रोमि 1:3 - बान्‍तावा राई

³ ओ नुय़ङ्‌खान निनाम्‍हाङ्‌ओ अ़चुछा आन्‍हाङ्‌पा येसु ख्रिस्‍तओ अ़तुक्‌वादाओ। खोक्‍को म़ना म़लिसाकि दाउद हाङ्‌ओ अ़भुङ्‌दाङ्‌का म़पुक्‍तान्‍चिन।

रोमि 1:3 Kruisverwysings

मत्‍ति 1:1

येसु ख्रिस्‍त हाङ दाउद्‌ओ भुङ खोन्‍कि अब्राहाम्‌ओ भुङ्‌दाङ्‌का म़ताओ। खोन्‍कि ओचिङा खोक्‍कोसोओ अ़चुओ भुङ्‌चि ओ।

मत्‍ति 1:16

याकुब योसेफ्‌ओ अ़पा ओ। योसेफ्‌ओ अ़खिम्‍हाङ्‌मा मरियम ओ। मो मरियम्‌दाङ्‌काङा येसु म़लिसा, म़नाचिआ खोक्‍को ख्रिस्‍तनि अ़लोवा।

मत्‍ति 1:6

यिसै दाउद हाङ्‌ओ अ़पा ओ। दाउद सोलोमन्‌ओ अ़पा ओ। सोलोमन्‌ओ अ़मा उरियाहओ अ़खिम्‍हाङ्‌मा ओ।

मत्‍ति 12:23

खोन्‍किना झारा म़ना मुक्‍लाचि दोम्‍दायाङ्‌सा म़य़ङा, “दि ओ दाउद्‌ओ अ़छा लिमा ऱ कि?”

मत्‍ति 15:22

मो धिखाहुप्‌दाङ्‌का अ़क्‍छा कनानि मेत्‍छामा खोक्‍कोएदा ताकि लो, “हाङ्‌पो, दाउद्‌ओ अ़छा, अ़ङ्‌का सोमायोक्‍नि! अ़ङ्‌छा मेत्‍छाछा छा चाकावालावाआ चाअ़त्‍लो दुखा प़ङु।”

मत्‍ति 26:63

मेन येसु वाइवेत म़युङा। मुलो काब़क्‍पाआ खोक्‍को लो, “अ़ह़ङ निनाम्‍हाङ्‌ओ अ़चुऩङ्‌दा खाना लोना, आन्‍कान्‍का लोनि, दि खाना निनाम्‍हाङ्‌ओ अ़चुछा ख्रिस्‍त ओ?”

मत्‍ति 27:43

खोक्‍को निनाम्‍हाङ्‌एदा सोम्‍कुवा मु। खोक्‍को, ‘अ़ङ्‌का निनाम्‍हाङ्‌ओ अ़चुछा ओ!’नि य़ङाङाओ। निनाम्‍हाङ्‌आ ओ लेन्‍मानि म़मिन्‌नालो खोक्‍कोसाआ ओ ओन्‍ग़रिङा लेइसुने।”

मत्‍ति 3:17

मोन्‍ग़रि निनाम्‍मादुङ्‌का ओवाको य़ङ ता, “ओक्‍को अ़ङ्‌का सोमातुक्‍तुङ्‌योङ्‌ओ अ़ङ्‌छा ओ, खोक्‍कोएदा अ़न्‍नुनु अ़ङ्‌ऩङानुयाङ।”

मत्‍ति 9:27

येसु मोदाङ्‌का म़खाराङाहिदा ह़वाङ दोप्‍म़क्‌चिआ, “दाउद्‌ओ अ़छा, आन्‍काच्‍या सोमातुक्‍नि!”नि य़ङ्‌याङ्‌सा खोक्‍को अ़त़ङ्‌ताचु।

लुका 1:35

निनाम्‍हाङ काफाआ लो, “सेङ्‌लावा खानाएदा म़ता। झारादाङ्‌का तोक्‍पो निनाम्‍हाङ्‌ओ अ़चुसावा खानाएदा छुक। खोन्‌ओसा पुक्‍नान्‍चिन्‌ओ नुनु सेङ्‌लो लि, खोन्‍कि खोक्‍को निनाम्‍हाङ्‌ओ अ़चुछानि अ़लो।

लुका 1:69

खोक्‍कोसाआ आप्‍पिओ अ़चुहारुक दाउद्‌ओ अ़छावारिचिदाङ्‌का आन्‍को निकि अ़क्‍छा सावापोरिओ कालेन्‍पा अ़तासा।

युहन्‍ना 1:14

मो य़ङ पोक लिसाकि आन्‍रादा म़याआ। युहन्‍नाआ खोक्‍कोसोओ अ़चुतुक्‌वादा सालुम्‍स़ङ प़याङ्‌सा म़लोचि, “साङ्‌कोओ अ़चुतुक्‌वादा अ़ङ्‌का खानानिन लोनानिन, खोक्‍को ओङा ओ, अ़ङ्‌कादाङ्‌का आदेङ म़ताओ तोक्‍पो म़मुयाङ, देकिनालो खोक्‍को अ़ङ्‌कादाङ्‌का बुयाङा म़युङाङा।” आन्‍कान्‍का खोक्‍कोसोओ अ़चुसाम खाम्‌युङ्‌सुम्‍का। खोक्‍को निनाम्‍हाङ पापाओ अ़क्‍छा ओन्‍ङा अ़चुछा खान्‍तुलो तोक्‍पो म़मुवाङा। मो य़ङ सोम्‍तुक्‍मायु खोन्‍कि अ़छ़ङ्‌आ भेप्‍तुओ म़मुवाङा।

युहन्‍ना 1:34

अ़ङ्‌का आप्‍पि सेङ्‌लावा म़धाओ खाङ्‌युङ्‌सुङ, खोन्‍कि सालुम्‍स़ङ प़ङ्‌योङ, निनाम्‍हाङ्‌ओ अ़चुछा खोक्‍कोङा ओ।”

युहन्‍ना 1:49

नथानेल्‌आ खोक्‍को लासुलो, “रब्‍बि, खानानिन निनाम्‍हाङ्‌ओ अ़चुछा ओ, खानानिन इस्राएल्‌दाओ हाङ ओ।”

युहन्‍ना 10:30

अ़ङ्‌पापा खोन्‍कि अ़ङ्‌का अ़क्‌तात्‌ङा ओ।”

युहन्‍ना 10:36

अ़ङ्‌का ‘निनाम्‍हाङ्‌ओ अ़चुछा ओ’नि य़ङाङ्‌हिदा देत्‍नि निनाम्‍हाङ्‌ओ अ़चुसाया पेप्‍तुङ्‌नि त़लोनि? अ़ङ्‌का पापा निनाम्‍हाङ्‌आ ऩछेन्‍ताङ्‌कि हेन्‍खामादा ऩय़साङ्‌ओ म़ना ओ।

युहन्‍ना 20:28

थोमाआ खोक्‍को लो, “अ़ङ्‌हाङ्‌पो, खोन्‍कि अ़ङ्‌निनाम्‍हाङ!”

युहन्‍ना 20:31

मेन ओ य़ङ्‌चि म़छाप्‍तायुङ्‌सा खोन्‌ओसा खानानिन्‌आ येसु निनाम्‍हाङ्‌ओ अ़चुछा ख्रिस्‍तओ निकिना साकोङ्‌छ़ङ मुवानिन, खोन्‍कि साकोङ्‌छ़ङ्‌लाम्‍पा खोक्‍कोसोओ अ़चुपाङ्‌दा खानानिन ह़ङ्‌म़ङ तोक्‍तानुम।

युहन्‍ना 5:25

अ़नुछ्‍याङा, अ़ङ्‌का खानानिन लोनानिन, ओवाको ग़रि तायाङ, मोन्‍ग़रि म़सुवादाओचिआ निनाम्‍हाङ्‌ओ अ़चुछाओ अ़य़ङ अ़एन, खोन्‍कि काएन्‌चि म़ह़ङ। मो ग़रि ओन्‍ग़रिङा ओ।

युहन्‍ना 7:42

दि साम्‍कालिन्‌दा मान्‍छाप्‌युक, ख्रिस्‍त दाउद्‌ओ अ़भुङ्‌दाङ्‌का खोन्‍कि दाउद्‌ओ अ़तेन बेथलेहेम्‌दाङ्‌का म़ता?”

छाम्‍माय़ङ 2:30

मेन दाउद अ़क्‍छा निनाम्‍हाङ्‌य़ङ खाकालु ओ, खोन्‌ओसा निनाम्‍हाङ्‌आ खोसोओ अ़छावारिदाङ्‌का अ़क्‍छा अ़चुहाङ्‌युङ्‌खादा अ़युङ निकिना निनाम्‍हाङ्‌आ हिप्‌याङ्‌सा किरे म़चाओ खोसाआ सिन्‍तुङु।

छाम्‍माय़ङ 3:13

अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ, आन्‍सुन्‍तुम्‌चिओ अ़चुनिनाम्‍हाङ्‌आ अ़चुछा येसुओ अ़चुऩङ तोक्‍पो अ़मुवा। खानानिन्‌आ ओ येसु रोमि हाङ्‌काचि कामुचि त़लाप्‍तुम्‍प़म्‍च़म, खोन्‍कि पिलातस्‌आ खोक्‍को लेत्‍मा अ़छ़ङ मुनुछाङ खानानिन खोसोओ अ़बुदा मान्‍काङ्‌त़दान।

छाम्‍माय़ङ 8:36

खोन्‍कि खोचि लाम्‌दा खाराङाचिहिदाङा अ़क्‍चित चाक्‌वा याआङाओदा तालाचि, खोन्‍कि मो अ़सावाऱक क़प्‍माय़ङ्‍आ फिलिप लो, “खा-खानुम, ओदा चाक्‌वा याक्‌याङ। अ़ङ्‌का बप्‍तिस्‍मा लोक्‍मा दिसाआ अ़छेक्‍ङा कि?” [

छाम्‍माय़ङ 9:20

खोसाआ मोन्‍ग़रिङा यावायोक्‍खिम्‌चिदा “येसुङा निनाम्‍हाङ्‌ओ अ़चुछा ओ” निकिना खालुमा पुङ्‌सु।

रोमि 1:9

अ़ङ्‌का झारा अ़ङ्‌साकोङ्‌वाआ खोक्‍कोसोओ अ़चुछाओ अ़चुनुय़ङ्‌खान खालुमादा खोक्‍को ब़रुङ, खोन्‍कि अ़धुन अ़ङ्‌यामात्‍मादा अ़ङ्‌का खानानिन मित्‍नानिन्‌ओ य़ङ निनाम्‍हाङ अ़ङ्‌सालुम्‍स़ङ म़युङ्‌याङ।

रोमि 4:1

हान आन्‍कान यहुदिचिओ आन्‍सुन्‍तुम अब्राहाम्‌ओ अ़तुक्‌वादा आन्‍कान दे य़ङिन?

रोमि 9:3

अ़ङ्‌का अ़ङ्‌रावाचि, आप्‍पिओ अ़ङ्‌दाक्‍मित्‍चिओ निम्‍पाङ अ़ङ्‌काङा माङ्‌हिम्‍ङाने, खोन्‍कि ख्रिस्‍तदाङ्‌का फेक्‍ङानेनि मिन्‍ङाङा।

रोमि 9:5

अ़चुसुन्‍तुम्‌चि अब्राहाम, इसाक खोन्‍कि याकुब ओ। खोन्‍कि ख्रिस्‍त्‌छाङ पोक्‌दा मोचिओ अ़चुरावा ओ। झारादाङ्‌का तोक्‍पो निनाम्‍हाङ्‌ओ अ़धुन अ़चुऩङ चोन्‍ने! मोवात्‍निङा लिने।

१ कोरिन्‍थि 1:9

निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसोओ अ़चुछा आन्‍हाङ्‌पा येसु ख्रिस्‍तएनान यावायोक मुसि खोक्‍कोसाआ खानानिन ऩबुत्‍तिन।

१ कोरिन्‍थि 10:18

इस्राएलि म़नाचि मित्‍तानुम्‍च़म, प़माय़ङ हेन्‍खोक्‌वा काचाचि, दि ब़क्‍खादा मान्‍होन्‍म़दान्‍चिन कि?

गलाति 4:4

मेन ग़रि तालाकि निनाम्‍हाङ्‌आ अ़चुछा अ़य़सा। खोक्‍को अ़क्‍छा मेत्‍छामाएदाङ्‌का म़पुक्‍तान्‍चिन, खोन्‍कि यहुदि य़ङ्‌हुप्‌ओ अ़पाङ्‌दा म़पुक्‍तान्‍चिन।

१ थेसलोनिकि 1:10

खोन्‍कि निनाम्‍मादुङ्‌का काय़ निनाम्‍हाङ्‌ओ अ़चुछा येसु त़हुङुम्‌योम्‌निछाङ मोचि म़य़ङ्‌याङ। खोक्‍को निनाम्‍हाङ्‌आ म़सुवादाओदाङ्‌का अ़लासाखोन्‍तालोइसा, खोक्‍कोसाआङा तामा मुयाङ्‌ओ निनाम्‍हाङ्‌ओ अ़चुमाइसुङ्‌दाङ्‌का आन्‍कान म़लेन।

१ तिमोथि 2:5

देकिनालो निनाम्‍हाङ अ़क्‍छा ओन्‍ङा म़युङ्‌याङ, निनाम्‍हाङ खोन्‍कि म़नाचिओ अ़चुरादा कातुम अ़क्‍छा ओन्‍ङा म़युङ्‌याङ, म़ना ख्रिस्‍त येसु।

१ तिमोथि 3:16

आन्‍कान काङ्‌सिन, आन्‍साकोङ्‌छ़ङ्‌ओ अ़तुप्‍माय़ङ अ़न्‍नुनु तोक्‍पो मुयाङ: खोक्‍को पोक्‌दा खाङ्‌म़मुसान्‍चिन, सेङ्‌लावालाम्‍पा खोक्‍को साम्‌योक्‍मि अ़काइसा। निनाम्‍हाङ काफाचिआ खोक्‍को अ़खा, खोक्‍कोसोओ अ़चुतुक्‌वादा रावा-रावाचिओ अ़चुरादा खालुसा। खोक्‍को झारा हेन्‍खामादाओ म़नाचिआ साकोङ्‌छ़ङ अ़मुवा, खोन्‍कि खोक्‍को साम्‌दा निनाम्‍मादु अ़थेन्‍ताखात्‍ता।

२ तिमोथि 2:8

म़सुवादाओदाङ्‌का म़खोन्‍तालोन्‍ताओ दाउद भुङ्‌दाओ येसु ख्रिस्‍त मित्‍तु, अ़ङ्‌का खालुसुङ्‌ओ नुय़ङ्‌खान ओक्‍कोङा ओ।

१ युहन्‍ना 1:3

मो आन्‍कान्‍का खाम्‍काओ खोन्‍कि एनुम्‌युङ्‌सुम्‍काओ, आन्‍कान्‍का खानानिन्‌छाङ खाएत्‍निङ्‌नि, खोवात्‍निओसा आन्‍कान्‍काएनान आम्‍नुओ यावायोक लिने। खोन्‍कि आन्‌यावायोक निनाम्‍हाङ पापा खोन्‍कि खोक्‍कोसोओ अ़चुछा येसु ख्रिस्‍तएनान ओ।

१ युहन्‍ना 3:23

खोक्‍कोसोओ अ़चुलोमाय़ङ ओङा ओ, खोक्‍कोसोओ अ़चुछा येसु ख्रिस्‍तओ अ़चुऩङ्‌दा आन्‍कान साकोङ्‌छ़ङ मुमादोत, खोन्‍कि खोक्‍कोसाआ म़लोवाओवात्‍नि आन्‍कान अ़क्‍छा निएदा सोमातुक्‍मुमादोत।

१ युहन्‍ना 3:8

साङ हेवा मु, खो सैतानादाङ्‌का ओ, देकिनालो सैतानाआ ना अ़पुङ्‌चिपुक्‌दाङ्‌काङा हेवा मुवायुङ्‌सा। निनाम्‍हाङ्‌ओ अ़चुछा खाङ्‌मुमान्‍चिन्‌ओ अ़तुक्‌वा ना सैतानाओ अ़काचिचि लुक्‍मा दोराङाओ।

१ युहन्‍ना 4:15

साङ्‌आ येसु निनाम्‍हाङ्‌ओ अ़चुछा निकिना लोउ, मोएदा निनाम्‍हाङ म़युङ, खोन्‍कि मो निनाम्‍हाङ्‌एदा युङ।

१ युहन्‍ना 5:1

येसुङा ख्रिस्‍त म़युङ्‌याङ निकिना साकोङ्‌छ़ङ कामु झारा निनाम्‍हाङ्‌ओ अ़चुछा ओ। साङ्‌आ निनाम्‍हाङ पापा सोमातुक्‍तु, मोसाआ अ़चुछाछाङ सोमातुक्‍तु।

१ युहन्‍ना 5:20

आन्‍कान सिन्‍तुम्‌योम निनाम्‍हाङ्‌ओ अ़चुछा म़तायुङ्‌सा, खोन्‍कि अ़छ़ङ निनाम्‍हाङ आन्‍कान खाङ्‌म़मेत्‍तायुङ्‌सा। मोवात्‍नि आन्‍कान निनाम्‍हाङ अ़छ़ङ म़मुयाङ निकिना सिन्‍तुम्‍ने। खोन्‍कि ओन्‍ग़रि आन्‍कान अ़छ़ङ निनाम्‍हाङ्‌एनान अ़क्‍नि याइन्‌येन, देकिनालो खोक्‍कोसोओ अ़चुओ छा येसु ख्रिस्‍तएनान आन्‍कान यावायोक्‌दा अ़क्‍नि याइन्‌येन। खोक्‍को अ़छ़ङ निनाम्‍हाङ खोन्‍कि अ़लुक्‍निन्‌ओ ह़ङ्‌म़ङ म़युङ्‌याङ।

१ युहन्‍ना 5:5

हेन्‍खामादा छोमा काऱ साङ ओ? येसु निनाम्‍हाङ्‌ओ अ़चुछा निकिना साकोङ्‌छ़ङ कामुङा हेन्‍खामादा काछो ओ।

२ युहन्‍ना 1:7

देकिनालो हेन्‍खामादा ब़द्‍धेकापाङ काधान्‌चि झारादात्‍नि म़खारायुङ्‌सा, मोचिआ येसु ख्रिस्‍त अ़चुपोक्‌दा म़ताओनि ऩय़ङ्‌निन। मोवाको म़नाङा काधान खोन्‍कि ख्रिस्‍तओ अ़चुङेङ ओ।

खाङ्‌मुमा 2:18

थिआतिरादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान निनाम्‍हाङ्‌ओ अ़चुछादाङ्‌का ओ, मोसोओ अ़म़क्‌चि मिओ अ़लाक्‌वा खोन्‍कि मोसोओ अ़लाङ्‌चि लेन्‍माय़ङ कासावा मुयाङ।