Horiso 8:3 - Sơ̆p Hlabơar Nơ̆r 'Bok Kei-Dei

³ Dah inh lăng tơ plĕnh đơ̆ng lu hơnglâu ti Ih pơjing Măt khei păng lu sơnglŏng mă Ih đei pơjing boih.

Horiso 8:3 Kruisverwysings

Bl 1:1

Blŭng-a Kră Yang 'Bok Kei-Dei pơjing plĕnh păng teh.

Jop 22:12

Ưh kơ trŏ Kră Yang 'Bok Kei-Dei oei tơ kơpal, tơ lu tăl plĕnh ti hă? Lăng bĕ tơ sơnglŏng kơjung hloh pă băt dang yơ!

Jop 25:3

Khŭl linh Sư hăm đei bu kĕ jô̆? Tơdrong hơdah Sư hăm đei bu mă Sư ưh kơ đei pơchrang?

Jop 25:5

Tơdah, mă măt khei kư̆m ưh kơ gan hơdah, Lu sơnglŏng kư̆m ưh kơ đei 'lơ̆ng rơgoh mơ̆n 'bơ̆t anăp Sư:

Jop 36:24

'Blŏk hơri bơnê bĕ dôm tơdrong jang Kră Yang, Mă kon bơngai juăt kơ đei hơri bơnê.

Horiso 104:19

Sư pơjing boih măt khei wă kơ tơdra bơyan. Măt 'năr băt dang yơ jơ sư mơ̆t.

Horiso 111:2

Dôm tơdrong jang Kră Yang tih tơpă; Đĭ-đăng bơngai lăp kơ tơdrong jang noh; tă tơchĕng wă kơ băt.

Horiso 148:3

Ơ măt năr, măt khei hơri ư-ang bĕ kơ Sư. Ơ lu tăl sơnglŏng rang hơdah, bơnê ư-ang bĕ kơ Sư;

Horiso 19:1

Lu hơtăl plĕnh ră roi tơdrong ư-ang Kră Yang 'Bok Kei-Dei, Tơ plĕnh ti tơ'bôh tơdrong jang đơ̆ng ti Sư pơm.

Horiso 33:6

Lu plĕnh mă đei pơjing đơ̆ng nơ̆r Kră Yang. Đĭ lu linh tơ plĕnh đơ̆ng hơyuh dui jơhngơ̆m đơ̆ng 'bơ̆r Sư na đei.

Horiso 89:11

Đĭ kơ plĕnh hăm teh đak jơ̆ tơmam Ih, Ih đei pơjing teh đak păng dôm tơmam kơpal teh.

Le 31:18

Lăp Kră Yang khan kơ Môis tơ kơpal kông Sinai, đang bơih sư ăn hloi 'bar tŏ gơ'bang tơdrong pơgơ̆p pơm păng tơmo blat đơ̆ng hơnglâu ti Kră Yang 'Bok Kei-Dei chih.

Le 8:19

Lu bơngai pơjâu khan kơ Pharaôn, 'Nâu boih hơnglâu ti Kră Yang 'Bok Kei-Dei; mă-lei Pharaôn oei arăng kơ̆l ưh kơ chu, ưh kơ mơ̆ng Môis păng Arôn thoi nơ̆r Kră Yang khan boih.

Luka 11:20

Mă tơpă đơ̆ng 'Bok Kei-Dei ăn kơ Inh, na Inh gơh pơpuh yang kơnê̆. Thoi noh na iĕm 'bôh ră 'Bok Kei-Dei wă pơgơ̆r tơ ala teh âu boih, mă-lei iĕm ưh kơ băt ôh.

Rom 1:20

Đơ̆ng Sư pơjing plĕnh teh sơ̆ khơ̆ dang ei kon bơngai băt tôm tơmam đơ̆ng 'Bok Kei-Dei ngăl. Thoi noh kon bơngai băt nhên kơ 'Bok Kei-Dei Sư Yang tơm mơsêh mơyang ưh kơ tôch. Mă-lei kon bơngai bơ̆n oei khan ưh kơ đei 'Bok Kei-Dei 'mơ̆i, kon bơngai bơ̆n hơlĕnh dêh tơpă.

Both 4:19

Kơnh hli kơ lu iĕm pơm ngoi lăng tơ plĕnh 'bôh măt 'năr, măt khei, lu sơnglŏng dôm lu tơmam kơpal plĕnh, kơnh iĕm 'maih wă kơkuh kơ dôm lu tơmam noh păng drap kơkuh kơ lu sư. Mă Kră Yang 'Bok Kei-Dei asong ăn tơmam noh kơ kon bơngai oei ala teh âu.