रोमि 1:1 - बान्‍तावा राई

¹ अ़ङ्‌का पावल, येसु ख्रिस्‍तओ अ़चुहारुक, अ़क्‍छा छाम्‍माय़ङ लिसि ऩबुत्‍ताङ ओ, खोन्‍कि निनाम्‍हाङ्‌ओ अ़चुनुय़ङ्‌खान खालुसि ऩछेन्‍ताङ्‌ओ।

रोमि 1:1 Kruisverwysings

मर्कुस 1:14

आदेङ्‌माङ युहन्‍ना छेक्‍खाखिम्‌दा अ़छेक्‍ताकिना निनाम्‍हाङ्‌ओ अ़चुनुय़ङ्‌खान खालुयाङ्‌सा येसु गालिल्‌ह्‍यात्‍नि म़लासा।

युहन्‍ना 12:26

साङ अ़ङ्‌का ब़त्‍मास़नालो मोसाआ अ़ङ्‌का अ़त़ङ्‌ङाने, खोन्‍कि अ़ङ्‌का खादा युङ्‌ङा, अ़ङ्‌का काब़त्‌छाङ मोदाङा युङ। साङ्‌आ अ़ङ्‌का अ़ब़त्‍ङा, अ़ङ्‌पापाआ मो साया अ़मेत।

युहन्‍ना 15:15

हान्‌दाङ्‌का अ़ङ्‌का खानानिन हारुक्‌चिनि अ़लोनानिमिन, देकिनालो मोसोओ अ़हाङ्‌पा दे च़मा मुयाङ, अ़हारुक्‌आ अ़सिन्‍तुन। मेन अ़ङ्‌का खानानिन यावाचिनि लोनानिन, देकिनालो दि अ़ङ्‌का अ़ङ्‌पापाएदाङ्‌का एनुङ, अ़ङ्‌का मो झारा खानानिन खाएत्‍नायुङ्‌नानिन।

युहन्‍ना 15:20

अ़ङ्‌का खानानिन लोनानिन्‌ओ य़ङ मित्‍तानुम, ‘हारुक अ़हाङ्‌पाएदाङ्‌का तोक्‍पो अ़लिनिन।’ मोचिआ अ़ङ्‌का दुखा ऩपुवाङ्‌नालो खानानिन्‌छाङ दुखा ऩप़न। मोचि अ़ङ्‌चिन्‍माय़ङ म़काङ्‌साओ दे आम्‍नुओ य़ङ्‌छाङ म़काङ।

छाम्‍माय़ङ 13:9

खोन्‍किना पावल्‌निछाङ अ़लोवाङाओ सावल, सेङ्‌लावाआ भेप्‍तु खोन्‍कि खोसाआ होन्‍नि एलुमास चोउदिसुकि लो,

छाम्‍माय़ङ 20:24

खोन्‍नुछाङ अ़ङ्‌का अ़ङ्‌ह़ङ्‌म़ङ देम्‌छाङ अ़लुङ छुक्‌ओ खोन्‍कि अ़ङ्‌को निम्‍पाङ दिसुवाछाङ अ़मित्‍ऩङ। मेन हाङ्‌पा येसुआ ऩपुवाङ्‌ओ खालुमा काचि निनाम्‍हाङ्‌ओ अ़चुसोमातुक्‍माओ नुय़ङ्‌खान्‌ओ अ़सालुम्‍स़ङ प़मा अ़ङ्‌लोत्‍मा तामालामा ऱङ्‌ने।

छाम्‍माय़ङ 21:40

मुकुधुम काङ्‌सा, खोन्‌ओसा पावल लाम्‍चेक्‌दा एवाकि म़ना मुक्‍लाचि छुक्‌चाला मेत्‍तुचि। म़नाचि वाइवेत म़लिसाहिदा खोसाआ हिब्रु य़ङ्‌दा मोचि लोचि।

छाम्‍माय़ङ 22:21

खोन्‍किना हाङ्‌पाआ अ़ङ्‌का ऩलोवाङ, ‘खारा, देकिनालो अ़ङ्‌का खाना अ़थायातारि अ़ङ्‌तुक्‌वादा निरावाचिएदा अ़ङ्‌सालुम्‍स़ङ प़सि खान्‍ना।’”

छाम्‍माय़ङ 22:7

खोन्‍किना अ़ङ्‌का बाखादा तेयाङ, खोन्‍कि अ़ङ्‌का ओवात्‍नि य़ङाङाओ अ़क्‌तात य़ङ एनुङ, ‘सावल, सावल! देकि खाना अ़ङ्‌का दुखा त़प़ङाङा?’

छाम्‍माय़ङ 26:1

खोन्‍किना हाङ अग्रिपाआ पावल लो, “हान खाना आम्‍लिप्‍पादा चेप्‍मा त़ऱ।” खोन्‌ओसा पावल्‌आ छुक्‌चाला मुवाकिना रात्‍नान्‍चिन्‍सा चेप्‍मा पुङ्‌सु,

छाम्‍माय़ङ 26:14

खोन्‍कि आन्‍कान्‍का झारा बाखादा ध़न्‍खारिन्‍का, खोन्‍कि हिब्रु य़ङ्‌दा अ़ङ्‌का ओवात्‍नि य़ङाङाओ अ़क्‌तात य़ङ एनुङ, ‘सावल, सावल! देकि खाना अ़ङ्‌का दुखा त़प़ङाङा? अ़ङ्‌काएनान त़म्‍हुनालो खाना आप्‍पि चाअ़त्‍लो त़लि।’

छाम्‍माय़ङ 27:23

अ़ङ्‌का निनाम्‍हाङ्‌ओ अ़चुम़ना ओ, खोन्‍कि खोक्‍कोङा अ़ङ्‌का ब़क्‍तुङ। निनाम्‍हाङ काफा आय़ अ़खाखुत अ़ङ्‌च़क्‌दा म़एवा,

छाम्‍माय़ङ 9:15

मेन हाङ्‌पाआ हननिया अ़लोवा, “खारा! देकिनालो निरावाचि, हाङ्‌चि खोन्‍कि इस्राएलि म़नाचिओ अ़चुबुदा अ़ङ्‌ऩङ खालुमा निकि खो अ़ङ्‌का छेन्‍तुङ्‌युङ्‌सुङ।

रोमि 1:16

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

रोमि 1:5

आन्‍हाङ्‌पा येसु ख्रिस्‍तलाम्‍पा निनाम्‍हाङ्‌आ आन्‍कान सोमाम़तुक्‍ताकि छाम्‍माय़ङ लिमाओ अ़वाखाम म़पुवायुङ्‌सा, खोन्‌ओसा झारा रावाओ म़नाचि साकोङ्‌छ़ङ्‌दा खोन्‍कि लोमाय़ङ्‌दा तित्‍मा ऱम्‍च़म्‌कि निनाम्‍हाङ्‌ओ अ़चुऩङ अ़लोङ्‌ने।

रोमि 1:9

अ़ङ्‌का झारा अ़ङ्‌साकोङ्‌वाआ खोक्‍कोसोओ अ़चुछाओ अ़चुनुय़ङ्‌खान खालुमादा खोक्‍को ब़रुङ, खोन्‍कि अ़धुन अ़ङ्‌यामात्‍मादा अ़ङ्‌का खानानिन मित्‍नानिन्‌ओ य़ङ निनाम्‍हाङ अ़ङ्‌सालुम्‍स़ङ म़युङ्‌याङ।

रोमि 11:13

हान खानानिन निरावाचिओ निम्‍पाङ अ़ङ्‌का चेप्‍ङाङा। अ़ङ्‌का निरावाचिओ निम्‍पाङ छाम्‍माय़ङ्‌ओसा अ़ङ्‌का अ़ङ्‌काचिदा झारा अ़ङ्‌मिन्‍मा पाक्‍तुङ।

रोमि 15:16

निनाम्‍हाङ्‌ओ अ़चुआसिखालाम्‍पा अ़ङ्‌का येसु ख्रिस्‍तओ अ़चुतुक्‌वादा निरावा म़नाचि नुय़ङ्‌खान खाएत्‍तुङ्‌च़ङ। ओवात्‍नि, अ़ङ्‌का अ़क्‍छा काब़क्‍पा लिसाङ्‌किना निनाम्‍हाङ्‌ओ अ़चुऩङानुओ हेन्‍खोक्‌वा प़सि निरावाचि खोक्‍कोसोओ अ़चुबुदा बात्‍तुङ्‌च़ङ। मोचि सेङ्‌लावाआ सेङ्‌लो म़मुयुङ्‌सुचिओ।

रोमि 15:29

अ़ङ्‌का सिन्‍तुङ्‌योङ, अ़ङ्‌का खानानिन्‌एदा बान्‍ङाहिदा ख्रिस्‍तओ च़लोक अ़चुआसिखादा बान्‍ङा।

रोमि 16:18

देकिनालो ओवाको म़नाचिआ आन्‍हाङ्‌पा ख्रिस्‍त ऩब़रुन, मेन खोचिओ अ़चुमित्‍मावा आप्‍पि म़ब़त्‍नान्‍चिन। मोचिओ चानुओ दोलेङ्‌वा य़ङ खोन्‍कि चानुओ य़ङ्‌चिआ सोत्‍सोत्‌वाओ म़नाचि म़धान्‍तुचि।

रोमि 16:25

हान आन्‍कान झारासा निनाम्‍हाङ्‌ओ अ़चुऩङ्‌लोङ्‌सुम्‍ने! अ़ङ्‌का येसु ख्रिस्‍तओ अ़चुतुक्‌वादा खालुसुङ्‌ओ नुय़ङ्‌खान्‌लाम्‍पा खोक्‍कोसाआ खानानिन आम्‍नुओ साकोङ्‌छ़ङ्‌दा सावापोरिओ मुमा ऩऱन। मो नुय़ङ्‌खान्‌ओ अ़कोङ्‌दुम्‌ओ तुप्‍माय़ङ, जुगा-जुगायुङ्‌का कुम्‍सायुङ्‌सा।

१ कोरिन्‍थि 1:1

ओ छाप्‍लावा निनाम्‍हाङ्‌आ अ़चुमित्‍चिऩङ्‌लाम्‍पा ख्रिस्‍त येसुओ अ़चुछाम्‍माय़ङ लिसि ऩबुत्‍ताङ्‍ओ अ़ङ्‌का पावल, खोन्‍कि आन्‍काओ निछा सोस्‍थेनेस्‌दाङ्‌का ओ।

१ कोरिन्‍थि 9:1

दि अ़ङ्‌का अ़ङ्‌ताकावा च़मा अ़ऱऩङ कि? दि अ़ङ्‌का छाम्‍माय़ङ माआङ? दि अ़ङ्‌का आन्‍हाङ्‌पा येसु मान्‍खाङ्‌युक्‍तुङ? दि खानानिन हाङ्‌पाओ निम्‍पाङ अ़ङ्‌का मुङ्‌ओ काचि सिवा माआङ कि?

२ कोरिन्‍थि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ पावल, खोन्‍कि आन्‍निछा तिमोथिएदाङ्‌का कोरिन्‍थदा कायुङ निनाम्‍हाङ्‌ओ अ़चुसाम्‍भुङ, खोन्‍कि झारादात्‍नि अखैयादा कायुङ झारा निनाम्‍हाङ्‌ओ अ़चुम़नाचि।

२ कोरिन्‍थि 11:5

मेन अ़ङ्‌का मिन्‍ङाङा, खाक्‍कोछाङ य़ङ्‌दा अ़ङ्‌का मो अ़छोङ्‌दुओ छाम्‍माय़ङ्‌चिदाङ्‌का देम्‌छाङ अ़चुक्‍ऩङ्‌ऩङ।

२ कोरिन्‍थि 11:7

अ़ङ्‌का आप्‍पि सिम्‍नान्‍चिन्‍सा खानानिन सायामेत्‍मा निम्‍पाङ निनाम्‍हाङ्‌ओ अ़चुनुय़ङ्‌खान अ़ङ्‌का खानानिन मोहा खाएत्‍नानिन्‌ओसा दि अ़ङ्‌का हेवा मुवाङ?

२ कोरिन्‍थि 12:11

अ़ङ्‌का खामान्‍सिन्‍कादा लिसाङ्‌युङ्‌साङ! खानानिन्‌आ अ़ङ्‌का ओवात्‍नि च़मा राकाङ्‌थेत्‍नि त़मुवाङ्‌ऩङ, देकिनालो खानानिन्‌आ अ़ङ्‌ऩङ्‌चोन्‍मा दोराङाओ। देकिनालो अ़ङ्‌का दित्‍छाङ माआङ्‌नुछाङ “अ़धिवा छाम्‍माय़ङ्‌चि”नि काय़ङ्‌चिदाङ्‌का अ़ङ्‌का अ़चुप्‍पो अ़मुऩङ्‌ऩङ।

२ कोरिन्‍थि 2:12

ख्रिस्‍तओ अ़चुनुय़ङ्‌खान खालुसि त्रोआस्‌दा खाराङ्‌हिदा हाङ्‌पाएदा अ़ङ्‌को निम्‍पाङ अ़क्‌तात लाम ऩहोत्‍ताङ्‌पुवाङ्‌युङ्‌साङ।

२ कोरिन्‍थि 4:5

आन्‍कान्‍का आन्‍काओ तुक्‌वादा खाअ़लुसिमिन्‍का, मेन येसुओ निम्‍पाङ आन्‍कान्‍का आम्‍नुओ हारुक्‌चिवा लिसिन्‍काकिना येसु ख्रिस्‍तङा हाङ्‌पा म़युङ्‌याङ्‌नि खालुसुम्‍का।

गलाति 1:1

अ़ङ्‌का पावल, ख्रिस्‍तओ अ़क्‍छा अ़चुछाम्‍माय़ङ, खोक्‍को म़नाचिएदाङ्‌का माङ्‌लो खोक्‍को म़नालाम्‍पा अ़छुत्‍ताओ माआङ, मेन येसु ख्रिस्‍त खोन्‍कि आन्‍निनाम्‍हाङ पापा, साङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोक्‍कोसाआङा ऩछुत्‍ताङ्‌ओ।

एफिसि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ अ़ङ्‌का पावल्‌दाङ्‌का एफिसस्‌दाओ ख्रिस्‍त येसुदा साकोङ्‌छ़ङ कामु निनाम्‍हाङ्‌ओ अ़चुम़नाचि,

एफिसि 1:13

खोन्‍कि खानानिन्‌आछाङ खोक्‍कोएदा अ़छ़ङ य़ङ आम्‍नुओ लेन्‍माय़ङ नुय़ङ्‌खान त़एनुम, खोन्‍कि खोक्‍कोएदा साकोङ्‌छ़ङ त़मुन। खोक्‍कोएदाङा खानानिन हिप्‍माय़ङ सेङ्‌लावाआ ऩसेप्‍तिन।

एफिसि 4:11

खोन्‍कि खोक्‍कोसोओ अ़चुओ मोहामाय़ङ्‌चि ओचिङा ओ, खा-खाक्‍को छाम्‍माय़ङ्‌चि, खा-खाक्‍को निनाम्‍हाङ्‌य़ङ खाकालुचि, खा-खाक्‍को नुय़ङ्‌खान खाकालुचि, खा-खाक्‍को साम्‍भुङ्‌दाओ काखाङ्‌चि खोन्‍कि खा-खाक्‍को काचिन्‌चि म़छेन्‍तुचि।

फिलिप्‍पि 1:1

ओ छाप्‍लावा ख्रिस्‍त येसुओ अ़चुहारुक्‌चि पावल खोन्‍कि तिमोथिदाङ्‌का ओ। ख्रिस्‍त येसुदा अ़क्‍भोम त़लिसिन्‌ओ फिलिप्‍पिदा कायुङ धिताङ्‌पाचि खोन्‍कि साम्‍भुङ काफापाचि झारा निनाम्‍हाङ्‌ओ अ़चुम़नाचि अ़ङ्‌का छाप्‍तुङ्‌योङ्‌ओ।

फिलिप्‍पि 2:11

खोन्‍कि झारा लेम्‌आ निनाम्‍हाङ पापाओ अ़चुऩङ्‌लोङ्‌माओ निम्‍पाङ, येसु ख्रिस्‍त हाङ्‌पाओ निकिना लोक्‍मादोत।

कलस्‍सि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ लिसाङ्‌ओ अ़ङ्‌का पावल खोन्‍कि आन्‍निछा तिमोथिआ,

कलस्‍सि 1:25

निनाम्‍हाङ्‌आ आम्‍नुओ निम्‍पाङ अ़ङ्‌का ऩपुवाङ्‌ओ पाङ्‌खुन्‌एनान खान्‍तुलो काचि मुङाकि निनाम्‍हाङ्‌ओ झारा अ़चुय़ङ खालुमा निम्‍पाङ अ़ङ्‌का साम्‍भुङ्‌ओ अ़हारुक लिसाङ।

१ थेसलोनिकि 2:2

आन्‍कान्‍का बुयाङा फिलिप्‍पिदा चाअ़त्‍लो दुखा आङ्‌तुम्‍काओ खोन्‍कि आन्‍काओ साया ऩपेप्‍तिन्‍काओ य़ङ ना खानानिन त़सिन्‍तुम्‌योम। मेन अ़न्‍नुनु फित्‍चि ऩमुन्‍कानुछाङ आन्‍निनाम्‍हाङ्‌लाम्‍पा आन्‍कान्‍का राक तोक्‍तुम्‍काकिना खोक्‍कोसोओ अ़नुय़ङ्‌खान मान्‍क़माङ खानानिन खाएत्‍नि।

१ थेसलोनिकि 2:8

आन्‍कान्‍का खानानिन ब़द्‍धे सोमातुक्‍निकिना निनाम्‍हाङ्‌ओ अ़नुय़ङ्‌खान ओन्‍ङा माआङ, मेन आन्‍काओ ह़ङ्‌म़ङ्‌छाङ खानानिन प़मा आन्‍काओ ऩङानुवा, देकिनालो आन्‍कान्‍का खानानिन अ़न्‍नुनु सोमातुक्‍नियुङ्‌नि।

१ थेसलोनिकि 2:9

अ़नुछ्‍या, अ़ङ्‍ब़ब़, नाना खोन्‍कि निछाचि ओ, आन्‍काओ काचि खोन्‍कि दुखा खानानिन त़मित्‍तुम। आन्‍कान्‍का खानानिन साङ्‌छाङ दुखा मान्‍प़दामा निकिना अ़खाखुत खोन्‍कि अ़खोलेन काचि मुयाङ्‌सा आन्‍कान्‍का निनाम्‍हाङ्‌ओ अ़चुनुय़ङ्‌खान खानानिन खाएत्‍नि।

१ तिमोथि 1:1

आन्‍कालेन्‍पा निनाम्‍हाङ खोन्‍कि आन्‍सोम्‍कुवा येसु ख्रिस्‍तओ अ़चुलोमाआ येसु ख्रिस्‍तओ अ़चुछाम्‍माय़ङ अ़ङ्‌का पावल्‌आ,

१ तिमोथि 2:7

ओ सालुम्‍स़ङ्‌ओ निम्‍पाङ साकोङ्‌छ़ङ खोन्‍कि अ़छ़ङ्‌ओ अ़तुक्‌वादा निरावाचि नुय़ङ्‌खान खाएत्‍माचि निम्‍पाङ अ़ङ्‌का खाकालु खोन्‍कि छाम्‍माय़ङ्‌दा ऩछेन्‍ताङ्‌ओ। अ़ङ्‌का अ़नुछ्‍या य़ङ्‌ङाङा, अ़ङ्‌का अ़म़प्‍ऩङ्‌ऩङ!

२ तिमोथि 1:11

खोन्‍कि ओ नुय़ङ्‌खान्‌ओ निम्‍पाङ अ़ङ्‌का अ़क्‍छा खाकालु, खोन्‍कि छाम्‍माय़ङ खोन्‍कि काचिन ऩछेन्‍ताङ।

तितस 1:1

अ़ङ्‌का पावल निनाम्‍हाङ्‌ओ अ़चुहारुक खोन्‍कि ख्रिस्‍त येसुओ छाम्‍माय़ङ्‌आ ओ छाप्‍लावा छाप्‍तुङ्‌योङ। निनाम्‍हाङ्‌आ म़छेन्‍तुचिओचिओ अ़चुसाकोङ्‌छ़ङ पोइसि खोन्‍कि निनाम्‍हाङ्‌ओ अ़ऩङानुओ अ़छ़ङ य़ङ म़नाचिआ तुप्‍मा निकि फासि निनाम्‍हाङ्‌आ अ़ङ्‌का ऩछाम्‍साङ।

हिब्रु 5:4

साङ्‌आछाङ आप्‍पि मुलो काब़क्‍पा लिमा साया अ़लामुन, मेन हारुन बुत्‍तावात्‍नि खो निनाम्‍हाङ्‌आ बुत्‍मादोत।

हिब्रु 7:26

आन्‍कान दोत्‌ओ मुलो काब़क्‍पा येसुङा ओ। खोक्‍को म़सेङ्‌याङ्‌ओ, थुपि मात्‍द़ङ्‌ओ, अ़च़क़ल़क, हेवामिचिदाङ्‌का अ़फेआकि निनाम्‍माचिदाङ्‌का धाना अ़झोइसा।

याकुब 1:1

निनाम्‍हाङ खोन्‍कि हाङ्‌पा येसु ख्रिस्‍तओ अ़हारुक याकुब्‌दाङ्‌का हेन्‍खामादा रावा-रावाचिओ अ़चुरादा त़रिसिन्‍चिन्‌ओ बारकाभुङ्‌चिएदा अ़ङ्‌सेवा!

१ पत्रुस 4:17

देकिनालो छ़ङ्‌छेन्‍मा निनाम्‍हाङ्‌ओ अ़चुम़नाचिदाङ्‌का पुङ्‌मा ग़रि ताचिआयुङ्‌सा। खोन्‍कि ओ छ़ङ्‌छेन्‍मा आन्‍कान्‌एदाङ्‌काङा पुङ्‌नालो निनाम्‍हाङ्‌ओ अ़चुनुय़ङ्‌खान्‌दा लोमावा मान्‍च़कादाचिओ अ़चुछ़ङ्‌छेन्‍मा देत्‍नि लि?

२ पत्रुस 1:1

येसु ख्रिस्‍तओ अ़चुहारुक खोन्‍कि छाम्‍माय़ङ सिमोन पत्रुस्‌दाङ्‌का, आन्‍निनाम्‍हाङ खोन्‍कि कालेन्‍पा येसु ख्रिस्‍तओ अ़चुसाम्‌योक्‍मिदा आन्‍काओवाको अ़लुङ छुक्‌ओ अ़क्‍निवा सोम्‍कुवा कामुचिएदा ओ छाप्‍लावा छाप्‍तुङ्‌योङ।

यहुदा 1:1

अ़ङ्‌का येसु ख्रिस्‍तओ अ़चुहारुक खोन्‍कि याकुब्‌ओ अ़निछा यहुदा ओ। याकुब्‌ओ अ़निछा ओ। निनाम्‍हाङ्‌आ खा-खाक्‍कोचि म़बुत्‍तुचि, निनाम्‍हाङ पापाओ अ़चुसोमातुक्‍मादा कायुङ्‌चि खोन्‍कि येसु ख्रिस्‍तआ म़रात्‍तुचिओचिओ निम्‍पाङ अ़ङ्‌का ओ छाप्‍लावा छाप्‍तुङ्‌योङ।

खाङ्‌मुमा 1:1

ओ निनाम्‍हाङ्‌आ येसु ख्रिस्‍त खाङ्‍अ़मेत्‍ताओ य़ङ ओ, खोन्‌ओसा खोक्‍कोसाआ अ़चुकाब़त्‍पाचि च़क्‍नि लिसि तामा म़मुयाङ्‌ओ य़ङ्‌चि खाङ्‌मेत्‍मा म़ऱचि। ख्रिस्‍तआ अ़चुकाफा अ़छुत्‍ताकि ओ य़ङ अ़चुकाब़त्‍पा युहन्‍ना खाङ्‌अ़मेत्‍ता।

खाङ्‌मुमा 22:6

खोन्‍किना निनाम्‍हाङ काफाआ अ़ङ्‌का अ़लोवाङ, “ओन्‍ग़रितारि खाना त़एनुओ य़ङ्‌चि अ़छ़ङ म़मुयाङ खोन्‍कि सोम्‍कुवामुमायु म़मुयाङ। निनाम्‍हाङ्‌आ खोक्‍कोसोओ अ़चुखाकालुचि खोक्‍कोसोओ अ़चुलावा म़प़चि खोन्‍कि खोक्‍कोसाआ हान च़क्‍नि लिमा म़मुयाङ्‌ओ य़ङ्‌चि अ़चुहारुक्‌चि खाङ्‌मेत्‍सि खोक्‍कोसोओ अ़चुकाफा अ़छुत्‍तायुङ्‌सा।”

खाङ्‌मुमा 22:9

मेन निनाम्‍हाङ काफाआ अ़ङ्‌का अ़लोवाङ, “खाना ओवात्‍नि मान्‍च़दा! खाना, निनाम्‍हाङ्‌य़ङ खाकालु आम्‍द़क्‍छा बुवाचि खोन्‍कि ओक्‍को छाप्‍लाखा भोङ्‌दा छाप्‍ताओ य़ङ्‌चि काकाङ झारा म़नाचिवात्‍नि अ़ङ्‌का निनाम्‍हाङ्‌ओ अ़चुहारुक ओन्‍ङा ओ। खाना निनाम्‍हाङ ओन्‍ङा ब़क्‍मादोत।”