Both 26:2 - Sơ̆p Hlabơar Nơ̆r 'Bok Kei-Dei

² iĕm athei iŏk minh lăm mơjĭt đơ̆ng dôm plei blŭng-a mă đơ̆ng teh, lăm dêh mă Kră Yang 'Bok Kei-Dei iĕm ăn kơ lu iĕm, tah lăm minh pôm bai, năm ba tơ anih Kră Yang 'Bok Kei-Dei iĕm gô rơih, wă kơ 'măn anăn Sư tơ noh.

Both 26:2 Kruisverwysings

II Pot 4:42

Đei minh 'nu bơngai đơ̆ng Baal Salisa truh, ba ăn kơ Êlisê bơngai 'Bok Kei-Dei yua noh 'bar-jĭt tŏ 'bĕng mi păng minh hnŏng ba bơyan yuă blŭng-a. Êlisê athei đam sư: “Chă asong ăn kơ lu đe sa bĕ.”

II Ho 31:5

Mưh đei nơ̆r pơtao tơtă truh boih kon pơlei Isơrael năm ba tơmam pơyơ̆r plei blŭng-a lăm bơyan thoi 'ba hơ'bo, Sik hơmu, rơmă ôliwơ, đak sut păng lu tơmam plei đơ̆ng mir chŭn; lu sư kư̆m năm ba pơyơ̆r minh lăm mơjĭt đơ̆ng dôm tơmam, lơ tơpă.

II Ho 6:6

Mă-lei Inh đei rơih boih Jêrusalem, wă kơ Anăn Inh tơ noh păng rơih Đawit wă pơgơ̆r kon pơlei pơla Inh Isơrael.’ ”

Ne 12:44

Lăm năr noh, đe rơih chă bơngai wei-lăng lu hnam mong tơmam pơyơ̆r plei blŭng-a lăm bơyan iŏk minh lăm mơjĭt, wă tah mong lăm noh, đei pơkă boih kiơ̆ kơ lu 'bok soi păng bơngai Lêwi, kư̆m đei pơkă kiơ̆ kơ đei chŭn mir tăp dăr kơ pơlei; yua kơ lu bơngai Juđa hiôk chơt yua kơ lu 'bok soi păng bơngai Lêwi oei bơ̆jang awih awăn.

Ne 13:31

kư̆m athei kon pơlei pơyơ̆r 'long ŭnh kiơ̆ thoi đei pơkă păng lu plei 'long blŭng-a lăm bơyan. Ơ! Kră Yang 'Bok Kei-Dei inh apinh Ih 'blŏk bĕ kơ inh păng ăn tơdrong 'lơ̆ng rŏ kơ inh! 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Le 22:29

Ih 'nĕ kơ pơhiơ̆ pơyơ̆r kơ Inh dôm lu plei blŭng-a ih đơ̆ng mir chŭn păng sik hơmu ih, ih kư̆m athei pơyơ̆r ăn kơ Inh kon kơdră drŏ-nglo ih.

Le 23:16

Ih athei wei năr 'blŏk hơdơ̆r kơ bơyan phĕ kĕch yuă wă khan bơyan plei 'long blŭng-a đơ̆ng ih bơ̆jang păng dôm adrĕch ih rei boih tơ chŭn mir; păng 'blŏk hơdơ̆r kơ bơyan phĕ kĕch yuă wă hlôi, kơplah lu iĕm đei phĕ kĕch yuă plei đơ̆ng chŭn mir,

Le 23:19

Dôm lu plei bơyan blŭng-a đơ̆ng teh, athei năm ba tơ hnam Kră Yang 'Bok Kei-Dei iĕm, iĕm 'nĕ kơ pai hơbĭ bơbe triu kon lăm đak toh mĕ sư.

Le 34:26

Ih athei chĕp ba tơ hnam Kră Yang 'Bok Kei-Dei plei blŭng-a đơ̆ng mir ih. Ih 'nĕ kơ pai 'nhĕm bơbe kon lăm đak toh mĕ sư ôh.

Je 2:3

Isơrael boih minh adrĕch adrung 'lơ̆ng rơgoh 'măn kơ Kră Yang, plei blŭng-a đơ̆ng tơdrong jang Sư. Na bơngai bu mă luăn sa kon pơlei noh gô jô̆ yoch; tơdrong răm gô truh tơ lu sư.’ ” Noh Kră Yang khan.

Êsêkiên 20:40

Kră Yang khan: Tơ kơpal kông rơgoh Inh, tơ kơpal kông Isơrael, tơ noh đĭ adrĕch Isơrael, đĭ-đăng kơ lu sư lăm dêh char gô awih awăn kơ Inh. Tơ noh Inh gô sơng iŏk lu sư; Inh gô iŏk tơmam pơyơ̆r păng tơmam pơyơ̆r plei blŭng-a, hăm tơmam soi 'lơ̆ng rơgoh lu sư.

Êsêkiên 44:30

Lu plei 'long blŭng-a 'lơ̆ng hloh lăm tôm tơmam, lăm đĭ-đăng tơmam soi mă lu sư pơyơ̆r, noh gah lu 'bok soi ngăl. Lu iĕm kư̆m pơyơ̆r ăn kơ lu 'bok soi tơpŭng bơlah blŭng-a mă 'lơ̆ng hloh; wă kơ đei tơdrong pŭn hiôk pơdơh tơ hnam lu iĕm.

Êsêkiên 48:14

Teh 'nâu lu sư ưh kơ gơh tĕch, ưh kơ gơh tơplih, dah mă chă ăn kơ đe chă ala iŏk. Yua kơ teh âu klah lê̆ 'lơ̆ng rơgoh pơyơ̆r kơ Kră Yang.

Lêwi 2:12

Lu iĕm gơh pơyơ̆r tơmam soi noh ăn kơ Kră Yang thoi tơmam soi pơyơ̆r plei blŭng-a. Mă-lei iĕm 'nĕ kơ 'buh tơ ŭnh tơ kơpal chơnang soi thoi tơmam soi đei 'bâu phu.

Lêwi 2:14

Tơdah ih wă pơyơ̆r tơmam soi hăm tơpŭng plei 'long, phe 'ba blŭng-a lăm bơyan ăn kơ Kră Yang athei iŏk hơie 'ba oei adrih peh pơhĕch păng hơdrĕng lê̆ sư.

Rom 11:16

Âu inh wă pơma kơ iĕm gah tơdrong đe pơyơ̆r kơ 'Bok Kei-Dei 'ba hrôih. Sư ăn pơgia lăp tŏ sĕt đĕch mă-lei dang sư ăn đĭ kơ 'ba sư mơ̆n. Bơ̆n 'bôh tơm 'long ayơ 'lơ̆ng, đĭ kơ dơng sư kư̆m 'lơ̆ng mơ̆n. Lu bơngai Isơrael kư̆m thoi noh, sơ̆ 'bok kơdră lu sư pơyơ̆r ăn akâu sư kơ 'Bok Kei-Dei, noh kư̆m dang sư pơyơ̆r đĭ lu kon sâu sư mơ̆n; tơm sư ăn kơ 'Bok Kei-Dei boih, wĕch kư̆m thoi noh.

Rom 16:5

Inh kư̆m đei nơ̆r jet gia lu bơngai mă juăt kơ akŭm tơ hnam bre sư. Inh kư̆m đei nơ̆r jet gia Êpanet, inh 'mêm kơ sư tơpă. Lăm dêh Asi sư boih lui kơ Yêsu Krist hơdrol kơ đe.

Rom 8:23

Ưh kơ sĭ dôm lu tơmam 'Bok Kei-Dei pơjing noh đĕch ôh pơmat-tat. Lu bơ̆n bơngai mă đei Yang Bơhngol 'Lơ̆ng kư̆m hang nuih pơmat-tat thoi lu tơmam noh mơ̆n. Na dang ei chang jah truh khei 'năr 'Bok Kei-Dei pơkă khan wă ăn kơ bơ̆n jing kon Sư ei đĕch hiôk, wă kơ bơ̆n dah tơplih jing akâu 'nao thoi Yêsu. Bơ̆n băt kơ Sư wă ăn kơ bơ̆n hiôk ning-mônh, yua kơ Sư ăn kơ bơ̆n Yang Bơhngol 'Lơ̆ng Sư dang ei.

I Kor 15:20

Mă tơpă 'Bok Kei-Dei tơiung arih Yêsu Krist boih, thoi noh bơ̆n băt 'Bok Kei-Dei kư̆m wă tơiung arih lu bơ̆n mơ̆n. Pơtih gia, Yêsu Krist thoi lĕ 'ba hrôih kơ lu bơngai mă lôch boih.

I Kor 15:23

Rim 'nu kơ bơ̆n athei gô lăp kơ khei 'năr. Yêsu Krist Sư thoi lĕ kơ 'ba hrôih, Sư iung arih hơdrol kơ bơ̆n. Mưh lăp kơ khei 'năr Sư wă jur tơ ala teh âu, đĭ-đăng bơngai lui iung arih kiơ̆ Sư.

I Kor 16:2

Rim năr mônh, rim 'nu kơ iĕm pơyơ̆r jên kơdih kơdih, kiơ̆ kơ jơhngơ̆m iĕm wă păng kiơ̆ kơ tơmam iĕm đei. Thoi noh lăp inh truh tơ iĕm, na iĕm pơyơ̆r tôm boih, huay pă kăl pơyơ̆r dơ̆ng.

Both 16:10

Đơ̆ng rŏng kơ noh iĕm athei pơm giĕng kơ lu tơpơh 'măng giĕng 'nâu ăn kơ Kră Yang 'Bok Kei-Dei iĕm ba tơmam pơyơ̆r hăm jơhngơ̆m hiôk, kiơ̆ kơ đơ̆ng Kră Yang 'Bok Kei-Dei ăn pŭn hiôk kơ iĕm.

Both 18:4

Iĕm kư̆m gô asong ăn kơ lu sư tơmam soi phe 'ba hle, sik hơmu, đak rơmă 'long ôliwơ mă iĕm yuă blŭng-a lăm bơyan păng sŏk lu kon triu yuă blŭng-a.

Both 26:1

Mưh lu iĕm mơ̆t lăm dêh char mă Kră Yang 'Bok Kei-Dei iĕm ăn kơ lu iĕm bơ̆jang sa, gơh iŏk asong păng oei tơ noh boih,

Both 26:3

Lu iĕm athei năm tơ 'bok soi mă oei bơ̆jang kơplah noh, na khan kơ sư: Năr 'nâu, inh năm 'bơ̆t anăp Kră Yang 'Bok Kei-Dei ih, wă khan kơ sư: Inh băt kơnăl kơ inh mơ̆t boih lăm dêh mă Kră Yang pơkă hăm 'bok yă wă ăn kơ lu bơ̆n.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

Jôsuê 18:1

Đĭ-đăng kon pơlei Isơrael, đei akŭm tơ pơlei Silô, pơm pơdơ̆ng Bơsŭn anih akŭm blŭng-a tơ noh: Lu sư pơgơ̆r jơ̆p teh đak.

Tơdrông Tơ'bôh 14:4

Lu sư bơngai rơgoh 'lơ̆ng ngăl ưh kơ đei kiơ̆ lu bơngai ưh kơ lui pơm yoch ôh. Lu sư thoi bơngai drŏ-nglo mă ưh kơ pơ̆n ngôi jê̆ bơngai drŏ-kăn, thoi bơngai drŏ-kăn mă ưh kơ pơ̆n ngôi jê̆ hăm bơngai drŏ-nglo. Kon Triu 'Bok Kei-Dei năm tơ yơ lu sư kiơ̆ tơ noh, yua kơ 'Bok Kei-Dei huai iŏk lu sư đơ̆ng khŭl kon bơngai, na lu sư dang tơmam đe pơyơ̆r ăn kơ 'Bok Kei-Dei păng pơyơ̆r ăn kơ Kon Triu.