Both 8:7 - Sơ̆p Hlabơar Nơ̆r 'Bok Kei-Dei

⁷ Yua kơ Kră Yang 'Bok Kei-Dei wă gô chông ba iĕm mơ̆t tơ dêh char 'lơ̆ng, đei lơ đak glung, đei đak krong, đak mơlĕch ro lăm thŭng thong păng tơ kơpal kông groi.

Both 8:7 Kruisverwysings

Bl 49:11

Sư chô̆ aseh dăm sư tơ tơm 'long hơmu. Kon aseh sư tơ dơng hơmu 'lơ̆ng hloh, Kŭm iŏk pham hơmu sut ao tơtŏ sư.

II Pot 18:32

dĭng truh tơ inh chông ba iĕm tơ minh pôm dêh char lei-lăi thoi dêh char iĕm, noh dêh char mă đei phe 'ba, đak hơmu, 'bĕng păng pơgar hơmu, minh pôm dêh char đei đak ôliwơ păng đak sut. Thoi noh na iĕm gô arih, huay kơ lôch ôh. “Lei na iĕm 'nĕ kơ mơ̆ng Hesekia, yua kơ sư hơlĕnh kơ lu iĕm 'bơ̆t mă sư pơma khan: Kră Yang gô dŏng pơklaih bơ̆n.

Horiso 104:10

Sư pơm kơ lu đak glung lĕch ro jơ̆p kơ thong sư ro sơlam kông.

Horiso 106:24

Lu sư lăng hơi đĕch dêh char 'lơ̆ng rŏ. Ưh kơ lui kơ nơ̆r Kră Yang pơkă.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Êsai 36:17

Dĭng truh tơ layơ, inh truh chông ba lu iĕm mơ̆t tơ dêh char, nhen dêh lu iĕm kơdih, noh jơ̆ dêh char đei 'ba, tơ'bâu păng sik hơmu 'nao, 'ba mi păng plei hơmu.

Êsai 5:1

Inh gô hơri ăn kơ bơngai mă inh 'mêm, minh 'bai hơri gah pơgar hơmu sư, buăl mă inh 'mêm đei minh hlak pơgar hơmu tơ kơpal groi hơdrih 'lơ̆ng.

Je 2:7

Inh chông ba iĕm mơ̆t lăm teh đak mơ̆r 'lơ̆ng, ăn kơ iĕm yua sa plei 'long păng yua iŏk lu tơmam sa 'lơ̆ng. Mă-lei lăp 'nao truh lu iĕm pơm pơ'mê̆ hloi kơ teh đak Inh, pơm kơ dôm tơdrong Inh pơjing đe lăng krưp.

Êsêkiên 17:5

Sư iŏk adrĕch găr 'long đơ̆ng teh noh chĕp ba pơtăm tơ anih teh 'lơ̆ng; sư pơtăm 'bơ̆t teh đei đak thoi 'long hla prai.

Êsêkiên 20:6

Lăm năr noh Inh yơ̆r ti pơkă hăm lu sư, inh gô chông anhăk lu sư lĕch đơ̆ng char Êyiptơ năm tơ anih mă Inh đei chơchă ăn kơ lu sư bơih, teh đei đak toh păng đak sut lơ, noh teh ư-ang hloh kơ đĭ-đăng char.

Both 8:6

Hli yom bĕ kơ Kră Yang 'Bok Kei-Dei iĕm, wei răk dôm nơ̆r Sư tơtă, yak năm kiơ̆ trong Sư;

Both 8:8

Dêh noh đei 'ba mi, 'ba tơ'bâu, plei hơmu, 'long hơra, plei gărnăt, đak rơmă plei 'long ôliwơ păng đak sut;

Lu 18:10

Mưh lu iĕm năm truh tơ dêh noh lu iĕm gô 'bôh kon pơlei oei hơđơ̆ng rơnŭk rơnua. Dêh 'noh să păng sĭt Kră Yang 'Bok Kei-Dei gô pơjao lăm ti bơ̆n, teh đak ưh kơ đei khăi minh tơmam kiơ.”