Both 16:1 - Sơ̆p Hlabơar Nơ̆r 'Bok Kei-Dei

¹ Iĕm athei 'blŏk kơ khei 'ba huăt, pơm giĕng Năm Brih kơ Kră Yang 'Bok Kei-Dei iĕm; yua kơ lăm khei trŏ kơ 'ba huăt,a Kră Yang 'Bok Kei-Dei iĕm chông anhăk iĕm lĕch đơ̆ng dêh Êyiptơ kơmăng.

Both 16:1 Kruisverwysings

Le 12:51

Kŭm lăm năr 'noh Kră Yang chông tơlĕch pơklaih kon pơlei Isơrael, kiơ̆ kơ khŭl linh, lĕch đơ̆ng dêh Êyiptơ.

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 13:4

Năr 'nâu, trŏ khei mônh, lu iĕm lĕch.a

Le 23:14

Lăm rim sơnăm pêng wơ̆t pơm giĕng et sa kơkuh kơ Inh.

Le 23:15

Ih athei pơm giĕng et sa 'Bĕng ưh kơ đei 'Buih Pông, athei sa 'bĕng noh lăm tơpơh năr trŏ kơ lăm khei mônh thoi nơ̆r Inh đei pơma pơkă; Yua kơ lăm khei 'noh lu iĕm lĕch đơ̆ng char Êyiptơ ưh kơ đei bu năm 'bơ̆t anăp Inh hăm ti hoh đĕch.

Le 34:18

Ih athei 'blŏk răk kơ năr giĕng sa 'bĕng ưh kơ đei hăm 'buih pông, iĕm athei sa 'bĕng ưh kơ đei hăm 'buih pông lăm tơpơh năr, thoi Inh đei pơkă ăn kơ ih boih yua kơ trŏ 'bơ̆t khei mônh 'noh iĕm lĕch đơ̆ng dêh Êyiptơ.

Lêwi 23:5

Truh năr mơjĭt-puăn khei mônh, kơplah til kơsơ̆ măng noh năr giĕng Năm Brih Kră Yang.a

Jo 28:16

Năr mơjĭt-puăn khei mônh, athei pơm giĕng năm brih kơ Kră Yang.

Luka 2:41

Rim sơnăm trŏ kơ năr giĕng mă đe anăn Giĕng Năm Brih na bre mĕ 'bă Yêsu juăt kơ năm tơ Pơlei Jêrusalem.

Yo 2:13

Hơtai ei wă jê̆ truh năr đe pơm Giĕng Năm Brih, na Yêsu năm tơ Pơlei Jêrusalem.

Yo 5:1

Klaih kơ noh Yêsu năm hơpong tơ lu bơngai Juđê pơm la-giĕng sŏng sa tih tơ Pơlei Jêrusalem.

Yo 6:4

Hơtai ei wă jê̆ truh năr đe giĕng lu Juđê đe anăn Giĕng Năm Brih.

Both 16:2

Tơ lăm anih mă Kră Yang gô rơih wă 'măn lê̆ Anăn Sư oei, iĕm athei iŏk triu dah rơmo, pơyơ̆r pơm Năm Brih ăn kơ Kră Yang 'Bok Kei-Dei.