Êsai 15:3 - Sơ̆p Hlabơar Nơ̆r 'Bok Kei-Dei

³ Lu sư su 'bi sơ'ngon jơ̆p kơ trong tih lăm pơlei, lu sư nhơ̆m hmoi tơ kơpal bơbŭng hnam păng tơ anih hơdrŭm, lu sư hmoi ơh lĕch đak măt.

Êsai 15:3 Kruisverwysings

II Sam 3:31

Đawit khan kơ Jôap hăm đĭ-đăng kon pơlei kiơ̆ sư tơ noh: “Hek bĕ ao, asu 'bi tơ akâu, na nhơ̆m hmoi kơ Apner;” lu bơngai năm 'bŭ yak adrol kơ hơbang tung Apner, Đawit kiơ̆ đơ̆ng rŏng kơ đe tung Apner.

II Pot 6:30

Kơtơ̆ng duch ei roi thoi noh, pơtao hek ao sư kơdih. Kơplah ei, pơtao oei nơnăm rok kơpal dur pơlei, na kon pơlei 'bôh sư hrŭk ao 'bi tơ lăm.

Êsai 15:2

Lu bơngai Dibôn tŏk tơ groi; lu sư năm tŏk tơ anih kơjung kơkuh kơ yang wă hmoi; kon pơlei Môap nhơ̆m hmoi ơh yua kơ kông Nêbô păng pơlei Mêdêba, lu sư yuă sŏk 'ngôch ngăl, sŏk kang lu sư hơkôih đĭ.

Êsai 22:1

Nơ̆r khan lê̆ adrol gah thŭng tơdrong tơ'bôh. Lu iĕm đei tơdrong kiơ mă đĭ-đăng lu iĕm tŏk hao bơbŭng hnam thoi noh?

Êsai 22:4

Thoi noh na inh khan: “Iĕm 'nĕ lăng tơ inh, lê̆ inh nhơ̆m ơh ol, 'nĕ chă pơlung inh yua kơ tơdrong pơrăm lu kon pơlei inh!

Êsai 3:24

Đak 'bâu ôm tơplih kơ đak pơgang 'bâu phu, tơlei kơnŭi pơm tơlei tơ̆n: Kơ̆l sŏk tơtuh tơplih kơ đei sŏk jing; bơnal 'bi pơ̆n akâu tơplih kơ ao tai brai se, tơdrong mơlâu tơplih tơdrong 'lơ̆ng.

Je 19:13

Đĭ-đăng hnam lăm pơlei Jêrusalem păng hnam pơtao Juđa, đĭ-đăng lu hnam ayơ mă tơ kơpal bơbŭng hnam noh đei soh tơmam 'bâu phu kơ lu sơnglŏng tơ kơpal plĕnh păng kư̆m đei tuh ăn tơmam huch sa pơyơ̆r kơ lu yang nai, kư̆m 'mê̆-'mach thoi Tôphet.”

Je 48:37

Rim 'nu hơkôih boih kơ̆l 'ngôch, hơkôih boih sŏk kang, raih chrek ti rơka, tơ̆n ao 'bi tơ kơiĕng.

Nhom 2:10

Lu Kră lu kon adruh Siôn tơoei tơ teh ưh pă đei pơma kiơ. Lu sư pung tơnuh tơ kơ̆l, hrŭk 'bi nai pơm hơbĕn ao; Lu kon adruh Isơrael kŭp kơ̆l truh tơ teh.

Êsêkiên 7:18

Lu sư gô hrŭk ao 'bi păng đei tơdrong hli krưp gom lu sư thoi ao. Rim kơ muh măt lu sư hơ'nhŭk oei mơlâu. Lu sư hơkôih kơ̆l 'ngôch đĭ yua kơ sơ'ngon.

Am 8:10

Inh gô ăn kơ năr chơt hiôk iĕm jing năr ơh sơ'ngon păng đĭ-đăng lu tơdrong hơri iĕm jing nhơ̆m hmoi. Inh gô chô̆ ăn 'bi nai tơ rim kơiĕng păng pơm ăn kơ rim kơ̆l jing kơ̆l hoh. Inh gô ăn tơdrong ơh sơ'ngon, thoi hiong minh 'nu kon pôm drŏ-nglo păng năr tôch sư thoi năr ơh sơ'ngon dêh.

Mathiơ 11:21

Na Sư khan: “Ơ Pơlei Chơrasin, iĕm gô đei tơdrong pơmat tơpă ning-mônh. Ơ Pơlei 'Betsaiđa, iĕm kư̆m đei tơdrong pơmat tơpă mơ̆n ning-mônh. Dah Inh pơm lơ tơdrong mơsêh mơyang tơ Pơlei Tirơ hăm Pơlei Siđôn dang Inh pơm tơ pơlei iĕm ki, lei 'bar tŏ pơlei noh tơbral kơdih tơdrong yoch 'bônh đĕch; lei lu sư hrŭk hloi ao 'bi păng iŏk hloi tơnuh ŭnh pik tơ akâu lu sư wă kơ đe băt kơ lu sư sơ'ngon kơ tơdrong yoch sư tơpă. Mă-lei lu iĕm âu phara dêh, iĕm ưh kơ băt tơbral thoi noh.

Both 22:8

Mưh iĕm pơm hnam 'nao, athei pơm 'long pĕng găn tăp dăr kơ bơbŭng, kơnh hli kơ đei bơngai huŏng đơ̆ng bơbŭng hnam noh, bơ̆n huay pă pŭ kơting, đơ̆ng hnam 'nao noh.

Ya 5:1

Ơ lu bơngai mơdrŏng, mơ̆ng bĕ. Trŏ kơ iĕm nhơ̆m hmoi bĕ, mă iĕm nhơ̆m hmoi lê̆ hơdrol lăp boih, yua kơ dôm tơdrong gleh pơmat wă truh kơ iĕm.

I Sam 5:12

Lu bơngai mă tam mă lôch kư̆m đei jĭ pơtôch đơ̆ng lăm pơlei đei nơ̆r ôr krao truh tơ plĕnh ti,