng na Yang Bơhngol 'Lơ̆ng tơgŭm sư tơpă. Sư ngoi lăng tơ plĕnh 'bôh ŭnh pơchrang hơdah đơ̆ng 'Bok Kei-Dei. Sư kư̆m 'bôh Yêsu oei gah 'ma kơ 'Bă Sư mơ̆n.

Jang 8:17

Na Pêtrôs păng Yôhan pel kơ̆l lu bơngai lui na Yang Bơhngol 'Lơ̆ng jur oei păng lu sư hloi.

Jang 9:17

Anania năm tơ Sôl, sư pel kơ̆l Sôl khan hloi: “Ơ 'nhŏng, Kră Yang Yêsu mă ih tơ'bơ̆p tơ trong hăm mơsêh mơyang Sư, Sư wơh inh năm tơ ih wă ăn kơ ih gơh 'bôh hơdah thoi đêl păng ăn kơ ih 'bĕnh kơ Yang Bơhngol 'Lơ̆ng.”

Rom 15:13

Yua kơ bơ̆n gơnang kơ 'Bok Kei-Dei tơpă, na bơ̆n băt chang gô tôm tơdrong 'Bok Kei-Dei wă ăn kơ bơ̆n. Na inh apinh Sư ăn kơ chăl arih iĕm hiôk hơiă, hiôk-hian yua kơ iĕm lui kơ Sư, na Yang Bơhngol 'Lơ̆ng tơgŭm iĕm băt kơ tơdrong chang gô noh.

I Kor 12:10

Sư ăn kơ bơngai âu gơh pơm tơdrong mơsêh; Sư ăn kơ bơngai to gơh pơtruh nơ̆r 'Bok Kei-Dei. Sư kư̆m ăn kơ bơngai mơ'nah băt kơnăl kơ bơngai bu pơma yua kơ Yang Bơhngol 'Lơ̆ng tơgŭm, bơngai bu ưh. Sư kư̆m đei ăn kơ bơngai mơ'nah gơh pơma nơ̆r hlĭch mă ưh kơ tam băt đơ̆ng sơ̆; Sư kư̆m ăn kơ bơngai nai gơh hlôh nơ̆r 'noh wă kơ tơblơ̆ ăn kơ đe.

I Kor 13:1

Dah inh gơh pơma tôm kơ nơ̆r kon bơngai păng nơ̆r linh jang kơpal plĕnh ti, mă-lei akâu inh ưh kơ băt 'mêm kơ 'Bok Kei-Dei hăm bôl buăl inh, lei 'bơ̆r inh pơma noh thoi lĕ kơ jơwa đe teh teng păng jơwa tŏk-rŏk đĕch.

I Kor 13:8

Bơngai bu 'mêm kơ 'Bok Kei-Dei hăm bôl buăl sư, sư 'mêm tơpă ling-lang ưh kơ layơ tôch. Mă-lei gah tơdrong pơtruh nơ̆r 'Bok Kei-Dei, ning-mônh gô tôch, yua kơ dang ei 'Bok Kei-Dei ăn lu bơngai pơtruh nơ̆r Sư, mă-lei ning-mônh ưh pă kăl boih. Ahrei âu Sư ăn kơ lu mơ'nah gơh pơma nơ̆r hlĭch mă đe ưh kơ hlôh wă ư-ang kơ 'Bok Kei-Dei, mă-lei ning-mônh ưh pă yua boih. Dang ei ahrei âu Sư ăn kơ lu mơ'nah gơh hlôh wao tơdrong Sư nhên wă kơ gơh bơtho đe, mă-lei ning-mônh ưh pă kăl boih.

I Kor 14:18

Inh bơnê kơ 'Bok Kei-Dei Sư ăn kơ inh gơh pơma nơ̆r hlĭch lơ hloh kơ iĕm.

I Kor 14:5

Bơngai mă ư-ang kơ Kră Yang pơhiôk akâu sư kơdih noh, inh kư̆m wă kơ iĕm gơh rok sư mơ̆n, mă-lei iĕm athei pơtruh ăn kơ đe tơdrong 'Bok Kei-Dei 'noh kăl hloh kơ tơdrong pơhiôk akâu kơdih. Mă-lei dah bơngai mă ư-ang kơ 'Bok Kei-Dei gơh pơma nơ̆r hlĭch 'noh gơh tơblang kơ lu bôl lui lei kư̆m kăl mơ̆n, yua kơ sư gơh pơhiôk atŏk ăn kơ jơhngơ̆m lui bôl.

Êphêsô 3:19

Inh apinh Sư ăn kơ iĕm băt kơ Yêsu 'mêm kơ bơ̆n tih tơpă, mă ưh kơ băt tih dang yơ, jrŭ să sư dang yơ. Păng inh kư̆m apinh 'Bok Kei-Dei oei lăm jơhngơ̆m rim 'nu kơ lu iĕm.

Êphêsô 5:18

Bơ̆n 'nĕ kơ et sik suai hli kơ bơ̆n jing bơngai kư̆ kă; bơ̆n athei ăn kơ Yang Bơhngol 'Lơ̆ng pơgơ̆r bơ̆n lăm tôm tơdrong.

Êphêsô 6:18

Păng bơ̆n 'nĕ hiơt krao khan kơ 'Bok Kei-Dei, wă kơ bơ̆n hưch hanh kơ tơdrong krao khan ling-lang, gô mơ̆ng kơ Yang Bơhngol 'Lơ̆ng wă kơ bơ̆n krao khan tơdrong kiơ, krao khan tơgŭm băl tơduă lu kon 'Bok Kei-Dei dah krao khan kơ tơdrong kiơ nai.

I Pet 1:12

'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.

II Pet 1:21

Yua kơ dôm tơdrong lu sư khan lê̆ hơdrol noh, ưh kơ đei lĕch đơ̆ng kon bơngai ôh. 'Bok Kei-Dei yua 'bơ̆r kon bơngai đĕch na bơ̆n lăng thoi 'bơ̆r kon bơngai. Mă tơpă đơ̆ng Yang Bơhngol 'Lơ̆ng bơtho tơbăt kơ lu sư.

I Sam 1:14

Na Hêli khan kơ sư. Dang yơ ih praih kơ suai sik? Lê̆ pă et.

I Sam 10:10

Wă Sôl truh tơ Gibêah, đei minh khŭl 'bok khan lê̆ adrol sơng sư. Yang Bơhngol Kră Yang mơ̆t lăm sư, sư kư̆m khan lê̆ adrol hơdai lu sư.