Both 27:2 - Sơ̆p Hlabơar Nơ̆r 'Bok Kei-Dei

² Lăm năr iĕm tŏk hlôi kơ đak Krong Jôrđăn wă mơ̆t tơ dêh mă Kră Yang 'Bok Kei-Dei iĕm ăn kơ lu iĕm, na iĕm athei pơdơ̆ng lu tơmo tih păng bah chŭr tơ tơmo noh.

Both 27:2 Kruisverwysings

Jop 19:24

Rŏ kơ đe chrek hăm 'long chih mam pơklep bơlơ̆k. Chhơ̆ tơ tơmo lat na oei đei ling-lang.

Êsêkiên 11:19

Inh gô ăn kơ lu sư minh jơhngơ̆m, minh đon 'nao; Inh gô iŏk lê̆ jơhngơ̆m arăng thoi tơmo đơ̆ng akâu lu sư păng ăn kơ lu sư jơhngơ̆m rơmuăn wă chu kiơ̆ Kră Yang.

Êsêkiên 36:26

Inh gô ăn kơ lu iĕm jơhngơ̆m 'nao păng ăn yang bơhngol 'nao tơ lăm lu iĕm; Inh gô iŏk hŭt lê̆ đĭ jơhngơ̆m arăng thoi tơmo đơ̆ng akâu lu iĕm păng ăn kơ lu iĕm jơhngơ̆m rơmuăn hăm sĕch wă chu kiơ̆ Inh.

Both 11:31

Lu iĕm tŏk kơ Krong Jôrđăn, wă mơ̆t iŏk dêh mă Kră Yang 'Bok Kei-Dei lu iĕm ăn kơ lu iĕm. Mưh lu iĕm đei iŏk dêh păng bơ̆jang sa păng oei hloi tơ noh,

Both 26:1

Mưh lu iĕm mơ̆t lăm dêh char mă Kră Yang 'Bok Kei-Dei iĕm ăn kơ lu iĕm bơ̆jang sa, gơh iŏk asong păng oei tơ noh boih,

Both 27:1

Môis păng lu đe kră bơngai pơgơ̆r bơtho khan Isơrael pơkă nơ̆r 'nâu ăn kơ kon pơlei: Wei răk bĕ dôm nơ̆r inh tơtă ăn kơ iĕm năr 'nâu.

Both 27:3

Na chih dôm nơ̆r khôi juăt 'nâu, mưh iĕm năm hlôi boih kơ đak Krong Jôrđăn mơ̆t tơ dêh mă Kră Yang 'Bok Kei-Dei iĕm ăn, mă dêh 'bĕnh kơ đak toh păng đak sut, thoi Kră Yang 'Bok Kei-Dei 'bok iĕm pơkă boih hăm iĕm.

Both 27:4

Dah lu iĕm tŏk hlôi boih kơ đak Krong Jôrđăn, athei iĕm pơdơ̆ng tơmo 'nâu tơ kơpal kông Êbal păng bah chŭr, thoi nơ̆r inh bơtho khan ăn kơ lu iĕm năr 'nâu.

Both 6:1

'Nâu jơ̆ khôi juăt, nơ̆r tơtă păng nơ̆r tơbăt đơ̆ng Kră Yang 'Bok Kei-Dei lu bơ̆n, tơtă boih kơ inh bơtho ăn kơ lu iĕm, wă kơ lu iĕm pơm kiơ̆ tơdrong noh tơ lăm dêh mă lu iĕm gô mơ̆t oei.

Both 9:1

Ơ kon pơlei Isơrael, mơ̆ng bĕ! Lu iĕm wă tŏk kơ Krong Jôrđăn, wă mơ̆t tơblah puh tơweh lu adrĕch tih păng pran hloh kơ iĕm pơlei tih đei dur kơjung kơjăp truh tơ plĕnh.

Jôsuê 1:11

“Lu iĕm athei năm jơ̆p tơ rim anih tơbăt ăn kơ kon pơlei: Hơmet bĕ tơmam sa lu iĕm, yua kơ pă pêng năr boih lu iĕm gô yak tŏk găn kơ đak Krong Jôrđăn, wă năm blah iŏk teh đak mă Kră Yang 'Bok Kei-Dei gô ăn kơ lu iĕm.”

Jôsuê 4:1

Kơplah đĭ-đăng kon pơlei tŏk hlôi kơ đak Krong Jôrđăn boih, Kră Yang khan kơ Jôsuê:

Jôsuê 8:30

Jôsuê đei pơdơ̆ng chơnang soi kơ Kră Yang 'Bok Kei-Dei adrĕch Isơrael, tơ kông Êbal.

Jôsuê 8:31

Kiơ̆ thoi Môis, đĭch đam Kră Yang, đei bơtho pơkă boih kơ kon pơlei Isơrael, Jôsuê man pơdơ̆ng chơnang soi noh kiơ̆ trŏ thoi đei chih lăm sơ̆p hla bơar khôi juăt Môis pơkă man hăm minh pôm tơmo tih, ưh kơ yua hăm bơsei ôh, lu sư pơyơ̆r tơmam soi 'buh kơ Kră Yang păng pơyơ̆r tơmam soi apinh hiôk-hian tơ noh.

Jôsuê 8:32

Tơ noh Jôsuê rek chih khôi juăt lăm tơmo, mă kiơ̆ kơ Môis đei chih adrol sơ̆, 'bơ̆t anăp kon pơlei Isơrael.