Both 32:2 - Sơ̆p Hlabơar Nơ̆r 'Bok Kei-Dei

² Rŏ kơ nơ̆r inh bơtho huŏng jruh thoi đak 'mi; nơ̆r inh pơma lĕch thoi đak ngom jur, thoi 'mi pruh tơ kơpal 'nhĕt 'lơ̆p thoi 'mi hngach ruh tơ kơpal hla 'nhĕt adrih.

Both 32:2 Kruisverwysings

II Sam 23:4

Gô thoi lĕ hơdah pơchrang til pơgê, kơplah măt năr lĕch. Thoi lĕ til pơgê hrôih ưh kơ đei hơmơ̆l, pơchrang hơdah đơ̆ng rŏng kơ 'mi. Pơm ăn kơ 'nhĕt 'long chăt arih đơ̆ng lăm teh.”

Horiso 65:10

Ih ruh rim trong lu sư rơuơ pơm ăn kơ teh hơiuh. Ăn 'mi chruh pơm kơ sư rơmuăn păng ăn pŭn kơ tơmam bluh chăt wơ̆.

Horiso 72:6

Pơtao gô jur thoi 'mi jruh tơ kơpal mir nhen thoi 'mi tih jruh hơiuh tơ teh.

Tơdrông Pơđơk 4:2

Yua kơ Inh đei ăn kơ iĕm hŏk pơhrăm 'lơ̆ng; 'Nĕ kơ hŭt tơdrong Inh bơtho.

Hôsia 14:5

Inh gô jing thoi đak ngom kơ bơngai Isơrael, lu sư gô pơkao thoi pơkao hla tŏng-mŏng păng kư̆m chăt rơh thoi tơm 'long hơngo char Liban.

Hôsia 6:4

Inh wă pơm liơ kơ lu iĕm, ơ bơngai Êphraim? Inh wă pơm liơ kơ lu iĕm, ơ bơngai Juđa? Iĕm 'mêm thoi tŭk pơgê hrôih, thoi đak ngom 'bônh kơ hrĕng.

Am 7:16

Na mơ̆ng bĕ nơ̆r Kră Yang: Ih khan thoi âu: 'Nĕ khan lê̆ adrol wă blah Isơrael păng kư̆m 'nĕ kơ bơtho đe pơm kơnê̆ hăm Isăk.

Mi 5:6

Gah lu bơngai khŭl Jakôp mă oei oei gô oei tŏk-bŏk lăm adrĕch adrung thoi tŭk kiơ̆ pơgê jur đơ̆ng Kră Yang thoi 'mi hngach tuh kơpal 'nhĕt ưh kơ gô đơ̆ng kon bơngai păng kư̆m ưh kơ chang hơmĕng đơ̆ng kon bơngai.

Mi 5:7

Lu bơngai khŭl Jakôp gô oei tŏk-bŏk lơ teh đak thoi dăm-brang oei tŏk-bŏk lu sem bri păng thoi lu dăm-brang kon oei tŏk-bŏk lu triu, dah lu sư yak năm găn pơjuă pơđep păng kăp hek, ưh kơ đei bu gơh dŏng pơklaih.

Sa 10:1

Apinh bĕ đak 'mi đơ̆ng Kră Yang kơplah bơyan 'mi wă tôch, na Kră Yang gô ăn kơmlat păng tơjur đak 'mi rơkah rơkai, wă ăn kơ rim 'nu bơngai đei hla 'nhot sa đơ̆ng mir.

Hêbrơ 6:7

Pơtih gia kơ teh ayơ mă 'lơ̆ng, đei đak 'mi mah pơjing kơ hla 'long bluh 'lơ̆ng, đei plei trem, noh wă pơyua kơ tơ'ngla mă jang pơtăm sư, teh noh 'Bok Kei-Dei mơnat ăn kơ sư pơjing hla 'long bluh 'lơ̆ng đei yua khŏm khŏm.