Jang 19:3 - Sơ̆p Hlabơar Nơ̆r 'Bok Kei-Dei

³ Pôl jet lu sư dơ̆ng: “Đe pơm kơ iĕm 'batem ayơ?” Lu sư khan: “Đe pơm kơ nhôn 'batem kiơ̆ kơ nơ̆r Yôhan bơtho.”

Jang 19:3 Kruisverwysings

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Luka 7:29

Đĭ-đăng lu kon pơlei pơla păng lu bơngai iŏk jên thuê̆ mơ̆ng Yôhan bơtho sơ̆, lu sư khan 'Bok Kei-Dei 'lơ̆ng tơpăt, na lu sư wă kiơ̆ tơdrong 'Bok Kei-Dei bơtho, đơ̆ng noh Yôhan pơm 'batem kơ lu sư hloi.

Jang 18:25

Sư pơhrăm tơdrong Kră Yang Yêsu boih păng jơhngơ̆m sư wă tơpă gah bơtho tơdrong Yêsu. Sư bơtho tơdrong Yêsu kư̆m trŏ mơ̆n mă-lei sư băt ưh tam mă tôm ôh. Sư bơtho tơdrong 'batem, sư bơtho kiơ̆ kơ Yôhan đĕch; sư tam mă băt tơdrong 'batem hăm anăn Kră Yang Yêsu Krist.

Jang 8:16

yua kơ Yang Bơhngol 'Lơ̆ng tam mă oei păng lu sư. Lu sư iŏk 'batem hăm anăn Kră Yang Yêsu đĕch.

I Kor 12:13

Na đĭ rim khŭl bơngai, bơngai Juđê, bơngai khŭl nai, mă bơngai đĭch đe, mă bơngai rơngei, dah bơ̆n lui kơ Yêsu Krist, Yang Bơhngol 'Lơ̆ng pơm 'batem kơ bơ̆n pơgơ̆p bơ̆n jing minh jơhngơ̆m minh đon dih băl. Sư minh 'nu đĕch, mă-lei đĭ-đăng kơ bơ̆n iŏk Sư.

Hêbrơ 6:2

tơdrong iŏk 'batem, tơdrong krao khan pel kơ̆l wă kơ đei Yang Bơhngol 'Lơ̆ng jur oei, tơdrong kon bơngai iung arih đơ̆ng lôch, tơdrong 'Bok Kei-Dei sek tơlang ning-mônh wă phak ling-lang dôm lu bơngai mă kuă kơ lui kơ Sư. Dôm tơdrong noh bơ̆n ưh kơ kăl kơ pơhrăm dơ̆ng boih, yua kơ lu bơ̆n đêl pơhrăm ngăl boih.