Both 2:8 - Sơ̆p Hlabơar Nơ̆r 'Bok Kei-Dei

⁸ Thoi noh lu bơ̆n năm hlôi, weh đơ̆ng 'nhŏng oh lu bơ̆n, lu kon drŏ-nglo Êsâu, lu bơngai oei lăm char Seir, Bơ̆n weh đơ̆ng trong Araba, rok wer kơ trong Êlat păng Êsiôn Gêber tŏk đak Dơsĭ 'Brê năm tơpăt rok trong char glă Môap.

Both 2:8 Kruisverwysings

Bl 25:23

Kră Yang khan thoi âu: “'Bar tŏ dêh char oei lăm klak ih, păng đei 'bar adrĕch kon pơlei gô đei đơ̆ng lăm klak; kon pơlei âu gô pran hloh kơ kon pơlei noh, păng bơngai 'lŏ gô yom kơ bơngai 'lơ̆p.”

I Pot 9:26

Pơtao Sôlômôn kư̆m pơm lơlap duk thŏng-nan tơ pơlei Êsiôn Gêber oei jê̆ pơlei Êlat tơ đak Dơsĭ 'Brê lăm dêh char Eđôm.

II Pot 14:22

Đơ̆ng rŏng kơ 'bă sư Amasia lôch thoi tep hiôk hăm lu 'bok kơdră sư bơih, na Asaria pơjing pơlei Êlat păng pơđâu iŏk pơlei ei tơwih ăn kơ đe Juđa pơm tơ'ngla pơgơ̆r.

II Pot 16:6

'Blep kơplah noh, pơtao đe Eđôm blah iŏk Pơlei Êlat pơdrâu kơ Eđôm; sư blah puh lê̆ lu bơngai Juđa đơ̆ng pơlei Êlat, na lu bơngai Eđôm năm tơ Pơlei Êlat, oei hloi tơ noh dĭng truh dang ei.

Jo 21:4

Đơ̆ng kông Hôr kon pơlei Isơrael yak năm trong đak Dơsĭ 'Brê wă wer dăr kơ char Eđôm. Tơ rok trong lu kon pơlei ơh klai đĭ pă kĕ.

Jo 33:35

lu sư weh đơ̆ng Abrôna năm pơm pơlei oei pơdơh tơ Êsiôn Gêber;

Both 1:1

Nâu nơ̆r Môis pơma khan kơ đĭ-đăng bơngai Isơrael, gah hơlĕch kơ đak Krong Jôrđăn, tơ lăm thŭng Araba jê̆ pơlei Supha sơlam pơlei Paran păng Tôphêl, La'ban. Haserôt păng Đisahap.

Lu 11:18

Đơ̆ng noh lu sư wơ̆t năm rok trong tơmăn glă, dăr kơ dêh Eđôm păng dêh Môap; đơ̆ng noh lu sư năm truh tơ gah hơlĕch kơ dêh char Môap, lu sư pơm anih oei pơdơh tơ gah to kơ đak Krong Arnôn. Lu sư ưh kơ mơ̆t ôh tơ lăm char Môap, yua kơ đak Krong Arnôn noh sư hơdral dêh char Môap.