Both 32:3 - Sơ̆p Hlabơar Nơ̆r 'Bok Kei-Dei

³ Inh ư-ang anăn Kră Yang. Bĕ bơ̆n hơri ư-ang kơ Kră Yang 'Bok Kei-Dei Tơ'ngla mă tih hloh!

Both 32:3 Kruisverwysings

I Ho 17:19

Yua kơ đĭch đam ih boih, Ơ Kră Yang, kiơ̆ thoi Ih wă, Ih đei pơm boih tơdrong tih âu ăn kơ inh băt đĭ-đăng tơdrong pơkă tih âu.

I Ho 29:10

'Bơ̆t anăp đĭ-đăng tơpôl, Đawit bơnê kơ Kră Yang khan: Hơri bơnê kơ Ih ơ Kră Yang 'Bok Kei-Dei Isơrael 'bok lu nhôn, đơ̆ng dang ei truh tơ ning-mônh ưh kơ đei layơ tôch!

I Ho 29:11

Ơ Kră Yang Ih bơih, tih hloh mơsêh mơyang pran kơtang trŏ kơ hơri ư-ang, krưp rang mơnhal. Ơ Kră Yang đĭ-đăng kơpal plĕnh ala teh gah Ih ngăl. Dêh char pơtao gah Ih păng Ih boih yŏng kơ đĭ-đăng.

I Ho 29:13

Dang ei, ơ Kră Yang 'Bok Kei-Dei lu nhôn, lu nhôn bơnê kơ Ih păng hơri ư-ang anăn Ih.

Horiso 150:2

Bơnê ư-ang bĕ kơ Sư yua kơ tơdrong mơsêh mơyang Sư. Bơnê ư-ang bĕ kơ Sư kiơ̆ kơ tơdrong tih krưp Sư.

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Le 33:19

Kră Yang khan: Inh gô pơdah tơdrong 'lơ̆ng Inh 'bơ̆t anăp ih, klaih kơ noh Inh gô roi anăn Inh Kră Yang 'bơ̆t anăp ih, Inh gô mơnat kơ bơngai bu mă Inh 'maih mơnat, hăm Inh gô pơm 'lơ̆ng kơ bơngai bu mă inh 'maih pơm 'lơ̆ng.

Le 6:3

Inh pơdah tơ'bôh ăn kơ Abraham kơ Isăk păng Jakôp, Inh boih Kră Yang 'Bok Kei-Dei mơsêh mơyang;a mă-lei Anăn Inh Kră Yang,b Inh ưh tam đei layơ tơbăt kơ lu sư.

Je 10:6

Ưh kơ đei yang kiơ thoi Ih ơ Kră Yang. Ih boih Kră Yang Tih Dêh, Ih mơsêh mơyang pran kơtang hloh.

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Yo 17:26

Inh tơhlôh kơ lu sư dôm tơdrong Ih. Păng Inh oei tơhlôh kơ lu sư wă kơ lu sư băt tơpă Ih 'mêm kơ lu sư, kư̆m thoi Ih 'mêm kơ Inh; păng Inh gô oei lăm lu sư mơ̆n.”

Yo 17:6

“Inh roi tơbăt tôm tơdrong Ih kơ lu bơngai ala teh mă Ih pơjao ăn kơ Inh boih. Lu sư bơngai Ih, mă Ih pơjao ăn kơ Inh. Lu sư răk dôm nơ̆r Ih.

Êphêsô 1:19

Păng wă kơ iĕm băt kơ Sư Kră Yang mơsêh tăp pang mơyang tăp dăr gơh tơgŭm lu bơ̆n bơngai lui kơ Sư,

Both 3:24

Ơ Kră Yang, Ih hlôi tơ'bôh kơ đĭch đam Ih tơdrong krưp tih păng tơpang ti mơyang Ih, yua kơpal plĕnh ala teh âu ưh kơ đei yang ayơ gơh pơm tơdrong mơsêh mơyang thoi Ih.

Both 5:24

Na khan: Kră Yang 'Bok Kei-Dei lu nhôn tơ'bôh boih tơdrong rang mơnhal păng tơdrong krưp tih Sư kơ lu nhôn păng lu nhôn đei kơtơ̆ng boih nơ̆r Sư đơ̆ng lăm ŭnh; năr âu lu nhôn 'bôh boih Kră Yang 'Bok Kei-Dei pơma dơnuh hăm kon bơngai mă-lei lu nhôn oei arih.

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.