खाङ्‌मुमा 11:16 - बान्‍तावा राई

¹⁶ खोन्‍किना निनाम्‍हाङ्‌ओ अ़चुबुदा आ-आप्‍पिओ अ़चुहाङ्‌युङ्‌खादा कायुङ मो चौबिस्‌कापाङ साम्‌योक ताङ्‌पाचि म़बोम्‍सान्‍चिन खोन्‍कि निनाम्‍हाङ अ़ब़क्‍ता,

खाङ्‌मुमा 11:16 Kruisverwysings

खाङ्‌मुमा 4:4

मो हाङ्‌युङ्‌खाओ अ़ऱङ्‌कोप्‍नि चौबिस्‌कातात हाङ्‌युङ्‌खाचि म़युङाङा, खोन्‍कि अ़चुताङ्‌दु हाराक्‌वाओ ताङ्‌बोप्‍खाचि खोन्‍कि ओमाङाओ तित्‌चि म़हुम्‍साङाओ चौबिस्‌कापाङ साम्‌योक ताङ्‌पाचि मो हाङ्‌युङ्‌खादा म़युङाङाओ अ़ङ्‌का खाङ्‌च़ङ।

खाङ्‌मुमा 4:10

मोन्‍ग़रि मो चौबिस्‌कापाङ साम्‌योक ताङ्‌पाचि हाङ्‌युङ्‌खादा कायुङ्‌ओसो अ़चुबुदा म़बोम्‍नान्‍चिन, खोन्‍कि अ़धुन-अ़धुन्‌तारि काह़ङ अ़ब़क। मोचिओ आ-आप्‍पिओ अ़चुताङ्‌बोप्‍खा हाङ्‌युङ्‌खाओ अ़चुबुदा अ़युङ्‌कि ओवात्‍नि छाम म़लु:

खाङ्‌मुमा 7:11

हाङ्‌युङ्‌खादा, साम्‌योक ताङ्‌पाचि खोन्‍कि चारकातात अ़ह़ङ साक्‍स़चिओ अ़चुऱङ्‌कोप्‍नि झारा निनाम्‍हाङ काफाचि म़एवाङा। खोन्‍किना मोचिआ हाङ्‌युङ्‌खाओ अ़बुदा म़बोम्‍सान्‍चिन्‌कि निनाम्‍हाङ अ़ब़क्‍ता। मोचि म़य़ङा,

खाङ्‌मुमा 19:4

खोन्‍किना मो चौबिस्‌कासाम्‌योक ताङ्‌पाचि खोन्‍कि मो चारकातात अ़ह़ङ्‌चिआ म़बोम्‍सान्‍चिन्‌कि हाङ्‌युङ्‌खादा म़युङाङाओ निनाम्‍हाङ ओवात्‍नि य़ङ्‌याङ्‌सा अ़ब़क्‍ता, “मोवात्‍निङा लिने! हल्‍लेलुयाह!”

खाङ्‌मुमा 5:14

खोन्‍किना मो चारकातात्‍माङ अ़ह़ङ साक्‍स़ङ्‌चि म़य़ङा, “मोवात्‍निङा लिने!” खोन्‍कि मो साम्‌योक ताङ्‌पाचि म़बोम्‍सान्‍चिन्‌कि अ़ब़क्‍ता।

मत्‍ति 19:28

येसुआ मोचि म़लोचि, “अ़नुछ्‍या अ़ङ्‌का खानानिन लोनानिन, खानानिन साङ-साङ्‌आ अ़ङ्‌का त़त़ङ्‌ताङ्‌युङ्‌साङ्‌ऩङ, खाउग़रि म़नाओ अ़छा झारा अ़ऩङ्‌वा य़ङ्‌चि मुन्‍माय़ङ ग़रिदा साम्‍स़रिओ हाङ्‌युङ्‌खादा युङ, मोन्‍ग़रि अ़ङ्‌का कात़ङ्‌चिछाङ बारकाहाङ्‌युङ्‌खाचिदा त़युङिन, खोन्‍कि इस्राएल्‌दाओ बारकाभुङ्‌चिओ अ़चुछ़ङ त़छेन्‍तुम्‍च़म।