Both 16:3 - Sơ̆p Hlabơar Nơ̆r 'Bok Kei-Dei

³ Năr giĕng Năm Brih 'nĕ kơ sa 'bĕng hrâu hăm 'buih pông; lăm tơpơh năr iĕm gô sa 'bĕng ưh kơ đei 'buih pông, wă khan 'bĕng pơmat-tat, wă kơ iĕm 'blŏk kơ năr iĕm lĕch hlôi đơ̆ng dêh Êyiptơ hăt hot.

Both 16:3 Kruisverwysings

I Pot 22:27

khan: “Pơtao khan thoi âu: Rôp chĭt bơngai 'nâu lăm hnam bơnă, iŏk 'bĕng păng đak tŏ sĕt, rong pơmat sư dĭng truh năr inh brŏk hiôk-hian.”

Horiso 102:9

Inh sa tơnuh tơplih kơ por. Đak inh nhă hrâu păng đak măt.

Horiso 111:4

Sư tơ'blŏk tơdrong jang hlĭch chrơp Sư đei pơm boih. Kră Yang 'mêm păng mơnat.

Horiso 127:2

Ưh kơ đei yua ôh kơ lu iĕm iung đơ̆ng hrôih, năm tep măng, Đơ̆ng gleh hrat chă tơmam sa. Kră Yang kư̆m ăn kơ lu bơngai mă Sư 'mêm kơeng đei pơdơh tep.

Le 12:11

Lei iĕm sa 'nhĕm noh thoi âu: Gơhret tơlei tơ̆n mă kơjăp, jơ̆ng 'bot chơkhŏ, ti chĕp 'long jra, sa hăt hot; 'noh wă khan năr giĕng Kră Yang Năm Brih.

Le 12:17

Wă kơ lu iĕm athei wei pơm giĕng sa 'bĕng ưh kơ đei 'buih pông, yua kơ năr âu mơ̆n Inh chông lu iĕm lĕch đơ̆ng dêh Êyiptơ; yua kơ thoi noh na lu iĕm athei wei răk năr 'nâu truh rim jơhnơr thoi minh tơdrong tơtă ling-lang hlŏng hloi.

Le 12:39

Lu sư pơm 'bĕng ưh kơ đei 'buih pông tơpŭng mă lu sư chĕp ba đơ̆ng dêh Êyiptơ. Tơpŭng ưh kơ đei hrâu 'buih pông ôh yua kơ đe puh lu sư hăt hot dêh lĕch đơ̆ng dêh Êyiptơ, ưh kơ gơh hiơ̆ păng kư̆m ưh kơ đei hơmet hiă lê̆ tơmam sa kơdih.

Le 12:8

Măng 'noh lu sư gô sa 'nhĕm kon triu 'buh phang hăm 'bĕng ưh kơ đei 'buih păng hla 'nhot tăng.

Le 34:18

Ih athei 'blŏk răk kơ năr giĕng sa 'bĕng ưh kơ đei hăm 'buih pông, iĕm athei sa 'bĕng ưh kơ đei hăm 'buih pông lăm tơpơh năr, thoi Inh đei pơkă ăn kơ ih boih yua kơ trŏ 'bơ̆t khei mônh 'noh iĕm lĕch đơ̆ng dêh Êyiptơ.

Êsai 52:12

Lu iĕm weh lĕch ưh kơ mah hăt hot, kư̆m ưh kơ mah kơdâu klĕnh; Kră Yang gô năm adrol kơ lu iĕm păng Kră Yang 'Bok Kei-Dei Isơrael năm đơ̆ng rŏng wei-lăng iĕm.

Lêwi 23:6

Na truh năr mơjĭt-pơđăm khei noh đe pơm giĕng 'Bĕng Ưh Kơ Đei 'Buih Pông. Wă kơkuh pơyom kơ Kră Yang, na lu iĕm gô sa 'bĕng ưh kơ đei 'buih noh lăm tơpơh năr.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Jo 28:17

Truh năr mơjĭt-pơđăm lăm khei noh jing năr giĕng; sa 'bĕng ưh kơ đei 'buih pông lăm tơpơh năr.

Jo 9:11

Dôm lu bơngai noh athei pơm giĕng Năm Brih âu lăm năr mơjĭt-puăn khei 'bar, gah kơsơ̆ măng, sa 'bĕng ưh kơ đei 'buih pông hăm hla 'nhot tăng,

Luka 22:19

Đơ̆ng rŏng kơ noh Yêsu iŏk 'bĕng mi krao khan bơnê kơ 'Bok Kei-Dei, na phĕ hloi 'bĕng mi noh asong kơ lu sư păng khan: “'Bĕng âu boih akâu Inh. Akâu Inh âu boih Inh ăn lôch tang kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

I Kor 5:8

Thoi noh bơ̆n athei 'blŏk hơdơ̆r kơ năr giĕng đe sŏng sa 'Bĕng Ưh Kơ Đei 'Buih Pông, 'nĕ pă pơm dôm tơdrong so, tơdrong kơnê̆ yoch thoi lĕ kơ 'bĕng mă đei 'buih pông 'noh, bơ̆n athei pơm 'lơ̆ng tơpăt thoi 'bĕng ưh kơ đei 'buih đĕch.

Both 16:2

Tơ lăm anih mă Kră Yang gô rơih wă 'măn lê̆ Anăn Sư oei, iĕm athei iŏk triu dah rơmo, pơyơ̆r pơm Năm Brih ăn kơ Kră Yang 'Bok Kei-Dei.

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

I Tes 1:6

Iĕm pơm kiơ̆ rok thoi nhôn boih, noh thoi nhôn pơm kiơ̆ rok Kră Yang Yêsu Krist ki mơ̆n. Iĕm đei lơ tơdrong pơmat-tat mă-lei khŏm lui kơ tơdrong nhôn bơtho, Yang Bơhngol 'Lơ̆ng ăn kơ iĕm jơhngơ̆m hiôk hơiă tơpă.

Jôsuê 4:7

Lei lu iĕm tơl: Noh wă khan đak Krong Jôrđăn tơklah kơplah Hom Pơgơ̆p Kră Yang năm rok đak krong, na đak krong khơ̆t kơtĕch tŏk-bŏk, tơmo âu wă pơm kơ kon pơlei Isơrael 'blŏk hơdơ̆r ling-lang.