Jang 1:16 - Sơ̆p Hlabơar Nơ̆r 'Bok Kei-Dei

¹⁶ “Ơ lu 'nhŏng oh, Yang Bơhngol 'Lơ̆ng ăn kơ Đawit chih pơkă lê̆ hơdrol roi gah Juđa sơ̆ lăm sơ̆p hla bơar 'Bok Kei-Dei. Yua kơ thoi noh na trŏ dang ei tơpă. Juđa tơ'bôh trong kơ đe năm rôp Yêsu.

Jang 1:16 Kruisverwysings

II Sam 23:2

Yang Bơhngol 'Lơ̆ng Kră Yang yua inh pơma bơtho. Nơ̆r Sư lăm hơpiĕt inh.

II Pot 15:12

'Nâu bơih đei 'bôh 'blep thoi nơ̆r Kră Yang khan kơ Jêhu: “Adrĕch ih gô pơgơ̆r lu đe Isơrael dĭng truh kơ jơhnơr mă puăn.” Tơdrong 'nâu đei truh sĭt thoi noh.

Horiso 41:9

Truh tơ buăl inh juăt, d Mă inh gơnang bơngai mă sa boih 'bĕng inh, Kŭm hiŏng kơnơl wă 'lơ̆r inh.

Mathiơ 26:14

Đơ̆ng noh đei minh 'nu bơngai anăn sư Juđa Ikariôt, bơngai đơ̆ng mơjĭt-'bar 'nu pơhrăm păng Yêsu, sư năm tơ lu 'bok soi tih.

Mathiơ 26:47

Kơplah Yêsu oei pơma 'bôh blư kơ Juđa truh, bơngai mă đơ̆ng lăm mơjĭt-'bar 'nu pơhrăm păng Yêsu. Đei lơ bơngai kiơ̆ sư chĕp tak đao mơ'nah chĕp 'long tơnôn, yua kơ lu 'bok soi tih, lu đe kră sek tơlang đe Juđê wơh lu sư năm rôp Yêsu.

Mathiơ 26:54

Mă-lei sơ̆p hla bơar 'Bok Kei-Dei khan Inh gô lôch tang kon bơngai, na thoi yơ Inh gơh apinh 'Bă Inh dŏng bơ̆n thoi noh?”

Mathiơ 26:56

Mă-lei dôm tơdrong noh 'Bok Kei-Dei ăn wă kơ 'blep kơ tơdrong lu bơngai pơtruh nơ̆r Sư chih roi lê̆ hơdrol tơ sơ̆p hla bơar Sư sơ̆.” Đang Sư pơma thoi noh bru đĭ-đăng lu bơngai pơhrăm păng Sư achăng lê̆ Sư kơdâu jăk tơ nai.

Markôs 12:36

Yang Bơhngol 'Lơ̆ng athei Đawit khan thoi âu: ‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ kơ oei gah 'ma kơ Inh pơgơ̆r tơ̆p Inh blah rôp lu bơngai mă ayăt kơ Ih thuơ tơ kơnơl jơ̆ng Ih.’

Markôs 14:43

Kơplah Yêsu oei pơma 'bôh blư kơ Juđa truh, bơngai mă đơ̆ng lăm mơjĭt-'bar 'nu bơngai pơhrăm păng Yêsu. Đei lơ bơngai kiơ̆ sư chĕp tak đao, mơ'nah chĕp 'long tơnôn yua kơ lu 'bok soi tih, lu thây bơtho tơdrong juăt đe Juđê păng lu đe kră sek tơlang wơh lu sư năm rôp Yêsu.

Luka 22:47

Kơplah Yêsu oei pơma na blư hloi kơ lu bơngai lơ truh tơ Sư. Juđa, bơngai mă đơ̆ng lăm mơjĭt-'bar 'nu bơngai pơhrăm păng Yêsu ră, sư anhăk ba lu bơngai wă năm rôp Yêsu. Na Juđa năm hloi tơ Yêsu wă chŭm Sư kiơ̆ thoi đe Juđê juăt kơ kơkuh dih băl.

Yo 10:35

Bơ̆n băt sơ̆p hla bơar 'Bok Kei-Dei pơma trŏ tơpăt, na 'Bok Kei-Dei khan kơ lu kơdră bơ̆n mă Sư ăn jang tơdrong Sư sơ̆ khan sư dang yang.

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.

Yo 17:12

Kơplah Inh oei hơdai lu sư, Inh yua mơsêh mơyang đơ̆ng Ih pơjao kơ Inh, na Inh wei-lăng lu sư kơjăp. Inh wei-lăng lu sư, lăm lu sư ưh kơ đei bu hiong ôh; lăp minh 'nu bơngai đĕch hiong. Mă-lei trŏ kơ sư wă hiong 'mơ̆i kơlih kơ 'blep trŏ thoi đe chih khan lê̆ hơdrol lăm sơ̆p hla bơar Ih.

Yo 19:36

Tơdrong 'noh 'blep trŏ thoi sơ̆p hla bơar 'Bok Kei-Dei khan lê̆ hơdrol thoi âu: “Ưh kơ đei minh pôm kơting Sư tơgơ̆ ôh.”

Jang 1:20

Đawit chih lăm sơ̆p hla bơar tơdrong hơriso hơdrol kơ đe tam mă tơpŭ kơ Juđa thoi âu: ‘Hnam sư gô adro ưh kơ đei bu oei. Tơdrong jang sư bơ̆n ăn kơ bơngai nai iŏk.’

Jang 13:15

Đang kơ đe đŏk hla bơar tơdrong juăt 'Bok Kei-Dei pơkă păng tơdrong bơngai pơtruh nơ̆r 'Bok Kei-Dei boih, na lu kră wei-lăng lăm hnam akŭm lu đe Juđê khan kơ bre sư: “Ơ bre 'nhŏng oh, tơdah biĕm đei tơdrong wă bơtho kơ kon pơlei pơla, bơtho bĕ.”

Jang 13:38

Ơ lu 'nhŏng oh, inh wă kơ iĕm băt tơpă tơdrong âu: Yua kơ Yêsu na iĕm gơh klaih đơ̆ng tơdrong yoch.

Jang 15:13

Lăp bre sư pơma đang boih, Yakơ iung pơma thoi âu dơ̆ng: “Ơ lu 'nhŏng oh, apinh iĕm mơ̆ng inh bĕ.

Jang 15:7

Lu sư pơđâu kư̆m đunh 'biơ̆ mơ̆n. Klaih kơ noh Pêtrôs iung pơma thoi âu: “Ơ lu 'nhŏng oh, iĕm kư̆m băt tơdrong 'Bok Kei-Dei rơih inh đơ̆ng lu iĕm sơ̆, wă kơ inh năm bơtho lu bơngai tơmoi mă ưh kơ khŭl bơ̆n wă kơ sư gơh kơtơ̆ng Tơdrong 'Nao 'Lơ̆ng na lui kơ Kră Yang Yêsu.

Jang 2:23

Đe rôp Sư kiơ̆ thoi 'Bok Kei-Dei pơkă lê̆ hơdrol. Lu iĕm pơlôch Sư. Lu iĕm athei lu bơngai pơm kơnê̆ pơ̆ng pơlôch Sư tơ 'long pơglang.

Jang 2:37

Kơtơ̆ng tơdrong 'noh boih, lu kon tơring mơn lăm jơhngơ̆m sư na jet Pêtrôs hăm lu bôl sư khan: “Ơ 'nhŏng oh, nhôn athei pơm lơliơ wă klaih đơ̆ng tơdrong yoch?”

Jang 22:1

“Ơ lu mih ma 'nhŏng oh, apinh lu iĕm mơ̆ng inh 'biơ̆ bĕ. Inh wă pơma tơdrong đêl iĕm jô̆ kơ inh athei iĕm tŭk lê̆ tơdrong juăt Môis, inh athei iĕm tơpă dah ưh.”

Jang 23:1

Pôl hue lăng lu kră sek tơlang na khan: “Ơ lu 'nhŏng oh, đơ̆ng sơ̆ khơ̆ dang ei inh pơm tơpăt, na jơhngơ̆m inh ưh kơ hli 'bơ̆t anăp 'Bok Kei-Dei.”

Jang 23:6

Lăm lu kră sek tơlang, Pôl kơnăl kơ lu sư 'bar khŭl bơngai lui phara, khŭl Sađusê păng khŭl Pharisi. Na Pôl khan: “Ơ lu 'nhŏng oh, inh bơngai Pharisi. 'Bă inh kư̆m bơngai Pharisi lei-lăi mơ̆n. Dang ei iĕm sek tơlang tơdrong inh yua kơ inh lui kơ lu bơngai lôch iung arih ning-mônh.”

Jang 28:17

Nhôn oei tơ ei đei pêng năr boih na Pôl krao akŭm lu kră bơngai Juđê. Lăp sư akŭm boih Pôl khan kơ lu sư: “Ơ lu 'nhŏng oh, inh ưh kơ đei pơm kơnê̆ kơ lu bơngai Juđê bơ̆n dah tơdrong juăt lu kră bơ̆n sơ̆. Mă-lei lu bơngai Juđê đơ̆ng nai rôp inh tơ Pơlei Jêrusalem păng jao inh tơ lu bơngai Rôm.

Jang 28:25

Na lu sư wă tơklah dih băl brŏk tơ hnam kơdih, lu sư oei pơjah dih băl gah tơdrong Pôl bơtho. Hơdrol kơ lu sư wă brŏk, Pôl khan kơ lu sư thoi âu: “Yang Bơhngol 'Lơ̆ng ăn kơ bơngai pơtruh nơ̆r 'Bok Kei-Dei sơ̆, anăn sư Êsai, khan kơ lu 'bok kơdră bơ̆n sơ̆, na 'blep kơ iĕm ưh kơ lui dang ei.

Jang 7:2

'Bok Êtien khan thoi âu: “Ơ đe 'nhŏng oh lu 'bok kră pơgơ̆r dêh bơ̆n, apinh iĕm mơ̆ng inh pơma 'biơ̆ bĕ. Tơ'ngla mơsêh mơyang 'Bok Kei-Dei năm tơ Abraham mă 'bok kră bơ̆n sơ̆ lăp Abraham oei tơ dêh Mesôpôtôme, hơdrol kơ sư wă năm oei tơ Pơlei Haran.

I Pet 1:11

Yang Bơhngol 'Lơ̆ng Yêsu Krist oei hơdai hăm lu sư, ăn kơ lu sư jing bơngai khan lê̆ hơdrol gah tơdrong 'Bok Krist gô đei tơdrong pơmat, klaih kơ noh Sư gô pơgơ̆r đĭ-đăng. Mă-lei lu sư ưh kơ băt tơdrong noh wă truh layơ, sư thoi yơ, na lu sư adrin pơhrăm wă kơ băt tơdrong noh.

II Pet 1:21

Yua kơ dôm tơdrong lu sư khan lê̆ hơdrol noh, ưh kơ đei lĕch đơ̆ng kon bơngai ôh. 'Bok Kei-Dei yua 'bơ̆r kon bơngai đĕch na bơ̆n lăng thoi 'bơ̆r kon bơngai. Mă tơpă đơ̆ng Yang Bơhngol 'Lơ̆ng bơtho tơbăt kơ lu sư.

II Pet 2:21

Dah sư ưh tam kơtơ̆ng đe bơtho tơdrong 'Bok Kei-Dei, noh pha. 'Nâu sư băt boih mă sư achăng lê̆ tơdrong 'lơ̆ng tơpăt 'Bok Kei-Dei.