Jang 15:3 - Sơ̆p Hlabơar Nơ̆r 'Bok Kei-Dei

³ Lu bơngai lui tơgŭm lu sư wă kơ gơh năm tơ Pơlei Jêrusalem. Na lu sư năm drong tơ dêh char Phênisi păng dêh char Samari roi kơ bơngai lui tơdrong lu bơngai tơmoi ưh kơ khŭl Juđê lui kơ Kră Yang Yêsu boih. Lăp lu bơngai lui kơtơ̆ng tơdrong noh, jơhngơ̆m lu sư chơt hiôk tơpă.

Jang 15:3 Kruisverwysings

Luka 15:32

Trŏ mơ̆n ba ngôi păng oh e, yua kơ sư nhen lôch boih mă-lei dang ei sư arih dơ̆ng; sư hiong đơ̆ng ba, mă-lei dang ei ba 'bôh sư dơ̆ng.’ ”

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jang 13:48

Pôl pơma thoi noh boih, na lu bơngai lăm noh mơ̆n mă ưh kơ bơngai Juđê, lu sư kơtơ̆ng thoi noh jơhngơ̆m lu sư chơt hiôk tơpă. Lu sư khan: “Nơ̆r 'Bok Kei-Dei hiôk 'lơ̆ng tơpă iih?” Na lu bơngai 'Bok Kei-Dei rơih wă kơ sư arih ling-lang, lu sư lui kơ Kră Yang Yêsu.

Jang 13:52

Gah lu bơngai lui kơ Kră Yang Yêsu tơ Pơlei Antiôs, lu sư chơt hiôk tơpă păng lu sư 'bĕnh kơ Yang Bơhngol 'Lơ̆ng. Na Yang Bơhngol 'Lơ̆ng tơgŭm lu sư ling-lang.

Jang 14:27

Lăp truh tơ pơlei ei boih, bre sư krao akŭm bơngai lui. Bre sư roi đĭ tơdrong 'Bok Kei-Dei tơgŭm bre sư păng tơdrong 'Bok Kei-Dei ăn kơ lu bơngai tơmoi mă ưh kơ khŭl Juđê lui kiơ̆ kơ 'Bok Kei-Dei.

Jang 15:1

Đei bơngai đơ̆ng dêh char Juđê năm tơ Pơlei Antiôs bơtho lu bơngai lui khan: “Bơngai bu ưh kơ chu kăt tơdra akar sư kơdih kiơ̆ tơdrong juăt Môis pơkă sơ̆, lei ưh kơ gơh klaih đơ̆ng tơdrong yoch.”

Jang 15:12

Lăp lu sư kơtơ̆ng Pêtrôs pơma thoi noh, lu sư pă đei drơ̆ng tơwih dơ̆ng. Pôm bre Pôl păng 'Barna'ba đĕch roi gah tơdrong Kră Yang 'Bok Kei-Dei tơgŭm bre sư pơm lơ tơdrong mơsêh mơyang 'bơ̆t anăp lu bơngai tơmoi mă ưh kơ khŭl Juđê.

Jang 15:22

Đơ̆ng noh lu jơ̆ng 'bang Yêsu, lu kră wei-lăng bơngai lui păng đĭ-đăng bơngai lui mơ̆n, lu sư wă rơih lu bơngai năm tơ Pơlei Antiôs hơdai bre Pôl păng 'Barna'ba. Lu sư rơih minh 'nu bơngai đei 'bar anăn, Juđa 'Barsa'ba păng minh 'nu dơ̆ng, Silas. Bre sư ei lu bơngai lui lăp đon 'biơ̆ lăm lu bơngai lui.

Jang 15:32

Đơ̆ng sơ̆ bre Juđa păng Silas bơngai pơtruh nơ̆r 'Bok Kei-Dei. Bre sư bơtho kư̆m đunh mơ̆n wă kơ lu sư chơt hiôk lăm tơdrong 'Bok Kei-Dei, wă kơ lu sư lui mă kơjăp.

Jang 15:4

Lăp lu sư truh tơ Pơlei Jêrusalem, lu jơ̆ng 'bang Yêsu păng lu kră wei-lăng bơngai lui păng đĭ-đăng lu bơngai lui chơt hiôk tơpă yua kơ 'bôh lu sư. Lu sư ră roi đĭ tơdrong 'Bok Kei-Dei tơgŭm lu sư pơm.

Jang 17:15

Đei lu bơngai lui năm ba Pôl truh tơ Pơlei Aten. Na đơ̆ng noh lu bơngai lui ei brŏk dơ̆ng tơ Pơlei Bêrê, pơtruh nơ̆r Pôl athei bre Silas păng Timôthê năm hloi tơ sư.

Jang 20:38

Lu sư sơ'ngon tơpă kơlih kơ Pôl khan sư, ưh pă đei layơ wă 'bôh lu sư tơ ala teh âu dơ̆ng. Klaih kơ noh lu sư năm ba Pôl tơ thŏng-nan.

Jang 21:5

Trŏ năr nhôn wă năm boih na nhôn năm tơ thŏng-nan. Đĭ-đăng lu sư hăm kon akăn sư năm hơdai păng nhôn lĕch đơ̆ng pơlei ei; truh tơ jih đak dơsĭ, nhôn sơtơ̆p kŭl-tăng krao khan kơ 'Bok Kei-Dei.

Jang 28:15

Lu 'nhŏng oh lui kơ Yêsu oei tơ Pơlei Rôm kơtơ̆ng ang nhôn wă năm tơ pơlei sư, na lu sư năm truh tơ Pơlei Appi păng Pơlei Tre Taberna, na lu sư sơng iŏk nhôn. Lăp Pôl tơ'bơ̆p lu sư, na Pôl khan bơnê kơ 'Bok Kei-Dei păng sư 'nă hal yua kơ sư 'bôh bôl sư.

Jang 8:14

Lu jơ̆ng 'bang Yêsu tơ Pơlei Jêrusalem kơtơ̆ng ang đe Samri lui kơ 'Bok Kei-Dei boih. Na lu jơ̆ng 'bang Yêsu wơh Pêtrôs păng Yôhan năm tơ dêh Samari wă krao khan kơ lu bơngai 'nao lui, apinh 'Bok Kei-Dei ăn kơ sư Yang Bơhngol 'Lơ̆ng,

Rom 15:24

Inh năm tơ iĕm hơdrol, đơ̆ng noh na inh năm tơ dêh Aspanhol. Inh tơchĕng wă ngôi hơpong păng iĕm 'biơ̆ păng inh wă kơ iĕm tơgŭm inh gơh năm tơ dêh Aspanhol noh.

I Kor 16:11

Iĕm 'nĕ pơdê sư. Lăp sư yak đơ̆ng iĕm wih tơ inh, iĕm athei tơgŭm 'biơ̆ hŏ, wă kơ sư hiôk păng dang ei inh oei chang gô sư hăm đĭ kơ bôl sư wih tơ inh tơ âu.

I Kor 16:6

Rŏ lăng inh oei hơdai iĕm đunh 'biơ̆, truh đơ̆ng rŏng kơ bơyan puih thâu, na đơ̆ng noh iĕm gơh tơgŭm inh mă năm tơ yơ yơ.

II Kor 1:16

đơ̆ng noh năm tơ dêh Masêđôn. Đơ̆ng dêh Masêđôn wih drong ngôi tơ pơlei iĕm dơ̆ng wă kơ klaih kơ rơnguơ̆. Đơ̆ng noh na inh wă kơ iĕm tơgŭm inh năm tơ dêh Juđê. Inh tơchĕng wă pơm thoi noh tơpă, mă đơ̆ng rŏng inh ưh kơ gơh kơ năm yua kơ iĕm đei tơdrong yoch, tơ̆ng inh năm inh hli kơ inh pơma pơjĭ đon iĕm, iĕm mơlâu sơ'ngon.

Tit 3:13

Sêna sư hơgei tôm tơdrong juăt 'Bok Kei-Dei pơkă sơ̆, na bre sư Apôlê wă năm bơtho đe. Hơdrol kơ bre sư wă năm tơklah đơ̆ng ih, ih athei tơdŏng mơnat ăn kơ bre sư tôm tơdrong tơmam hŏ, wă kơ bre sư huay kơ kơ'bah lăm tơmam bre sư wă năm bơtho đe.