Bl 42:10 - Sơ̆p Hlabơar Nơ̆r 'Bok Kei-Dei

¹⁰ Lu sư tơl thoi âu: Ơ yŏng kơdră ưh kơ sĭ thoi ei ôh; lu đĭch đam ih âu wă răt sa 'ba đĕch.

Bl 42:10 Kruisverwysings

Bl 27:29

Đĭ kon bơngai gô chu yom kơ kon. Đĭ lu dêh char gô drap kơkuh 'bơ̆t anăp kon! E athei gơh pơgơ̆r lu 'nhŏng oh, dôm lu 'nhŏng oh kon mĕ e gô kơkuh 'bơ̆t anăp e. Bu pơjăm, hiap e Kră Yang 'Bok Kei-Dei gô hiap tơwih. Bu sơkat pŭn hiôk ăn kơ e, Kră Yang 'Bok Kei-Dei gô sơkat ăn kơ sư pŭn hiôk mơ̆n!

Bl 27:37

Isăk tơl thoi âu: 'Bă sơkat ăn kơ sư jing yŏng e, hăm đĭ lu 'nhŏng oh jing đĭch đam sư; păng 'bă sơkat apinh Kră Yang 'Bok Kei-Dei hơmet 'măn phe 'ba păng đei sik plei hơmu kơ sư. Thoi ei 'bă wă pơm liơ kơ e dơ̆ng dang ei?

Bl 37:8

Na lu 'nhŏng sư tơl: Lei e gô pơm yŏng lu bơ̆n hă? Lu 'nhŏng sư rai blĕk dêh yua kơ đơ̆ng sư apo noh.

Bl 42:11

Đĭ-đăng lu nhôn 'nhŏng oh minh pôm 'bă, hnam dơnŏ tơpăt 'lơ̆ng đĕch, ưh kơ trŏ khan chă dăr teh đak iĕm ôh.

Bl 44:9

Apinh ih chă tơmam noh tơ lăm 'bi bu bơngai noh athei pơlôch bĕ păng kơdih akâu lu nhôn kư̆m jing đĭch đam ih.

I Pot 18:7

Kơplah Ôbadia oei năm rok trong Êli tơ'bơ̆p sư. Ôbadia kơnăl kơ sư na drap tơ teh păng jet: “Hăm trŏ kơ ih Êli yŏng inh ưh?”

I Sam 26:17

Sôl kơnăl kơ 'bơ̆r Đawit, na jet khan: Ơ Đawit, kon inh, hăm trŏ kơ nơ̆r kon pơma noh? Đawit tơl khan: Ơ pơtao yŏng tơ'ngla inh, 'noh jơ̆ nơ̆r inh.