फिलिप्‍पि 4:8 - बान्‍तावा राई

⁸ देङ्‌दा ब़ब़, नाना खोन्‍कि निछाचि ओ, दि अ़छ़ङ मुयाङ, दि सायामेत्‍मायु मुयाङ, दि साम्‌योक्‍मि मुयाङ, दि सेङ्‌याङ, दि सोमा तुक्‍मायु मुयाङ, दि चोन्‍मायु मुयाङ, मोवात्‍नि दि-दिचि अ़नुवाक खोन्‍कि चोन्‍मा खान्‍तुओ म़मुयाङ्‌नालो, मो य़ङ्‌चिओ अ़तुक्‌वादा मित्‍तानुम्‍च़म।

फिलिप्‍पि 4:8 Kruisverwysings

मत्‍ति 22:16

फरिसिचिआ अ़चुकाखेङ्‌पाचि हेरोदि रुहुप्‌दाओ म़नाचिएनान खोक्‍कोएदा म़खाइसुचि। मोचि म़य़ङा, “काचिन्‍पो, आन्‍कान्‍का सिन्‍तुम्‌योम्‍का, खानानिन अ़नुवाक त़मुन्‌येन, खोन्‍कि निनाम्‍हाङ्‌ओ अ़चुलाम अ़छ़ङ खात़चिन्‍तिन, खोन्‍कि खानानिन साङ्‌एदाङ्‌काछाङ त़क़सिमिन, देकिनालो खानानिन म़नाचि खाङ्‌याङ्‌सा काचि त़मुन्‍मिन।

मर्कुस 6:20

देकिनालो युहन्‍ना साम्‌योक्‍मि खोन्‍कि सेङ्‌ताङ्‌पा म़नानि हेरोद्‌आ सिन्‍तुकिना युहन्‍ना सायामेत्‍तुङु, खोन्‍कि खोसाआ खो रात्‍तुयुङ्‌सुङु। हेरोद्‌आ युहन्‍नाओ अ़य़ङ एनुङुहिदा हेरोद्‌ओ अ़मिन्‍मा चाअ़त्‍साङा, खोन्‍नुछाङ खोसोओ अ़य़ङ अ़ऩङानुयाङ्‌सा एनुङु।

लुका 16:15

खोन्‍कि येसुआ म़लोचि, “खानानिन म़नाचिओ अ़चुबुदा आप्‍पि निनाम्‍हाङ्‌ओ अ़मिन्‍मावा काच़वात्‍नि खाङ्‌त़मुसिन्‍चिन, मेन निनाम्‍हाङ्‌आ आम्‍नुओ साकोङ्‌वा अ़सिन्‌याङ। म़नाचिआ दि तोक्‍पोनि अ़मित, मो निनाम्‍हाङ्‌आ अ़चुचिप्‍मा अ़कात।

लुका 2:25

मोन्‍ग़रि यरुसलेम्‌दा अ़क्‍छा सिमियोन अ़ऩङ मुवाङाओ म़ना युङाङा। खो साम्‌योक्‍मि खोन्‍कि निनाम्‍हाङ कामित म़ना युङाङा। खोसाआ इस्राएलिचिओ कालेन्‍पा म़ना तामा ग़रि हुङुयुङ्‌सुङु, खोन्‍कि सेङ्‌लावा खोएदा याआङा।

लुका 23:50

योसेफ अ़ऩङ मुवाङाओ अ़क्‍छा अ़नुवाक खोन्‍कि साम्‌योक्‍मि युङाङा। खो धियायोक्‍खादाओ पाङ्‌कातोक म़नाछाङ ओ।

युहन्‍ना 7:18

साङ आप्‍पि अ़पाङ्‌लाम्‍पा चेप, मोसाआ आप्‍पिओ अ़साऩङ्‌वा लामु, मेन साङ्‌आ खो काछुत्‌ओ अ़साऩङ्‌वा लामु, मो अ़छ़ङ काचेप ओ, खोन्‍कि खोएदा म़प्‍माय़ङ अ़याक्‍निन।

छाम्‍माय़ङ 10:22

मो म़नाचिआ अ़लासालोवा, “रोमि रात्‍खामिचिओ अ़चुकप्‍ताना कर्नेलियस्‌आ अ़बाइसिन्‍काओ। खो साम्‌योक्‍मि म़ना खोन्‍कि निनाम्‍हाङ काकित खोन्‍कि झारा यहुदिचिआ अ़न्‍नुनु साया अ़मेत्‌याङ्‍ओ म़ना म़मुयाङ। खोसोओ अ़खिम्‌दा खानानिन ऩबुत्‍तिन्‌येन, खोन्‍कि खानानिन्‌एदाङ्‌का खोसाआ य़ङ्‌खान एन्‍मानि अ़क्‍छा निनाम्‍हाङ्‌ओ अ़चुकाफाआ लोयुङ्‌सु।”

छाम्‍माय़ङ 22:12

हननिया अ़ऩङ मुवाङाओ अ़क्‍छा म़ना मोदा युङाङा। खो निनाम्‍हाङ्‌य़ङ खाकालु मोसाओ अ़य़ङ्‌हुप्‌वा काच़ निनाम्‍हाङ कामित मुवाङा, खोन्‍कि दमस्‍कस्‌दा कायुङ झारा यहुदिचिआ अ़न्‍नुनु साया अ़मेत्‍ताङा।

छाम्‍माय़ङ 6:3

खोन्‌ओसा अ़ङब़ब़, नाना खोन्‍कि निछाचि ओ, आम्‍नुओ रादाङ्‌का सेङ्‌लावाआ भेप्‍तुचिओचिकि खारु खोन्‍कि झारासाआ साया म़मेत्‍तुचिओचि सात्‌कापाङ म़नाचि छेन्‍तानुम्‍च़म। खोन्‍कि आन्‍कान्‍का मोचि ओ काचिदा पाउम्‍च़म्‍का।

रोमि 13:13

अ़खोलेन्‌वा आन्‍कान नुलोक च़न्‍ने। ताकावा च़मा, सेत्‍चावादा, ताङ्‌लान्‌दा, लुत्‍माचामादा, खिमादा खोन्‍कि ऩङ्‌च़दा माआङ।

रोमि 13:3

देकिनालो अ़नुवाक काचिओ निम्‍पाङ माआङ, मेन अ़अ़त्‍पा काचि कामुचिआ हाङ्‌काचि कामुचि कित्‍तुम्‍च़म। दि खाना हाङ्‌काचि कामुचिओ कित्‍मादा युङ्‌मा त़स़नानान? खोन्‍नालो अ़नुवाक काचि मुवा खोन्‍कि खाना खोसाआ त़चोन।

रोमि 14:18

साङ्‌आ ओवात्‍नि ख्रिस्‍त ब़रु, मो य़ङ्‌आ निनाम्‍हाङ्‌ओ अ़चुऩङानु खोन्‍कि म़नाचिआ अ़नुवाक अ़कान।

रोमि 2:29

मेन साङ अ़कोङ्‌याङ्‌काओ यहुदि ओ, मोङा यहुदि ओ। खोन्‍कि साङ अ़साकोङ्‌वादा सेङ्‌लावालाम्‍पा मुवाओ सिप्‍मायाम्‍बुन्‌ङा अ़नुछ्‍याओ सिप्‍मायाम्‍बुन ओ, छाप्‍माय़ङ य़ङ्‌हुप त़ङ्‌तुम्‌कि अ़नुनिन, ओवाको म़नाओ अ़चोन्‍माय़ङ म़नाचिदाङ्‌का माआङ, मेन निनाम्‍हाङ्‌दाङ्‌का लि।

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

२ कोरिन्‍थि 13:7

मेन खानानिन दित्‍छाङ अ़त्‍लो मान्‍च़दानिन निकिना आन्‍कान्‍का निनाम्‍हाङ्‌एदा यामारिन्‌येन्‍का। आन्‍काओ नुलोक लिओ खाङ्‌मुमा निम्‍पाङ माआङ, मेन आन्‍काओ पाङ खाङ्‌मुमा मान्‍ऱदोम्‍कावा दात्‌नुछाङ दि तोङ्‌लो मुयाङ मो मुमा रुवानिन निम्‍पाङ ओ।

२ कोरिन्‍थि 6:8

साया तोक्‍मादा खोन्‍कि साया मान्‍तोक्‍दामादा, अ़अ़त्‍पा ऩङ्‌दा खोन्‍कि अ़नुवाक ऩङ्‌दा, आन्‍कान्‍का म़नाकाच़न्‍चिवात्‍नि ऩमुन्‍का, खोन्‍नुछाङ अ़नुछ्‍याओ मुन्‌येन्‍का।

२ कोरिन्‍थि 8:18

खोन्‍कि आन्‍कान्‍का खोएनान अ़क्‍छा निछा बाइसुम्‌योम्‍का, खो नुय़ङ्‌खान खालुमादा झारा साम्‍भुङ्‌चिदा अ़ऩङ ऱङाओ ओ।

२ कोरिन्‍थि 8:21

देकिनालो आन्‍कान्‍का हाङ्‌पाओ अ़चुखाङ्‌मादा ओन्‍ङा माआङ, मेन म़नाचिओ अ़चुखाङ्‌मादाछाङ दि सायामेत्‍मा खान्‍तुओ मुयाङ, मो मुमा मित्‍चिऩङ मुन्‍का।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

एफिसि 4:25

खोन्‌ओसा खानानिन झारासा म़प्‍मा छिरानुम, खोन्‍कि आम्‍नुओ तेन्‍पाङ्‌चिएनान अ़छ़ङ चेवानिन, देकिनालो आन्‍कान झारा अ़क्‌तात पोक्‌ओ अ़फुत्‍चि ओ।

एफिसि 5:9

देकिनालो झारा अ़नुवाक य़ङ, साम्‌योक्‍मि खोन्‍कि अ़छ़ङ्‌दा साम्‌ओ अ़सिवा तोक्‍तुम।

एफिसि 6:14

खोन्‌ओसा आम्‍नुओ छुमाय़क अ़छ़ङ्‌आ छुम्‍सानुम, खोन्‍कि साम्‌योक्‍मिओ कोङ्‌कोम रात्‍खा वारानुम्‌कि पुवालोन्‍तानिन।

फिलिप्‍पि 3:1

अ़सेत्‍मादिमादा, अ़ङ्‍ब़ब़, नाना खोन्‍कि निछाचि ओ, हाङ्‌पाएदा ऩङानुसानिन्‍चिन! खानानिन मो य़ङ्‌चि छाप्‍मायुङ्‌मा अ़ङ्‌का अ़ङ्‌नाप्‍मा अ़लुनिन, खोन्‍कि मो आम्‍नुओ रात्‍मा निम्‍पाङ ओ।

कलस्‍सि 4:5

साकोङ्‌छ़ङ मान्‍मुकादाचिएनान खारुएनान काचि मुवानिन, खोन्‍कि झारा अ़वाखाम्‌चि नुलोक याङानुम्‍च़म।

१ थेसलोनिकि 4:12

खोन्‌ओसा हाङ्‌पाएदा साकोङ्‌छ़ङ मान्‍मुकादा म़नाचिआ खानानिन साया ऩमेत्‍तिन, खोन्‍कि निचिएदा देम्‍खाछाङ दोत्‍मा अ़दोत्‍निन।

१ तिमोथि 2:2

हाङ्‌चि खोन्‍कि अ़छोङ्‌छान्‌दु कायुङ हाङ्‌काचि कामुचिओ निम्‍पाङ्‌छाङ यामारानिन, खोन्‌ओसा आन्‍कान वाइवेत खोन्‍कि सेवाङ्‌निओ ह़ङ्‌म़ङ्‌आ झारा ग़रि साम्‌योक्‍मि खोन्‍कि निनाम्‍हाङ साया मेत्‍मादा ह़ङ्‌मा ऱन्‍ने।

१ तिमोथि 3:11

ओवात्‍निङा अ़चुखिम्‍हाङ्‌माचिछाङ सोत्‍सोत्‌वाओ, नि म़ना मान्‍सुङ्‌कादा, मेन झारा य़ङ्‌दा काक़म्‍नान्‍चिन खोन्‍कि सोम्‍कुवा मुमा खान्‍तुओ मुमादोत।

१ तिमोथि 3:4

खोसाआ अ़खिम्‍लुम्‍पा नुलोक तोङ्‌मा ऱमादोत खोन्‍कि अ़छाचिआ नुलोक साऩङ्‌वाएनान खोसाआ लोचिओ काकाङ मुमादोत।

१ तिमोथि 4:12

सावाछा त़मुयाङ्‌ओसा साङ्‌आछाङ खाना आम्‍साया ऩपेप्‍नान्‍ने। मेन साकोङ्‌छ़ङ कामुचिएदा आम्‍हान्‍मा, च़माथाङ्‌मा खोन्‍कि सोमातुक्‍मा, साकोङ्‌छ़ङ खोन्‍कि सेङ्‌मादा खाना अ़क्‍छा अ़मात्‍ऩङ लिसा।

१ तिमोथि 5:10

मो अ़नुवाक काचि मुवाओसा झारासाआ साया अ़मेत्‍ताओ मुमादोत। अ़छाचि नुलोक पोइसुचिओ, तावाङ्‌चि साऩङ्‌वा मेत्‍तुचिओ, निनाम्‍हाङ्‌ओ अ़चुम़नाचिओ अ़चुलाङ वास़त्‍तुचिओ, दुखा कातोक्‌चि फासुचिओ खोन्‍कि झारा अ़नुवाक काचिदा अ़मिन्‍मा कापाक काइसाओ मुमादोत।

१ तिमोथि 5:2

नाना मेत्‍छामाचि आम्‍मामाचिवात्‍नि खोन्‍कि निछा मेत्‍छामाचि झारा सेङ्‌याङ्‌ओ मिन्‍माआ आम्‍निछाचिवात्‍नि मुचि।

तितस 1:8

खोक्‍को तावाङ्‌चि साऩङ्‌वा कामेत खोन्‍कि अ़नुवाक य़ङ ऩङाकानु खोन्‍किना अ़खारु च़ङ्‌तुकि काचि कामु, अ़नुवाक काचि कामु, निनाम्‍हाङ कामित खोन्‍कि आप्‍पि क़म्‍मान्‍चिन काऱ लिमादोत।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

तितस 2:2

खोक्‍पा म़नाचि म़क़म्‍नान्‍चिन्‌ओ, साया तोक्‍मा खान्‍तुचिओ, खोप्‍लो कामिन लिमादोत, खोन्‍कि साकोङ्‌छ़ङ, सोम्‍तुक्‍मा, आङ्‌मा सावादा काछो लिमादोत निकिना चिन्‍तुचि।

तितस 2:7

खानाङा झारा य़ङ्‌दा अ़नुवाक काचिओ अ़मात्‍ऩङ लिसाकि मोचि खाङ्‌मेत्‍तुचि खोन्‍कि सोत्‍सोत्‌वाकि ताङ्‌च़क्‍तान्‍चिन्‌ओ लिसाकि ताया प़चि।

तितस 3:14

आन्‍म़नाचिआ अ़नुवाक काचि मुमादा अ़चुमिन्‍मा अ़पाक्‍ने, खोन्‍किना अ़न्‍नुनु दोत्‌याङ्‌ओ सामाचि कोप्‍मा अ़ऱने। मोवात्‍नि म़च़नालो आन्‍म़नाचिआ सोज्‍जेओ ह़ङ्‌म़ङ ऩखाइसुन।

हिब्रु 11:2

ओ साकोङ्‌छ़ङ्‌लाम्‍पाङा आराङ्‌ओ म़नाचि निनाम्‍हाङ्‌आ ऩङानुयाङ्‌सा म़लोउचि।

हिब्रु 13:18

आन्‍काओ निम्‍पाङ यामारानिन। आन्‍कान्‍का सिन्‍तुम्‌योम्‍का आन्‍काओ छेन्‍खाताया सेङ्‌याङ, खोन्‍कि अ़धुन झारा य़ङ्‌चि नुलोक मुमानि आन्‍कान्‍का मिनिन्‌येन्‍का।

याकुब 1:27

आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि मान्‍पोप्‌ओ साम्‌योक ओङा ओ: अ़चाअ़त्‍मादा म़छुक्‍ताओ हेत्‍छाकुवाचि खोन्‍कि मेन्‍मित्‍माचि खाङ्‌माचि खोन्‍कि हेन्‍खामादाओ अ़अ़त्‍पा य़ङ्‌चिदाङ्‌का मान्‍पोप्‌दामान्‍चिन ओ।

याकुब 3:17

मेन निनाम्‍मादुङ्‌का य़ओ खारु बुयाङा अ़च़क़ल़क खोन्‍कि मो तोङ्‌मा काऱ मु, हुङ्‌मा काऱ मु, लोमावा काकाङ मु, सोमाकातुक मु, अ़नुवाक सिवा कासि मु, लिप्‍पा मान्‌वाङ्‌कादा मु खोन्‍कि कोङ्‌क़त्‌वा अ़मुनिन।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

१ पत्रुस 4:8

झारादाङ्‌का बुया आम्‍नुओ रादा अ़क्‍छा निएदा साकोङ्‌वादाङ्‌का सोम्‍तुक्‍मुवानिन। देकिनालो सोम्‍तुक्‍माआङा खिप्‍मा अ़ऱन्‍मिन्‌ओ हेवाचि दिप्‍तुचि।

२ पत्रुस 3:1

सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का आम्‍नुओ निम्‍पाङ ओ ह्‍वातात्‌ओतात छाप्‍लावा छाप्‍तुङ्‌युङ्‌सुङ। ओ ह्‍वातात्‍माङ छाप्‍लावादा अ़ङ्‌का मो य़ङ्‌चि मित्‍मेत्‌याङ्‌सा खानानिन नुलोक मिन्‍मा राक प़नायुङ्‌नानिन।

१ युहन्‍ना 3:18

अ़चुप्‍पो सोमातुक्‍नाङ्‌नानिन्‌ओ छाचि ओ, य़ङ्‌सिवा खोन्‍कि हान्‍माआ ओन्‍ङा आन्‍कान सोमातुक्‌अ़मुन्‍मिन्‍ने, मेन काचि खोन्‍कि अ़छ़ङ्‌आ सोमातुक्‍मुन्‍ने।

१ युहन्‍ना 3:3

खोन्‍कि खोक्‍को म़सेङ्‌याङ्‌वात्‍निङा खोक्‍कोएदा सोम्‍कुवा कामुचि झारा आप्‍पि म़सेङ्‌नान्‍चिन।

१ युहन्‍ना 4:1

सोमातुक्‍नाङ्‌नानिन्‌ओ यावाचि ओ, झारा लावाचि साकोङ्‌छ़ङ मान्‍मुदानुम्‍च़म, मेन लावाचि निनाम्‍हाङ्‌दाङ्‌का म़ताओ हे माआङ, मोचि सिन्‍मा निम्‍पाङ चिन्‍ताखानुम्‍च़म, देकिनालो सोज्‍जेओ निनाम्‍हाङ्‌य़ङ खाकालुचि ओ हेन्‍खामादा झारादात्‍नि म़खारायुङ्‌सा।