Both 9:21 - Sơ̆p Hlabơar Nơ̆r 'Bok Kei-Dei

²¹ Đơ̆ng noh inh iŏk tơmam, rup kon rơmo mă lu iĕm pơm păng soh lê̆ lăm ŭnh, teh pơhĕch lê̆, dĭng thoi 'mui teh; đơ̆ng noh inh tuh hŭt lê̆ 'mui noh lăm glung đak ro đơ̆ng kông.

Both 9:21 Kruisverwysings

I Pot 15:13

Sư kư̆m plôh tơlĕch yă sư Maaka đơ̆ng pơm yă pơtao lăm hnam pơtao, yua kơ yă sư man gơ̆ng rup yang Asêra drŏ-kăn mă kơnê̆ krưp dêh. Asa kư̆m teh tơpăk lê̆ gơ̆ng pôm yang păng soh rŭk lê̆ tơ lăm thŭng Kidrôn.

II Ho 34:7

Sư teh pơrăm lê̆ lu chơnang soi lu gơ̆ng rup yang Asêria, teh pơchah lê̆ lu gơ̆ng đe pơm yang jơ̆p kơ tơring char Isơrael, na sư wih brŏk tơ pơlei Jêrusalem.

Le 32:20

Môis iŏk rup kon rơmo lu sư pơm soh hloi tơ lăm ŭnh, đơ̆ng noh sư peh pơhĕch jing gơnơ̆k păng iŏk gơnơ̆k noh tuh tơ lăm đak, klaih kơ noh ăn lu kon pơlei Isơrael nhă.

Êsai 30:22

Lu iĕm gô tŭk hŭt lê̆ rup iĕm traih lom hăm hu păng rup man bah hăm maih, na lu iĕm klơ̆m lê̆ sư tơ ataih thoi tơmam 'mê̆-'mach. Păng khan: “Lĕch bĕ đơ̆ng anih âu!”

Êsai 31:7

Lăm năr ei kơnh, mă bu bu kư̆m klơ̆m tŭk lê̆ rup yang lu sư man hăm hu, hăm maih, jơ̆ tơmam đêl ti lu iĕm pơm kơdih noh boih mă lu iĕm băt iĕm pơm noh yoch.

Hôsia 8:11

Yua kơ Êphraim pơm rai đei lơ chơnang soi huai đơ̆ng yoch; na đơ̆ng dôm chơnang soi noh tơhuŏng lu sư lăm tơdrong yoch.

Mi 1:7

Đĭ-đăng lu rup man sư gô pơchah đĭ dôm lu tơmam lu sư iŏk sa pơgâm gô soh đĭ lăm ŭnh. Inh gô pơrăm lê̆ đĭ lu rup man lu sư; yua kơ mŭk tơmam lu sư mong 'măn noh đơ̆ng lu sư pơm đi, thoi noh lu sư yua tơmam noh apah ăn kơ lu bơngai pơm đi.

Both 9:20

Kră Yang kư̆m blĕk hil dêh kơ Arôn, mah truh kơ wă pơlôch sư; inh kư̆m krao khan ăn kơ Arôn lăm kơplah noh.