Both 1:2 - Sơ̆p Hlabơar Nơ̆r 'Bok Kei-Dei

² Yak năm mơjĭt-mônh năr kơ trong đơ̆ng Hôrêp truh tơ Kades Barnêa, rok trong kông Seir.

Both 1:2 Kruisverwysings

Bl 32:3

Jakôp wơh đam sư năm tơ 'nhŏng sư Êsâu adrol tơ lăm dêh char Sir tơring Eđôm:

Le 17:6

Inh gô dơ̆ng 'bơ̆t anăp ih, kơpal tơmo tơ kông Hôrêp; ih athei teh tơmo noh, na đak gô lĕch đơ̆ng lăm tơmo noh wă ăn kơ kon pơlei nhă. Môis pơm hloi thoi noh 'bơ̆t anăp măt lu kră kon pơlei Isơrael.

Le 3:1

Môis wei triu Jêthrô tơnei sư, 'bok soi tơm dêh Mađian; sư wei chông ba khŭl triu tơ tơmăn 'nhĕt char glă, truh tơ kông Kră Yang 'Bok Kei-Dei, kông 'noh đe krao Hôrêp.

Lêwi 2:14

Tơdah ih wă pơyơ̆r tơmam soi hăm tơpŭng plei 'long, phe 'ba blŭng-a lăm bơyan ăn kơ Kră Yang athei iŏk hơie 'ba oei adrih peh pơhĕch păng hơdrĕng lê̆ sư.

Lêwi 9:23

Môis păng Arôn mơ̆t lăm Bơsŭn Anih Akŭm; kơplah sư wă lĕch đơ̆ng hnam noh, bre sư sơkat pŭn hiôk ăn kơ kon pơlei pơla. Na tơdrong ư-ang Kră Yang tơ'bôh 'bơ̆t anăp đĭ-đăng kon pơlei.

Jo 13:26

Brŏk truh boih lu sư năm tơ Môis, Arôn păng đĭ khŭl adrĕch bơngai Isơrael, tơ Kades lăm char glă Pharan, lu sư roi ăn kơ bre sư păng đĭ-đăng kon pơlei băt păng tơ'bôh ăn plei 'long sa đơ̆ng lăm char noh.

Jo 32:8

Noh, yă 'bok lu iĕm kư̆m pơm thoi noh sơ̆ kơplah lu sư oei 'bơ̆t Kades Barnêa, inh wơh lu sư năm chop lăng dêh char.

Both 1:19

Lu bơ̆n yak đơ̆ng Hôrêp năm rok hlôi kơ char glă să păng krưp dêh mă lu iĕm 'bôh boih. Rok tơklă kông groi kon pơlei Amôrit, kiơ̆ thoi Kră Yang 'Bok Kei-Dei bơ̆n đei pơkă kơ bơ̆n, đơ̆ng noh lu bơ̆n truh tơ Karđes Parnêa.

Both 1:44

Kơplah noh lu bơngai Amôrit mă oei lăm kông groi noh, lĕch đơ̆ng kông druh puh lu iĕm thoi sut, blah pơrăm lu iĕm lăm Seir truh tơ Horma.

Both 2:1

Thoi noh lu bơ̆n wơ̆t hơlơ̆k na yak năm tơ lăm char glă tơ gah đak Dơsĭ 'Brê, kiơ̆ thoi Kră Yang đei pơkă kơ inh păng lu nhôn năm đunh năr dăr kơ kông groi Seir.

Both 2:4

Roi bĕ kơ kon pơlei băt: Lu iĕm năm brih wă jê̆ teh đak lu 'nhŏng oh iĕm, kon sâu Êsâu, lu bơngai oei lăm char Seir, lu sư gô hli kơ lu iĕm na lu iĕm athei kơchăng bĕ.

Both 2:8

Thoi noh lu bơ̆n năm hlôi, weh đơ̆ng 'nhŏng oh lu bơ̆n, lu kon drŏ-nglo Êsâu, lu bơngai oei lăm char Seir, Bơ̆n weh đơ̆ng trong Araba, rok wer kơ trong Êlat păng Êsiôn Gêber tŏk đak Dơsĭ 'Brê năm tơpăt rok trong char glă Môap.

Both 9:23

Kơplah Kră Yang athei lu iĕm weh đơ̆ng Kades Barnêa, pơkă khan: Năm iŏk bĕ dêh mă Inh ăn kơ lu iĕm, mă-lei lu iĕm blah plơ̆ Kră Yang 'Bok Kei-Dei lu iĕm tơtă, ưh kơ lui kơ Sư păng ưh kơ chu mơ̆ng kiơ̆ nơ̆r Sư ôh.

Jôsuê 14:6

Kon sâu Juđa năm tơ Jôsuê tơ Gilgal păng Kalep kon drŏ-nglo Jêphunê, kon pơlei Kênisit khan: Ih băt tơdrong mă Kră Yang khan kơ Môis bơngai Kră Yang 'Bok Kei-Dei tơ char Kades Barnêa tơdrong ih hăm inh.