Both 7:1 - Sơ̆p Hlabơar Nơ̆r 'Bok Kei-Dei

¹ Layơ Kră Yang 'Bok Kei-Dei iĕm chông ba iĕm mơ̆t iŏk dêh mă Sư pơkă păng puh tơweh đĭ lu adrĕch đe 'bơ̆t anăp iĕm, noh lu kon pơlei Hêtit, kon pơlei Girgasit kon pơlei Amôrit, kon pơlei Kanaan, kon pơlei Pêrisit, kon pơlei Hêwit păng kon pơlei Jêbus, wă khan tơpơh adrĕch tih păng pran hloh kơ iĕm.

Both 7:1 Kruisverwysings

I Pot 16:31

Sư lăng pơm yoch rok thoi Jêrôbôam kon drŏ-nglo Nêbat iĕ đĕch, sư iŏk Jêsebel kon drŏ-kăn Êtbaal pơtao đe Siđôn pơm akăn; sư bơ̆jang kơ yang Baal păng kơkuh kơ yang 'noh.

I Ho 1:14

Jêbus, Amôrit, Girgasit,

II Ho 8:7

Đĭ-đăng bơngai mă oei arih răi lăm lu kon pơlei Hêtit, Amôrit, Pêrisit, Hêwit păng Jêbus, ưh kơ trŏ kơ adrĕch Isơrael,

Esơra 9:1

Đơ̆ng rŏng kơ tơdrong noh, lu 'bok kuan tih năm jê̆ pơma hăm inh thoi âu: Kon pơlei Isơrael, lu 'bok soi păng bơngai Lêwi hai, ưh kơ đei tơklah đơ̆ng adrĕch păng lăm tơring âu, lu sư pơm rok lu kon pơlei Kanaan, kon pơlei Hêtit, kon pơlei Phêrêsit, kon pơlei Jêbus, kon pơlei Ammôn, kon pơlei Môap, kon pơlei Êyiptơ păng kon pơlei Amôrit.

Ne 13:23

Kŭm lăm chăl noh, inh 'bôh lu bơngai Juđa iŏk akăn bơngai Asdôt, Ammôn păng Môap;

Horiso 78:55

Sư puh tơweh lu kon pơlei nai 'bơ̆t anăp lu sư, Hlang păng klah song teh ăn kơ lu sư jang sa. Sư ăn kơ lu bơngai Isơrael oei tơ lăm anih hnam kon pơlei ei.

Le 15:7

Hăm tơdrong pran kơtang mơsêh mơyang tih krưp Ih, pơrăm boih lu bơngai blah Ih; tơdrong Ih hil mĭl, Soh pơrăm lu sư thoi ŭnh sa hơnong ba.

Le 23:28

Inh gô ăn ong hơgơ̆r năm adrol blah puh lu bơngai Hêwit, bơngai Kanaan, bơngai Hêtit, weh đơ̆ng anăp iĕm.

Le 23:32

Ih 'nĕ kơ pơgơ̆p hăm lu sư, dah hăm yang lu sư.

Le 23:33

'Nĕ ăn lu sư oei lăm char iĕm ôh, hli kơ lu sư pơhlŭ iĕm pơm yoch hăm Inh na kơkuh kơ yang lu sư; tơdrong noh gô pơm hơđong đăk kơ iĕm.

Le 33:2

Inh gô wơh minh 'nu linh jang 'lơ̆ng Inh năm adrol kơ ih, na Inh gô puh tơweh lu bơngai Kanaan, Amôrit, Hêtit, Pêrisit, Hêwit, hăm lu bơngai Jêbus,

Le 6:8

Inh gô chông ba lu iĕm mơ̆t lăm dêh mă Inh pơkă wă ăn kơ Abraham, kơ Isăk păng Jakôp inh gô ăn kơ lu iĕm dêh 'noh wă kơ jang sa, Inh boih Kră Yang.

Lêwi 14:34

Layơ lu iĕm mơ̆t tơ char Kanaan, mă Inh gô ăn kơ lu iĕm jang sa păng Inh ăn tơdrong jĭ phơ̆k lăm minh pôm hnam, lăm char mă lu iĕm đei iŏk oei jang sa,

Jo 13:29

Kon pơlei Amalek oei tơ gah gơal, kon pơlei Hêtit, kon pơlei Jêbus păng kon pơlei Amôrit oei lăm tơring jê̆ kông, kon pơlei Kanaan oei cheng dơsĭ păng rok kiơ̆ đak Krong Jôrđăn.

Jo 14:31

Mă-lei Inh gô ăn lu kon hơ'lơ̆p iĕm gô mơ̆t oei tơ lăm char noh mă lu iĕm đei khan: Lu sư jing tơmam đe tơtông tơgar iŏk; đơ̆ng noh lu sư gô oei lăm char mă lu iĕm pơjăm.

Jang 13:19

Đơ̆ng hơdrol sơ̆ lu bơngai Isơrael oei chang gô Kră Yang 'Bok Kei-Dei wă ăn kơ lu sư teh đak Kanaan ei dang oei pă puăn-hrĕng pơđăm-jĭt sơnăm 'mơ̆i na truh. Na truh boih puăn-hrĕng pơđăm-jĭt sơnăm, Kră Yang 'Bok Kei-Dei pơlôch pơrăm tơpơh khŭl bơngai ei na teh đak lu đe ei 'Bok Kei-Dei ăn kơ lu bơngai Isơrael. 'Bok Kei-Dei ăn kơ lu sư đei lu kră sek tơlang kơdih sư truh tơ 'bok Samuel, bơngai pơtruh nơ̆r 'Bok Kei-Dei sơ̆.

Both 11:29

Kơplah Kră Yang 'Bok Kei-Dei chông ba iĕm mơ̆t iŏk dêh đêl pơkă na sơkat pŭn hiôk tơ kơpal kông Gêrasim păng tơdrong hiap pơtê̆ tơ kơpal kông Êbal.

Both 20:1

Mưh iĕm năm tơblah ham lu bơngai ayăt kơ iĕm 'bôh aseh, gre aseh păng linh lơ hloh kơ iĕm, 'nĕ kơ hli, yua kơ Kră Yang 'Bok Kei-Dei iĕm Tơ'ngla mă chông iĕm lĕch đơ̆ng dêh Êyiptơ, gô oei hơdai iĕm.

Both 20:16

Mă-lei lăm pơlei lu adrĕch 'nâu, mă Kră Yang 'Bok Kei-Dei ăn boih kơ iĕm bơ̆jang sa, na iĕm athei pơlôch đĭ sem kiơ dui jơhngơ̆m.

Both 31:20

Đơ̆ng rŏng Inh chông ba lu sư mơ̆t lăm dêh char Inh hlôi pơkă boih hăm 'bok lu sư; dêh 'bĕnh kơ đak toh đak sut; lu sư gô sa phĭ păng bek, wơ̆t bơ̆jang kơkuh lu yang nai, lu sư gô pơdê lê̆ Inh păng pơm glăi kơ tơdrong pơgơ̆p Inh.

Both 31:3

Kră Yang 'Bok Kei-Dei iĕm gô năm tŏk kơ đak krong adrol kơ iĕm Sư gô pơlôch đĭ lu kon pơlei âu 'bơ̆t anăp iĕm, lei na iĕm gô iŏk asong băl dêh lu sư; Jôsuê gô năm adrol jing yŏng iĕm, thoi Kră Yang khan boih.

Both 4:38

Sư puh lê̆ lu adrĕch adrung tih hloh păng pran hloh kơ iĕm, wă ba iĕm năm mơ̆t tơ dêh noh păng ăn kơ iĕm teh noh wă kơ lu iĕm jang sa, thoi iĕm đei 'bôh dang ei.

Both 6:1

'Nâu jơ̆ khôi juăt, nơ̆r tơtă păng nơ̆r tơbăt đơ̆ng Kră Yang 'Bok Kei-Dei lu bơ̆n, tơtă boih kơ inh bơtho ăn kơ lu iĕm, wă kơ lu iĕm pơm kiơ̆ tơdrong noh tơ lăm dêh mă lu iĕm gô mơ̆t oei.

Both 6:10

Layơ Kră Yang 'Bok Kei-Dei iĕm chông ba iĕm mơ̆t tơ dêh mă Sư đei pơkă pơkăm wă ăn kơ lu 'bok iĕm Abraham, Isăk păng Jakôp, wă ăn kơ iĕm, đei pơlei tih păng mơdrŏng mă lu iĕm ưh kơ đei man pơdơ̆ng.

Both 6:19

Kră Yang gô puh lê̆ đĭ lu bơngai ayăt đơ̆ng anăp iĕm kư̆m thoi Sư đei pơkă boih.

Both 6:23

Na Sư chông ba tơlĕch boih lu bơ̆n đơ̆ng dêh ei, Sư chông anhăk lu nhôn mơ̆t tơ dêh Sư mă pơkă wă ăn kơ 'bok lu bơ̆n; păng wă ăn kơ lu bơ̆n.

Both 9:1

Ơ kon pơlei Isơrael, mơ̆ng bĕ! Lu iĕm wă tŏk kơ Krong Jôrđăn, wă mơ̆t tơblah puh tơweh lu adrĕch tih păng pran hloh kơ iĕm pơlei tih đei dur kơjung kơjăp truh tơ plĕnh.

Both 9:3

Mă-lei iĕm athei băt tơpă: Kră Yang 'Bok Kei-Dei iĕm năm adrol kơ iĕm, nhen thoi pla ŭnh khơ̆ng dơhlông sa, Kră Yang boih Sư gô pơlôch pơrăm lu sư. Pơm kơ lu sư chu thuơ, lu iĕm gô pơlôch lu sư 'mônh đĕch, thoi Kră Yang đei pơkă hăm lu iĕm.

Both 9:4

Kơplah Kră Yang 'Bok Kei-Dei, blah puh lê̆ lu sư 'bơ̆t anăp iĕm, iĕm 'nĕ kơ tơchĕng khan: Noh yua kơ đơ̆ng tơdrong 'lơ̆ng tơpăt bơ̆n na mă Kră Yang chông bơ̆n mơ̆t iŏk dêh noh mă tơpă yua kơ đơ̆ng tơdrong yoch kơnê̆ adrĕch âu, na Kră Yang blah puh lu sư đơ̆ng anăp iĕm.

Jôsuê 11:3

Đei wơh dơ̆ng năm tơ kon pơlei Kanaan gah hơlĕch păng gah bơmơ̆t, tơ kon pơlei Amôrit, Hêtit, Phêrêsit păng kon pơlei Jêbus, oei kơpal kông groi; păng năm truh tơ kon pơlei Hêwit, jê̆ jơ̆ng kông Hermôn, lăm tơring Mispa.

Jôsuê 24:11

Na lu iĕm tŏk kơ đak Krong Jôrđăn truh tơ pơlei Jêrikô, lu kon pơlei bơngai Jêrikô wă blah lu iĕm kư̆m thoi kon pơlei Amôrit, kon pơlei Pêrêsit kon pơlei Kanaan, kon pơlei Hêtit, kon pơlei Girgasit, kon pơlei Hêwit păng kon pơlei Jêbus, mă-lei Inh jao lu sư lăm tơpang ti lu iĕm.

Jôsuê 3:10

Jôsuê khan dơ̆ng: Yua kơ đơ̆ng tơdrong âu, na lu iĕm gô băt Kră Yang 'Bok Kei-Dei arih ling-lang Sư oei hơdai hăm lu iĕm păng Sư gô puh tơweh lê̆ lu bơngai Kanaan, bơngai Hêtit, bơngai Hêwit, bơngai Phêrisit, bơngai Girgasit, bơngai Amôrit păng bơngai Jêbus.