Am 1:3 - Sơ̆p Hlabơar Nơ̆r 'Bok Kei-Dei

³ Kră Yang khan: Yua kơ đơ̆ng kon pơlei Đamas rai pơm yoch pơm yoch hloh kơ adrol, thoi ei na Inh ưh kơ lê̆ ôh wă phak lu sư. Yua kơ lu sư pơjuă dêh char Gileat thoi đe preh 'ba păng kơmăi mam,

Am 1:3 Kruisverwysings

I Pot 19:17

Bơngai bu klaih đơ̆ng đao gưm Hasael, Jêhu gô pơlôch sư; bu klaih đơ̆ng đao gưm Jêhu Êlisê gô pơlôch sư.

II Pot 13:3

Kră Yang hil mĭl kơ lu đe Isơrael, Sư jao lu bơngai Isơrael lăm ti Hasael, pơtao đe Aram păng Ben Hadat kon drŏ-nglo Hasael đĭ lăm kơplah 'bar chăl pơtao noh pơgơ̆r.

II Pot 13:7

Lăm đĭ-đăng khŭl linh Jêhôahas, Kră Yang 'Bok Kei-Dei oei lê̆ lăi lăp pơđăm-jĭt 'nu linh hao aseh păng mơjĭt tŏ gre aseh tơblah păng mơjĭt-rơbâu 'nu linh yak jơ̆ng, yua kơ pơtao đe Aram đei pơrăm lu linh đe Isơrael păng juă bơhlơ̆r lu sư, nhen thoi teh rơpŭk tơ anih đe pơjuă 'ba.

II Pot 16:9

Pơtao đe Asiri drơ̆ng iŏk nơ̆r Ahas apinh, sư năm blah Pơlei Đamas păng tơgar iŏk pơlei 'noh, rôp ba kon pơlei sư pơm bơnă tơ Pơlei Kir păng pơlôch lê̆ pơtao Rêsin.

II Pot 8:12

Hasael jet: “Ơ yŏng tơ'ngla ĭnh, yua kơ kiơ ih nhơ̆m?” Êlisê tơl: “Yua kơ ĭnh băt ih gô pơm kơnê̆ pơrăm lu bơngai Isơrael, ih gô soh chhông lu pơlei tih kơjăp noh, pơlôch lu bơngai drŏ-nglo oei hơmuh hơmŏng pơlôch hăm đao, juă pơhlơ̆r lu hơ'lơ̆p iĕ, păng roch klak lu bơngai drŏ-kăn oei anăp.”

Jop 19:3

Lu iĕm chă pơma pơjăm pơjuă mơjĭt wơ̆t kơ 'nâu bơih, lu iĕm pơm kơ inh pă đei hơkơch.

Jop 5:19

Ih đei tơ'bơ̆p tơdrong pơmat-tat tơdrâu tơpơh 'măng, Sư oei dŏng pơklaih ih.

Tơdrông Pơđơk 6:16

Đei tơdrâu tơdrong mă Kră Yang areh, Tơpơh tơdrong Kră Yang lăng krưp dêh.

Bôk Bơthô 11:2

Ih athei chă asong kơ tơpơh 'nu, tơhngam 'nu, truh tơ lơ bơngai, yua ưh kơ băt năr ayơ gô đei tơdrong truh kơ ih.

Êsai 28:27

Đe ưh kơ yua mut wă teh pơhĕch găr hla ngo, kư̆m ưh kơ yua tang-wang gre aseh pơjuă găr rơngâu noh. Mă-lei đe preh găr hla ngo noh hăm 'long, păng rơngâu hăm 'long mơ̆n.

Êsai 41:15

Âu, inh gô pơm kơ lu iĕm nhen thoi minh pôm tơmam preh 'ba 'nao hơnĕnh sư lơ păng han dêh, lu iĕm gô preh lu kông pơhĕch lê̆ lu Sư, lu groi jing thoi hơkam 'ba.

Êsai 7:16

Na hơdrol kơ hơ'lơ̆p ei băt tŭk tơdrong kơnê̆ păng rơih iŏk tơdrong 'lơ̆ng, teh đak 'bar 'nu pơtao mă ih hli noh gô jing juơ.

Êsai 7:8

Yua kơ kơ̆l char Siri jơ pơlei Đamas, kơ̆l pơlei Đamas jơ̆ Rêsin lăm tơdrâu-jĭt pơđăm sơnăm Êphraim gô răm đĭ ưh pă jing kon pơlei pơla dơ̆ng.

Êsai 8:4

Yua kơ adrol kơ kon nge noh gơh pơma krao, 'Bă ơi! Mĕ ơi! Đe gô iŏk lê̆ mŭk tơmam gĭt đơ̆ng pơlei Đamas păng tơmam tơgar iŏk đơ̆ng Samari năm ba 'bơ̆t anăp pơtao Asiri.

Am 1:11

Kră Yang khan: Yua kơ đơ̆ng kon pơlei Eđôm rai pơm kơnê̆ hloh kơ adrol, thoi ei na Inh ưh kơ lê̆ ôh wă phak lu sư. Yua kơ lu sư đei chĕp đao druh 'moi lu 'nhŏng oh sư kơdih, ưh pă đei jơhngơ̆m băt mơnat, tơdrong hil blĕk lu sư kăp hek băl, pă pơdơh mong tơdrong blĕk ling-lang,

Am 1:13

Kră Yang khan: Yua kơ đơ̆ng kon sâu Ammôn rai pơm yoch hloh kơ adrol ki, thoi ei na Inh ưh kơ lê̆ ôh wă phak lu sư; yua kơ lu sư đei raih boih klak drŏ-kăn oei anăp, lăm char Gileat, wă kơ rĭ hơdral lu sư rai să.

Am 1:6

Kră Yang khan: Yua kơ đơ̆ng kon pơlei Gasa rai pơm yoch pơm yoch kơnê̆ hloh kơ adrol, na Inh ưh kơ lê̆ ôh wă phak lu sư; yua kơ lu sư rôp ba đĭ-đăng kon pơlei năm pơm bơnă păng jao lu sư kơ bơngai Eđôm,

Am 1:9

Kră Yang khan: Yua kơ đơ̆ng kon pơlei Tirơ pơm yoch rai kơnê̆ hloh kơ adrol, thoi ei na Inh ưh kơ lê̆ ôh wă phak lu sư; yua kơ lu sư jao boih đĭ-đăng kon pơlei kơ kon pơlei Eđôm, ưh pă 'blŏk kơ tơdrong pơgơ̆p băl tơduă 'nhŏng oh.

Am 2:1

Kră Yang khan: Yua kơ đơ̆ng kon pơlei Môap pơm yoch rai hloh kơ adrol, thoi ei na inh ưh kơ lê̆ ôh wă phak lu sư; yua kơ sư đei soh boih kơting pơtao char Eđôm wă pơm chŭr.

Am 2:4

Kră Yang khan: Yua kơ đơ̆ng kon pơlei Juđa rai pơm yoch hloh kơ adrol, na inh ưh kơ lê̆ ôh wă phak lu sư; Yua kơ lu sư achăng lê̆ boih khôi juăt Kră Yang păng ưh pă pơm kiơ̆ dôm nơ̆r Sư tơtă, dôm lu yang hơlĕnh pơdăr mă đơ̆ng 'bok yă lu sư kiơ̆, pơm kơ lu sư wơ̆l jrok.

Am 2:6

Kră Yang khan: Yua kơ đơ̆ng kon pơlei Isơrael rai pơm yoch hloh kơ adrol, na inh ưh kơ lê̆ ôh wă phak lu sư, yua kơ lu sư tĕch boih lu bơngai tơpăt yua kơ jên păng tĕch lu bơngai dơnuh hin yua kơ hơgrop chơkhŏ chuă.

Sa 9:1

Nơ̆r Kră Yang hil kơ char Hadrak, sư gô oei tơ pơlei Đamas. Yua kơ măt bơngai Isơrael păng đĭ-đăng kon bơngai tă kơ lăng tơ Kră Yang ngăl.

Sa 9:2

Nơ̆r noh kư̆m pơma kơ Hamat, tơring jê̆ pơlei Đamas, tơ gah Tirơ păng Siđôn, yua kơ lu pơlei noh tih hlôh wao,