Hagai 1:5 - Sơ̆p Hlabơar Nơ̆r 'Bok Kei-Dei

⁵ Thoi noh dang ei Kră Yang Tih Hloh khan thoi âu: ‘Lăng bĕ trong iĕm năm.

Hagai 1:5 Kruisverwysings

Horiso 48:13

Lăng hơlen bĕ lu anih kơjăp Sư,c dur kơjăp sư. Wă kơ gơh roi kơ lu bơngai đơ̆ng rŏng dơ̆ng.

Le 7:23

Pharaôn wih brŏk tơ hnam sư jơhngơ̆m sư ưh kơ đei hiơ̆k tơchĕng kiơ kơ tơdrong noh.

Le 9:21

Mă-lei đei lu bơngai mơ'nah ưh kơ hiơ̆k ôh kơ nơ̆r Kră Yang khan, lê̆ lu đĭch đam păng sem dơrong lu sư oei tơ bri tơ mir tơ tơmăn glă noh.

Nhom 3:40

Bĕ bơ̆n lăng trong bơ̆n kơdih, na wih brŏk tơ Kră Yang.

Êsêkiên 18:28

Yua kơ sư 'bôh păng tơbral dôm tơdrong yoch kơnê̆ mă sư hlôi pơm, tơpă sư gô đei tơdrong arih păng ưh kơ đei lôch hiong.

Êsêkiên 40:4

Bơngai noh khan kơ inh: Ơ kon bơngai athei lăng mă hơlen, athei mơ̆ng mă nhen tôm tơdrong mă inh gô tơ'bôh ăn kơ ih yua kơ ih năm tơ âu wă kơ lăng dôm tơdrong âu. Thoi noh tôm tơdrong ih 'bôh athei roi ăn kơ adrĕch Isơrael.

Da 10:12

Đơ̆ng noh bơngai ei khan thoi âu; ơ Đaniel 'nĕ kơ hli; yua kơ đơ̆ng nơ̆r blŭng-a mă ih đei đon hlôh drap kơkuh 'bơ̆t anăp Kră Yang 'Bok Kei-Dei ih păng lu nơ̆r ih pơma kơ Kră Yang 'Bok Kei-Dei kơtơ̆ng boih, yua kơ lu nơ̆r ih noh na inh truh tơ âu.

Da 6:14

Kơplah pơtao kơtơ̆ng lu nơ̆r noh, thoi noh sư sơ'ngon dêh; pơtao wă 'maih pơklaih Đaniel ră păng gô dĭng 'năr mơ̆t, adrin đĭ jơhngơ̆m chă trong wă pơklaih Đaniel.

Hagai 1:4

“'Nâu hăm trŏ kơplah iĕm oei lăm hnam pĕng păng tơ̆r mă 'lơ̆ng na lê̆ hnam Kră Yang jing juơ rơhiăng.

Hagai 1:6

Lu iĕm rei lơ mă-lei kĕch iŏk tŏ sĕt; sŏng sa ră mă-lei ưh kơ phĭ; nhă ră mă-lei ưh kơ hrăp; hrŭk mă ưh kơ tơtŏ. Păng lu mơ'nah jang chă jên; mong jên sư kơdih noh lăm kơdŭng hlôh.’

Hagai 1:7

Kră Yang Tih Hloh khan: ‘Lu iĕm lăng lăng bĕ trong lu iĕm yak.

Luka 15:17

“Thoi noh sư 'blŏk hơdơ̆r, na sư khan: ‘Lu bơngai jang kơ 'bă inh đei sŏng sa phĭ rơkah rơkai, mă-lei inh 'nâu wă lôch ngôi kơ rơwĕt.

II Kor 13:5

Iĕm athei pơlong lăng tơdrong arih iĕm, hăm thoi bơngai lui tơpă dah ưh. Iĕm hăm băt kơ Yêsu Krist oei hơdai iĕm? Hli kơ iĕm ưh kơ lui kơ Sư đĕch, na Sư ưh kơ oei hơdai iĕm.

Galati 6:4

Na bơ̆n athei pơlong lăng tơdrong jang bơ̆n tơ lăm tơdrong jang 'Bok Kei-Dei, wă kơ băt bơ̆n jang 'lơ̆ng dah ưh. Dah bơ̆n băt kơdih bơ̆n jang 'lơ̆ng, bơ̆n gô lăp đon hiôk chơt kơdih bơ̆n. Bơ̆n 'nĕ pơang akâu bơ̆n kơdih khan bơ̆n lui hloh kơ đe.