Am 1:8 - Sơ̆p Hlabơar Nơ̆r 'Bok Kei-Dei

⁸ Inh gô pơrăm kon pơlei oei lăm pơlei Asdôt păng bơngai chĕp 'long jra pơtao sư tơ pơlei Askalon. Inh gô yơ̆r ti Inh blah pơlei Ekrôn; păng lu bơngai Philistin mă oei klaih gô lôch, Kră Yang khan thoi noh.

Am 1:8 Kruisverwysings

II Ho 26:6

Sư iung tơblah hăm lu bơngai Philistin, blah tơlơ̆ dur pơlei Gat, blah pơchah dur Japnê păng dur Asdôt: Sư man pơdơ̆ng ming lơ pơlei lăm tơring Asdôt păng tơ anih nai lăm teh đak Philistin.

Horiso 81:14

Lei ưh kơ đunh ôh Inh gô pơrăm lu bơngai ayăt kơ sư. Hiŏng ti Inh pơm tơwih kơ lu bơngai pơm kơnê̆ kơ lu sư.

Êsai 1:25

Inh gô yơ̆r ti pơm tơwih, inh gô pơgoh lê̆ 'bruih 'brăm đơ̆ng ih, păng iŏk hŭt lu rơ̆m rĕk ih.

Êsai 20:1

Lăm sơnăm Sargôn pơtao dêh Asiri wơh Tartan năm tơ pơlei Asdôt, blah păng iŏk pơlei noh.

Je 47:1

'Nâu nơ̆r Kră Yang khan kơ Jêrêmi bơngai khan lê̆ adrol gah bơngai Philistin adrol kơ Pharaôn wă blah Gasa.

Êsêkiên 25:16

Kră Yang khan: Yua kơ thoi noh na Inh gô yơ̆r ti phak Philistin; Inh gô tơhiong đĭ bơngai Kôrêthit; păng gô pơlôch đĭ lu bơngai mă oei arih tơter đak dơsĭ.

Jôel 3:4

Ơ pơlei Tirơ păng pơlei Siđôn păng đĭ tơring Philistin, lu iĕm đei tơdrong kiơ păng Inh? Lu iĕm wă blah plơ̆ Inh hă? Tơdah lu iĕm blah plơ̆ Inh, Inh gô ăn tơdrong iĕm blah plơ̆ Inh wih plơ̆ tĕnh hloi tơ kơ̆l lu iĕm,

Am 1:7

Inh gô ăn ŭnh truh tơ kơpal dur pơlei Gasa, ŭnh gô sa pơrăm lu kơđông sư kơjăp.

Am 3:9

Roi tơbăt bĕ tơ lăm lu kơđông kơjăp Asdôt păng tơ lăm lu kơđông kơjăp lăm dêh Êyiptơ: Lu iĕm akŭm băl bĕ tơ kơpal kông lăm char Samari; lăng bĕ đei tơdrong rŭng răng tih tơ noh păng đei tơdrong pơm kơnê̆ băl.

Ob 1:18

Hnam Jakôp gô thoi ŭnh păng hnam Jôsep gô thoi pla ŭnh; hnam Êsâu gô thoi hơnong 'ba, mă sư gô soh sa đĭ, hnam Êsâu gô ưh pă đei bu klaih kơ lôch; yua kơ Kră Yang đei khan thoi noh.

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Sa 9:5

Pơlei Askalon gô 'bôh păng hli; Gasa kư̆m 'bôh păng jĭ lăm jơhngơ̆m ưh kơ sŭk; pơlei Ekrôn kư̆m lei-lăi, yua kơ dôm tơdrong sư chang hơmĕng gô hiong tôch; pơtao pơlei Gasa đe gô pơlôch păng pơlei Askalon gô pă đei kon pơlei oei.

Sa 9:6

Bơngai tơmoi gô oei lăm pơlei Asdôt; Inh gô tơhiong lê̆ tơdrong pơang lu bơngai Philistin.

I Sam 6:17

'Nâu pơđăm tŏ rup pơtôch pơm hăm maih bơngai Philistin pơyơ̆r ăn kơ Kră Yang pơm tơmam soi huai yoch dơ̆ng glăi. Minh pơm kơ pơlei Asdôt, minh pơm kơ pơlei Gasa, minh pơm kơ pơlei Askalon, minh pơm kơ pơlei Gat, minh pơm kơ pơlei Ekrôn.