Both 8:2 - Sơ̆p Hlabơar Nơ̆r 'Bok Kei-Dei

² Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.

Both 8:2 Kruisverwysings

Bl 22:1

Đang kơ dôm tơdrong noh keh boih, na Kră Yang 'Bok Kei-Dei pơlong lăng Abraham. Sư khan thoi âu: “Ơ Abraham!” Abraham tơl: “Inh tơ âu.”

II Ho 32:31

Kŭm thoi noh đei bơngai mă đơ̆ng pơtao Babilôn wơh athei năm apinh kơ tơdrong hlĭch mă đei truh tơ lăm char sư, kơplah Kră Yang 'Bok Kei-Dei oei achăng wă pơlong lăng sư wă kơ băt dôm tơdrong lăm jơhngơ̆m sư.

II Ho 33:12

Kơplah sư đei tơdrong gleh truh pơmat-tat, na sư krao apinh Kră Yang 'Bok Kei-Dei sư păng tơjur akâu tơbral tơpă 'bơ̆t anăp Kră Yang 'Bok Kei-Dei lu 'bok sư.

II Ho 33:19

Nơ̆r sư krao apinh Kră Yang 'Bok Kei-Dei đei tơl tơwih ăn kơ sư thoi yơ, dôm lu tơdrong yoch kơnê̆ mă sư đei pơm, lu anih kơjung mă sư đei pơm, man rup yang Asêria păng traih rup yang adrol kơ sư tam mă tơbral tơjur akâu sư, âu đei chih răk đĭ tơ lăm sơ̆p hla bơar Hôsai.

Ne 9:19

Mă-lei Ih yua tơdrong Ih 'mêm, ưh kơ đei achăng lê̆ lu sư lăm char glă, jrăng hơmơ̆l chông anhăk rok trong kơ'năr, ưh kơ weh đơ̆ng lu sư ôh, kơmăng jrăng ŭnh pơchrang hơdah păng tơ'bôh trong kơ lu sư yak kiơ̆.

Jop 33:17

Wă kơ kon bơngai weh đơ̆ng tơdrong pơm kơnê̆, păng hŭt lê̆ jơhngơ̆m juăt pơang.

Horiso 103:2

Ơ bơhngol inh, kơkuh bơnê bĕ kơ Kră Yang. 'Nĕ hiơt dôm tơdrong 'lơ̆ng Sư pơm.

Horiso 106:7

Tơ dêh char Êyiptơ 'bok lu nhôn ưh kơ 'bôh tơdrong hlĭch chrơp Ih kư̆m ưh kơ 'blŏk tơdrong Ih 'mêm mơnat dêh Mă-lei rai pơm plơ̆ tơ đak dơsĭ, noh đak dơsĭ 'brê.

Horiso 136:16

Sư chông kon pơlei Sư rok char 'blach. Tơdrong 'mêm Sư oei oei ling-lang.

Horiso 77:11

Inh tơ'blŏk dơ̆ng kơ dôm tơdrong jang Kră Yang, Inh 'blŏk dơ̆ng kơ lu tơdrong mơsêh hlĭch Ih pơm sơ̆

Horiso 81:7

Lăm năr anat anot iĕm krao apinh, Inh dŏng pơklaih iĕm. Inh tơl tơwih kơ iĕm đơ̆ng anih hlơp lăm grơ̆m glaih, Păng pơlong lăng ih 'bơ̆t tu đak Mêri 'ba. Sêla

Le 15:25

Môis krao apinh Kră Yang; Kră Yang tơ'bôh ăn kơ sư minh pôm dơng 'long, sư iŏk klơ̆m lăm đak, na đak jing 'lơ̆ng. Na tơ noh, Kră Yang ăn tơdrong juăt hăm tơdrong tơtă ăn kơ kon pơlei păng tơ noh sư pơlong lăng lu sư.

Le 16:35

Kon pơlei Isơrael sa mana lăm puăn-jĭt sơnăm, tơ̆p truh tơ lu sư mơ̆t oei tơ dêh Kanaan.

Le 16:4

Kră Yang khan kơ Môis: Inh gô ăn 'bĕng đơ̆ng plĕnh jur thoi 'mi kơ lu iĕm. Kon pơlei gô năm rim năr dônh, dônh tôm mah sa kơ năr 'noh, Inh wă pơlong lăng lu sư hăm đei pơm kiơ̆ thoi Inh athei dah ưh.

Le 20:20

Môis tơl khan: Lê̆ kơ hli, yua kơ Kră Yang 'Bok Kei-Dei jur wă pơlong lăng lu iĕm, wă kơ iĕm đei jơhngơ̆m hli yom kơ sư, na huay kơ pơm yoch hăm sư.

Tơdrông Pơđơk 17:3

Gŏ pơtŏ rơ̆ hu, lu tơnuh ŭnh 'buh pơlong maih; Mă-lei đei Kră Yang pơlong lăng jơhngơ̆m.

Êsai 2:17

Lu bơngai pơang gô tơjur lê̆ tơ ala păng tơdrong kon bơngai pơrŏ kơdih akâu gô mơlâu, lăm năr 'noh kơnh pôm Kră Yang đĕch trŏ kơ bơ̆n ư-ang.

Je 2:6

Lu sư ưh pă jet khan: ‘Tơ yơ Kră Yang Sư boih mă pơklaih tơlĕch bơ̆n đơ̆ng dêh char Êyiptơ păng chông ba bơ̆n rok lăm char glă, 'bĕnh-'bang kơ sơlŭng, lăm char teh hrĕng kro păng măng mu tơdrong lôch, lăm teh đak mă ưh kơ đei bu rok păng ưh kơ đei bu oei.’

Êsêkiên 20:19

Inh boih Kră Yang 'Bok Kei-Dei lu iĕm, chu kiơ̆ bĕ khôi juăt Inh, wei răk nơ̆r Inh tơtă păng pơm kiơ̆ bĕ.

Am 2:10

Inh kư̆m chông iĕm lĕch đơ̆ng dêh Êyiptơ păng chông ba lu iĕm kơplah puăn-jĭt sơnăm lăm char glă wă ăn kơ lu iĕm đei teh jang sa đơ̆ng bơngai Amôrit.

Jo 14:33

Lu kon sâu iĕm gô wei triu lăm char glă 'nâu lăm puăn-jĭt sơnăm lu sư gô pŭ iŏk tơdrong phak đơ̆ng lu iĕm ngôi kư̆ kă ưh kơ wă lui dĭng truh tơ lu iĕm pơ̆k lôch đĭ lăm char glă 'nâu.

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Yo 2:25

yua kơ Sư băt rim 'nu lăm jơhngơ̆m kon bơngai lăm to sư thoi yơ. Na Sư huay kơ kăl kơ đe roi ăn kơ Sư bơngai âu thoi yơ, bơngai 'noh thoi yơ ôh.

Both 1:3

Lăm sơnăm mă puăn-jĭt năr mă mônh khei mơjĭt-mônh, Môis pơma khan kơ kon pơlei Isơrael dôm tơdrong mă đơ̆ng Kră Yang. Kră Yang tơtă kơ sư athei pơma khan kơ lu đe noh.

Both 1:33

Jơ̆ Tơ'ngla năm adrol chông lu iĕm năm rok trong wă chơchă kơ lu iĕm minh anih oei; kơmăng yua ŭnh, kơ'năr yua hơmơ̆l, wă ba trong lu iĕm yak năm.

Both 13:3

Na 'nĕ kơ mơ̆ng ôh nơ̆r bơngai khan lê̆ adrol noh dah lu bơngai apo noh roi, yua kơ Kră Yang 'Bok Kei-Dei lu iĕm pơlong lăng lu iĕm, wă băt kơ lu iĕm hăm đĭ jơhngơ̆m klơm klak đĭ đon tơchĕng 'mêm kơ Kră Yang 'Bok Kei-Dei lu iĕm dah ưh.

Both 2:7

Yua kơ Kră Yang 'Bok Kei-Dei iĕm ăn pŭn hiôk dôm tơdrong jang đơ̆ng tơpang ti iĕm pơm; Sư băt boih kơ tơdrong lu iĕm năm rok char glă să âu, lăm puăn-jĭt sơnăm 'nâu, Kră Yang 'Bok Kei-Dei iĕm oei hăm iĕm boih; huay kơ kơ'bah kiơ ôh.

Both 29:5

Inh chông lu iĕm puăn-jĭt sơnăm boih lăm char glă ao lu iĕm ưh kơ so hiah, chơkhŏ lu iĕm 'bot tơ jơ̆ng ưh kơ huach luih.

Both 32:7

'Blŏk bĕ kơ năr sơ̆ ki. Tơchĕng bĕ kơ lu bơngai chăl adrol sơ̆. Jet bĕ 'bă iĕm lu sư gô tơl. Apinh bĕ lu kră iĕm, lu sư gô roi tơbăt ăn kơ iĕm.

Both 7:18

'Nĕ kơ hli kơ lu sư, mă-lei iĕm athei 'blŏk dôm tơdrong kiơ, mă Kră Yang 'Bok Kei-Dei iĕm đei pơm boih kơ Pharaôn păng đĭ dêh Êyiptơ.

Both 8:16

Lăm char glă Sư boih wei rong ăn kơ iĕm sa 'bĕng mana, mă lu 'bok iĕm tam lah băt, ăn kơ lu iĕm pơmat-tat wă pơlong lăng iĕm tuch-luch ăn pŭn hiôk kơ lu iĕm.

Ya 1:3

yua kơ iĕm băt boih, tơ̆ng bơ̆n đei lơ tơdrong gleh, tơdrong gleh noh wă pơlong lăng tơdrong lui bơ̆n, kư̆m bưh mơ̆n, wă kơ bơ̆n lui kơjăp.

Ya 4:10

Iĕm athei pơma sơdrĭ tơ ala kơ Sư, na Sư 'brơ̆k mơnat tơiung iĕm.

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

Lu 2:22

Inh ăn kơ lu ayăt kơ lu sư oei tơ noh Inh wă pơlong lăng lu bơngai Isơrael, lu sư hăm oei đei wei păng rok kiơ̆ trong Kră Yang thoi lu 'bok yă lu sư mă đêl oei tơ noh ưh.

Lu 3:4

Kră Yang yua lu adrĕch adrung 'nâu wă pơlong lăng lu bơngai Isơrael, wă lăng lăng lu bơngai Isơrael hăm chu kiơ̆ tơdrong juăt mă Kră Yang chih ăn kơ Môis bơtho kơ lu adrĕch adrung lu sư.