Am 1:1 - Sơ̆p Hlabơar Nơ̆r 'Bok Kei-Dei

¹ Nơ̆r Amôs bơngai wei triu oei tơ pơlei Thekoa; noh nơ̆r mă Kră Yang đei tơ'bôh tơblang ăn kơ sư gah lu bơngai Isơrael 'bar sơnăm adrol kơ teh tơdrŏ. Noh lăm chăl Usia pơm pơtao đe Juđa păng lăm chăl Jêrôbôam, kon drŏ-nglo Jêhôas, pơm pơtao đe Isơrael.

Am 1:1 Kruisverwysings

II Sam 14:2

Jôap wơh bơngai năm tơ pơlei Têkôa chă minh 'nu bơngai drŏ-kăn gơh hơgei, sư pơkă kơ drŏ-kăn ei khan: “Ih athei pơm thoi bơngai sơ'ngon kơ đei bơngai lôch, hrŭk ao sơ'ngon, 'nĕ kơ pik pơgang 'bâu phu, ih pơm akâu thoi bơngai drŏ-kăn sơ'ngon kơ đei bơngai lôch đĭ đunh năr boih.

I Pot 19:19

Na Êli năm đơ̆ng anih 'noh tơ'bơ̆p hloi Êlisê, kon drŏ-nglo Saphat oei rơuơ chŭn hơdai hăm mơjĭt-'bar đôi rơmo rơuơ nai, sư choh rơuơ đôi rơmo mă mơjĭt-'bar. Êli năm jê̆ sư păng klơ̆m ăn kơ sư ao tai.

II Pot 14:21

Đĭ-đăng kon Pơlei Juđa iŏk Asaria 'nao mơjĭt-tơdrâu sơnăm pôk pơm pơtao pơtrơp kơ Amasia, 'bă sư.

II Pot 14:23

Sơnăm mă mơjĭt-pơđăm, chăl Amasia kon drŏ-nglo Jôas, pơtao đe Juđa pơgơ̆r, Jêrôbôam kon drŏ-nglo Jêhôas tŏk pơm pơtao đe Isơrael tơ pơlei Samari. Sư pơgơ̆r puăn-jĭt mônh sơnăm.

II Ho 11:6

Sư man pơdơ̆ng pơlei Betlehem, Êtam, Têkôa,

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

Le 3:1

Môis wei triu Jêthrô tơnei sư, 'bok soi tơm dêh Mađian; sư wei chông ba khŭl triu tơ tơmăn 'nhĕt char glă, truh tơ kông Kră Yang 'Bok Kei-Dei, kông 'noh đe krao Hôrêp.

Êsai 1:1

Êsai kon drŏ-nglo Amôt đei Kră Yang tơ'bôh kơ sư gah teh đak Juđa păng pơlei Jêrusalem, lăm chăl Usia, Jôtham, Ahas păng Hesekia lu pơtao teh đak Juđa.

Je 1:1

Nơ̆r Jêrêmi kon drŏ-nglo Hilkia. Sư minh lăm lu 'bok soi oei tơ pơlei Anathôt, lăm char Bênjamin.

Je 28:8

Lu 'bok khan lê̆ adrol, adrol kơ ih hăm adrol kơ inh, đơ̆ng sơ̆ lu sư khan lê̆ adrol boih kơ tơdrong tơblah wang, tơdrong pơrăm, jĭ lôch hơbuh, pơngot rơwĕt, truh tơ lơ dêh char păng tơ lăm dêh char tih.

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Je 7:27

Kơplah Ih pơma dôm tơdrong 'nâu, lu sư ưh kơ mơ̆ng ih. Ih krao, mă-lei lu sư kuă kơ tơl.

Hôsia 1:1

Đei nơ̆r Kră Yang khan kơ Hôsia, kon drŏ-nglo Bêri, lăm chăl Usia Jôtham Ahas, Hesekia, lu pơtao đe Juđa. Lăm chăl Jêrôbôam, kon drŏ-nglo Jôas pơm pơtao đe Isơrael.

Am 7:14

Amôs tơl Amsia: Inh ưh kơ trŏ bơngai khan lê̆ adrol ôh păng inh kư̆m ưh kơ trŏ kơ kon 'bok khan lê̆ adrol mơ̆n; mă-lei inh jing minh 'nu bơngai wei triu păng bơngai bơwei hơmet dôm lu 'long hơra bri brah đĕch.

Mi 1:1

Nơ̆r Kră Yang khan kơ Mika bơngai Môresêt lăm chăl Jôtham, Ahas păng Hesekia, lu pơtao dêh char Juđa, tơdrong mă lu sư 'bôh noh trŏ kơ pơlei Samari păng pơlei Jêrusalem.

Sa 14:5

Lu iĕm gô kơdâu ôn tơ lăm sơlŭng trôm kông, yua kơ sơlŭng noh să truh tơ Atsan, lu iĕm gô kơdâu ôn thoi đe kơdâu đơ̆ng teh tơdrŏ chăl Ôsia, pơtao đe Juđa. Dang ei Kră Yang 'Bok Kei-Dei inh gô truh, đĭ-đăng lu bơngai 'lơ̆ng rơgoh gô truh hơdai ih.

Mathiơ 4:18

Kơplah Yêsu năm kiơ̆ ter jih đak dơsĭ Galilê, Sư 'bôh 'bar 'nu 'nhŏng oh, anăn bre sư Simôn păng đe kư̆m anăn sư Pêtrôs, oh sư Andrê; bre sư oei traih jal chă ka lăm đak dơsĭ yua kơ bre sư bơngai juăt kơ chă ka ling-lang.

I Kor 1:27

Mă-lei 'Bok Kei-Dei rơih iŏk boih lu bơngai ưh kơ hơgei ala teh âu wă pơm kơ lu bơngai hơgei mơlâu; 'Bok Kei-Dei kư̆m rơih iŏk boih lu bơngai tơrăn ala teh âu wă pơm kơ lu bơngai pran kơtang mơlâu;