Horiso 10:12 - Sơ̆p Hlabơar Nơ̆r 'Bok Kei-Dei

¹² Ơ Kră Yang! Iung bĕ Ih, Ơ Kră Yang 'Bok Kei-Dei, yơ̆r ti Ih bĕ; 'Nĕ hiơt kơ bơngai răm-'băm.

Horiso 10:12 Kruisverwysings

Horiso 13:1

Ơ Kră Yang, Ih gô hiơt kơ inh dĭng dang yơ? Wă hiơt hlŏng hloi hă? Dĭng dang yơ Ih ôn muh măt Ih kơ inh?

Horiso 17:13

Ơ Kră Yang, iung bĕ răp tơpơ̆k tơhuŏng lê̆ lu sư; Iŏk đao gưm han Ih dŏng pơklaih bơhngol inh klaih đơ̆ng lu bơngai kơnê̆.

Horiso 17:7

Ơ Kră Yang Apinh Ih pơdah tơdrong 'mêm hlĭch chrơp Ih, kơ bu mă năm ôn akâu sư tơ ti 'ma Ih. Đơ̆ng lu bơngai mă ayăt kơ lu sư.

Horiso 3:7

Ơ Kră Yang, iung bĕ; Ơ Kră Yang 'Bok Kei-Dei, pơklaih inh bĕ! Yua kơ Kră Yang tap boih tơ'bŏk lu ayăt kơ inh, Păng gơ̆ lê̆ boih hơnĕnh lu bơngai kơnê̆.

Horiso 7:6

Ơ Kră Yang, iung bĕ lăm năr Ih blĕk, Iung blah bĕ hăm lu ayăt kơ inh; Iung hơdơ̆r bĕ ơ Kră Yang 'Bok Kei-Dei tơbăt bĕ tơdrong sek tơlang.

Horiso 74:19

Apinh 'nĕ pơjao tơdrong arih sem kơtơp Ih kơ lu sem bri. 'Nĕ hiơt ling-lang kơ lu bơngai pơmat-tat Ih.

Horiso 77:9

Kră Yang 'Bok Kei-Dei hiơt tơdrong mơnat ăn boih hă? Lăm Sư hil mĭl Sư chĭt lê̆ pă mơnat boih hă?” Sêla

Horiso 9:12

Yua kơ Tơ'ngla iung kơting pham 'blŏk kơ lu bơngai mă pơmat-tat. Sư ưh kơ đei hiơt ôh tơdrong lu sư nhơ̆m ôr.

Horiso 9:13

Kră Yang ơi, mơnat bĕ kơ inh, Lăng bĕ tơdrong pơmat-tat đơ̆ng lu bơngai areh kơ inh, pơm kơ inh. Ơ Kră Yang mă pôk hơtŏk inh hlôi kơ 'măng jang tơdrong lôch Lăng bĕ tơdrong pơmat-tat inh, Mă đơ̆ng đe areh kơ inh

Horiso 9:19

Ơ Kră Yang iung bĕ. 'Nĕ ăn jei kon bơngai ôh, Sek tơlang bĕ kơ đĭ kon bơngai 'bơ̆t anăp Ih

Horiso 94:2

Iung bĕ, ơ Yŏng Sek Tơlang kơ teh đak. Pơm tơwih bĕ kơ lu bơngai pơang kiơ̆ trŏ thoi lu sư pơm.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 33:10

Kră Yang khan: “Dang ei Inh gô iung, dang ei Inh gô pôk hơtŏk, dang ei Inh gô đei tơdrong ư-ang.

Mi 5:9

Kră Yang khan: Inh gô pơrăm đĭ lu aseh păng lu gre aseh lu iĕm đơ̆ng lăm ti lu iĕm.

Lu 16:28

Samsơn krao khan: Ơ Kră Yang Tih Hloh, apinh Ih 'blŏk kơ inh. Ơ Kră Yang 'Bok Kei-Dei, inh apinh Ih ăn kơ inh đei jơhngơ̆m pran pă minh 'măng wă kơ inh pơm tơwih 'mong plơ̆ kơ lu bơngai Philistin yua kơ 'bar pah măt inh.