Êphêsô 2:9 - Sơ̆p Hlabơar Nơ̆r 'Bok Kei-Dei

⁹ Yua kơ thoi noh na bơ̆n 'nĕ kơ pơang kơ đe khan bơ̆n kĕ kiơ̆ tôm tơdrong juăt na bơ̆n klaih.

Êphêsô 2:9 Kruisverwysings

Rom 11:6

Sư rơih iŏk yua kơ Sư mơnat, ưh kơ sĭ yua kơ lu bơngai noh kĕ kiơ̆ tôm tơdrong juăt Sư pơkă ôh. Tơ̆ng Sư rơih iŏk lu bơngai noh kĕ kiơ̆ tôm tơdrong juăt Sư pơkă, lei thoi yơ 'Bok Kei-Dei khan Sư rơih iŏk yua kơ Sư mơnat đĕch?

Rom 3:20

Na mă bơngai Juđê mă bơngai nai, dah bơ̆n oei gơnang kơ akâu bơ̆n kơdih wă kiơ̆ dôm tơdrong juăt 'Bok Kei-Dei pơkă sơ̆, 'Bok Kei-Dei ưh kơ jô̆ bơ̆n bơngai 'lơ̆ng tơpăt ôh, yua kơ tơdrong Sư pơkă noh sư pôm tơbăt kơ bơ̆n bơngai yoch hăm 'Bok Kei-Dei đĕch.

Rom 4:2

Lu bơngai Juđê juăt kơ ư-ang Abraham, khan Abraham kĕ kiơ̆ tôm tơdrong juăt 'Bok Kei-Dei pơkă, na 'Bok Kei-Dei lăp đon kơ sư. Mă-lei 'Bok Kei-Dei ưh kơ tơchĕng thoi noh ôh.

Rom 9:11

Kơplah yă Rê'bêka tam mă tơpŭ kơ bre noh sơ̆, 'Bok Kei-Dei khan lê̆ kơ yă bơ̆n noh sơ̆ thoi âu: “Ning-mônh ih gô tơpŭ 'bar 'nu kon drŏ-nglo kơmar. 'Nhŏng sư gô pơm iĕ kơ oh sư.” 'Bok Kei-Dei khan thoi noh, ưh kơ sĭ yua kơ bre 'nhŏng oh pơm 'lơ̆ng pơm kơnê̆ ôh. Kơplah noh bre ei, mĕ bre sư ưh tam mă tơpŭ ôh. 'Bok Kei-Dei pơkă lê̆ hơdrol pơrơ̆ng wă rơih iŏk oh sư pơm tih kơ 'nhŏng sư.

Rom 9:16

Thoi noh na dang ei bơ̆n băt nhên boih gah tơdrong noh, ưh kơ sĭ đơ̆ng bơ̆n wă kơ Sư 'mêm, dah bơ̆n pơlung Sư wă kơ Sư 'mêm kơ bơ̆n ôh. Sư 'mêm kơ bơ̆n yua kơ Sư wă 'mêm kơdih đĕch.

II Tim 1:9

'Bok Kei-Dei pơklaih bơ̆n đơ̆ng tơdrong yoch. Sư krao iŏk bơ̆n wă kơ bơ̆n jing kon 'lơ̆ng tơpăt Sư. Sư krao bơ̆n ưh kơ sĭ bơ̆n pơm tơdrong 'lơ̆ng na Sư krao ôh, Sư krao bơ̆n yua kơ Sư 'mêm mơnat kơ bơ̆n. Đơ̆ng blŭng-a sơ̆ Sư tam mă pơjing plĕnh păng teh, đơ̆ng noh boih Sư 'mêm mơnat kơ bơ̆n wă ăn Yêsu Krist pơklaih bơ̆n.